新麻蒲 BBQ (波斯富街) (已結業)

銅鑼灣美食雲集，有貴有平，任君選擇。我就㨂啲價錢親民啲。新蒲麻BBQ，晚市提供燒肉，而中午既Lunch有韓餐食，有飯有麵。餐廳既私隱度好高，每個位高高坐背，同其他枱客人分格，傾計都傾得暢快啲，唔洗就住就住，怕比人聽到。仲有播住韓文歌，夠曬chill。至於食物方面，我黎到係下午茶時段，但都仲有抵食Lunch Set供應，但有Happy Hour野食。食得韓國菜，有前菜是常識吧。呢到既前菜有五款，而且份量大方。上菜前，揾野浪一浪肚，或者咬下都幾好。我點咗🐙章魚石鍋飯，仲送碗海帶湯，同飲品。石鍋飯上面鋪上滿滿既料，菠菜、蘿蔔絲、菇、芽菜、翠玉瓜、洋蔥，啖啖都唔會味道，好正。中間仲有個流心蛋，用嚟撈飯，簡直一流。而個辣章魚，個辣醬辣得嚟帶有少少甜味，好過癮！而友人則點咗鮑魚人參雞湯。個湯唔係好稀果隻，而係入口帶有稠稠張口感覺，應該侜啲糯米溶咗入湯所致，好特別。粒鮑魚仔放係面上，真係超級吸睛！隻雞份量好多，兩個人食都唔過份。而隻雞入面有糯米飯，仲有粒粟子，食完超飽肚！走前，仲見到店家外面貼咗張poster。話落雨黎有野食送！大家下次下雨天，行經銅鑼灣，不妨走入黎試下！

身邊有好多朋友成日都話想食醬油蟹，但又驚唔乾淨（M佬都係咁諗），今日就帶仲未食過醬油蟹嘅M佬去到位於銅鑼灣嘅新麻蒲。餐廳最近就推出全新醬油海鮮系列，我哋食過，好味之餘又新鮮，連玻璃肚嘅M佬都好十分欣賞！最重要係價錢都十分相宜呀！一坐低就送上幾款泡菜，味道都唔錯！M佬一見到隻蟹嘅肉質仲係透明個時，佢諗咗好耐，望完又望，最後終於鼓起好大勇氣先敢放入口，但試咗一啖之後，佢好快就食第二啖喇！佢話蟹膏好鮮甜，蟹肉好入味，最重要係夠新鮮又唔腥呀！至於伴飯料有青瓜、金菇、蘿蔔、洋蔥、泡菜等。記住將拌飯加入蟹蓋一齊吃，真係好好味㗎。挑戰完蟹就輪到蝦喇！平時食蝦都係M佬幫我剝殼，但當佢見到一隻仲係透明嘅蝦，佢就停咗喺度，左諗右諗，唔識落手。好啦，今日就等我幫你剝一次殼啦！蝦身夠晒大隻，肉質彈牙，好鮮甜㗎，蝦頭仲有好多橙色蝦膏，一啲都唔腥。食完兩樣生嘢，M佬好感動話終於有個熱湯，湯入面有紅棗、人參等配料，湯底濃郁，雞肉唔韌。驚喜係有成隻鮑魚，鮑魚有咬口（M佬話嘅，因為得一隻，我無份食）！！

燒肉是B女的至愛，今晚試間新燒肉店。「新麻蒲」於韓國已經有多達4百多間分店，屬韓國燒肉的龍頭大哥之一。新麻蒲進駐香港不久已開了2間分店，人氣不錯。星期五晚光顧銅鑼灣店，七點鐘去到已經人山人海, 不少客人在等位，幸好已預先訂座。這烤肉店要人齊方能入座，認真巴閉。餐廳裝潢為韓國大眾化新派燒肉店的風格，氣氛熱鬧嘈吵，絕對不是那種韓式高級燒肉店、也不是尖沙咀金巴利街傳統韓式家庭小店的形式。食客中有不少韓國型男型女，再加上店員大部份是韓國人，而且幾靚仔！（但老公話缺少了韓國靚女女侍應……）讓食客猶如置身於韓國一樣。主餐牌設計相當特別，封面鑲嵌了一塊薄薄的銅片，上面刻有許多韓國文字，相信設計與韓國總店一樣。時近中秋節，當然揀選餐廳特別推介的中秋節套餐（$698）（濟州海鮮 + 牛/豬肉套餐）。這款套餐包括了多種食品，餐牌形容足夠3至4人享用。首先送上四款韓國泡菜，分別為最普遍的蒜辣大白菜，其餘三款是醋蘿蔔片、洋蔥圈及海帶；另外尚有一小盤芝麻醬沙律。送上的四款泡菜並不是我們喜愛的款式，反而那一小盤芝麻醬沙律則十分討我歡心，除了芝麻醬之外，又混和了微微帶酸的沙律醋，配合新鮮蔬菜的爽脆清甜，實在是一道十