咖啡弄 (已結業)

📌又係時候攞交通補貼，又係見貓妹的時候。📌選擇係香港島區揾食，方便係香港區工作的大家。揀左曾經風摩一時，排隊排到大街小巷的台灣咖啡店《咖啡弄》。📌貓妹早到唸住攞位先，點知原來已經唔洗排隊，真係大快人心💗。想當年🤔，熊妹記得排隊起碼超過一個鐘先有得入。📌柔和的燈色再配襯牆上花花綠綠的假草，感覺令人心廣神怡，非常舒服。玉米里肌起士可頌，$64賣相超級吸引，可頌即英文釋音croissant ，亦即牛角包🥐，烘熱過口感非常鬆脆，吃出層層牛油酥皮，再散發淡淡牛油香味。夾雜著生菜🥬，蕃茄片🍅，火腿片，面頭鋪著粒粒香甜粟米粒🌽同煙肉煙肉碎🥓同溶芝士🧀，成件事就係夾同好滋味。不過可能芝士同火腿都係鹽制加工食品，熊妹略嫌咁夾埋食咸左少少。另外，配菜有沙律菜🥗同凱薩沙拉醬，仲有一小杯粟米粒🌽，非常新鮮。現烤燻雞吐司披薩，$54烤雞肉🐥份量唔同，但食得出有醃製過都幾好味的。面頭鋪上芝士烤焗，再夾著蕃茄片🍅，襯托係一片吐司🍞上，形成披薩🍕。不過因為蕃茄片帶點水份，係吐司上焗出水，令吐司濕濕的，淋左少少。另外配菜仲有超級讚的蛋沙律，非常自家製feel，碎蛋撈上沙律醬，簡單就是好味。鮮果冰淇淋鬆餅，$58📌其實熊

朋友生日聚會食咖啡弄的確是不錯的選擇❤️宜家人潮已經不再，星期六下午去食都唔洗排隊，排好耐隊，但場內都差唔多full架！總匯三明治既材料好夠 而且味道唔錯煙肉幾香幾新鮮🤩其中一個包係排包令到三份三文治冇咁齋~想食鬆餅但又唔想咁肥可以試吓鮮果！有成六種水果食到！ 全部都好甜好多汁 大推呀🤩 四塊鬆餅好大份 我食唔哂打包🤣唯一唔好既係店規定一人一杯野飲。所以就算好飽都要叫一杯野飲。不過不能否認佢都好出色架。我飲左幾出名既維也納咖啡，上面啲cream係好實淨好好味，同平時生日蛋糕上面既好唔同。食左一半之後撈匀佢就啱啱好啦，唔會搶左啲咖啡味💕

上次來咖啡弄，因為是星期六中午，太多人等位，所以沒有等了。今天比較醒目，知道餐廳營業時間是中午12時，故約友人11時45分到達餐廳，已有人在等，但不算太多，所以等了大約20分鐘便可進入。餐廳的最低消費是每人一杯飲料，所以我們點了拿鐵咖啡、海鹽焦糖咖啡、抹茶歐蕾，食物方面我們點了墨爾本龍蝦堡和鮮果冰淇淋鬆餅。第一杯上枱的是抹茶歐蕾，賣相吸引，抹茶味都算香濃，只是甜了一點，可能是台灣口味較甜。一向飲抹茶時都發覺抹茶容易凝聚下來，餐廳細心地為顧客準備了別緻的攪拌器，讓客人一面飲、一面攪拌。這杯拿鐵咖啡，賣相更加可愛，配合了節日氣氛，用了聖誕樹拉花，而且將咖啡糖製成攪攪棒，甜度可按自己喜好而定。一入口，濃濃的咖啡味道充滿了整個口腔，再送一口自家製曲奇，滿足滿足﹗另一款海鹽焦糖咖啡，賣相亦佳，也用了聖誕樹拉花。服務員建議吃法是一口忌廉、喝一口咖啡，份外能感受到咖啡的香滑。這個墨爾本龍蝦堡價錢比較貴，但因為是特別推介，所以也試試。用了蒜茸包配澳洲龍蝦，加上自家製龍蝦醬汁，味道也很出色，除了有龍蝦的鮮味外，還有蒜茸包的蒜茸味，再加上清新的生菜，及香香的薯角，滿足度。這個鮮果冰淇淋鬆餅，味道也是一般，

星期二下午4點10分來到，已有十幾人在等。攞左號碼係又焗又人多的樓梯等，真不是味兒。呢次係我次三次黎, 次次都好多人。 等係因為佢個冰淇淋鬆餅真係我食過最好食的!今次叫左鮮果冰淇淋鬆餅，一上台已聞到香香的蛋味。外層脆脆的，內裡軟棉棉好似雞蛋仔既質感。點上忌廉同香橙汁，更加口感豐富。出面的鬆餅/窩夫一般都做到無咁厚，也好少表皮脆內香軟，熱食一流!其實一份都幾多, 最少要2個人先食得晒!!另每人叫左杯凍蜜桃果茶，外表好靚，味道酸酸甜甜好好飲。啲桃都有幾塊, 足料! 唯一係甜左少少!雖然等左個幾鐘都幾辛苦, 不過有時食一餐覺得好食既甜品個人都幾滿足。希望之後唔好咁多人要等咁耐就好啦~

來自台灣的咖啡弄，當中最出名的是什麼??傻仔敏不用想太久...最出名的就是排隊。人就是這樣，不到黃河心不死，明知要排好耐好耐，但又真係好想好想試，點都會找方法說服自己...這是值得的。心想平日中午，大概人人要上班，應該...應該人會少DD啩，但這個應該，並沒有出現在咖啡弄。一等...就等了3個多小時，這是傻仔敏繼在東京築地「壽司大」後，等得最久的一餐。這是訓練耐性的好機會，幸好現在有智能手機，這一刻更覺是偉大的發明....等等等，終於由一操普通話的長髮待應領我們進內，那一刻的感覺...真有點像進入了仙境一般。Oreo 沙冰，豬頭人說充滿了OREO的香味，不用擰不用LUM...都知道是OREO。傻仔敏的是青檸梳打，簡單...但可以洗去剛才那數小時的悶氣。總匯三文治很豐富，面包上塗了牛油，雞肉很嫩，芝士味濃，薯條很脆。咖哩牛腩配法包，咖哩稍為水流流了點，而且不夠香濃不夠熱。鮮果冰淇淋鬆餅，鬆餅又夠旦香又夠厚，香甜鬆軟外皮脆，配上冰淇淋，人間極品也。

朋友之前在咖啡弄嘆過一次下午茶，對食物水準有信心，於是介紹我也來享受美食。我們在一時到達，看到等候的人龍已排至大廈入口，當然馬上加入排隊行列，幸好前面的人拿着一張籌出現，我們才恍然大悟，知道要先去拿籌。拿着77號籌的我們只顧着談天，沒有認真思考就決定在那條不算舒適的樓梯繼續等，這絕對是不智的做法。結果一等便是三小時，太誇張了！ 原來大部分拿了籌的人都沒有留下來等候，我們初時估計會有不少人一去不返，豈料如意算盤打不響，基本上每個號碼都有人出現，只能佩服咖啡弄的吸引力，同時亦要讚嘆自己如此有耐性和腳骨力，哈哈！我對自己許諾：只等一次，下不為例！下次我會計算好時間，做最早光顧的一批，或索性拿了籌再去逛街，絕對不會再自我罰站喇！ 環境方面，裝修溫馨，可惜地方有限，桌與桌之間距離甚少，慶幸我們不用跟其他人同桌。雖然等得很累，但食物真的很吸引，值得一試再試。我們吃了～ 咖哩牛腩佐法國麵包($66)：咖哩比預期辣，怕辣可以以沙律中和。麵包新鮮亦不會過硬，牛腩非常嫩，很美味。 唯一美中不足是麵包只有四片，吃光了仍有很多咖哩剩下來，多希望有一碗白飯來拌咖哩呢！ 鮮果冰淇淋鬆餅($56)：賣相吸

為左答謝細妹張student card幫我係topshop慳錢又陪我睇牙, 我就帶佢來呢間人氣爆棚的Coffe Alley試下佢最鐘意的waffle…睇完牙已急急趕來，大概係11點10分到，已經排到樓梯底，結果要等第二round, 差唔多排左2個鐘頭先入到去。首先飲品點左必點的冰鮮果茶，補充維他命C，今次唔太酸，仍然果味濃郁！唔知係米張抬唔夠大，所以職員好細心無用tray上。細妹點左strawberry smoothies，牛奶味好濃，但溶得好快，唔夠果味，質感唔似飲開的smoothies....到主角啦----> 玉米里肌起司可頌，牛角包暖粒粒，溶溶地的芝士配以火腿、生菜、番茄、煙肉粒。有齊曬我最鐘意食的野，must-order!!----> 當人人都點草莓冰淇淋鬆餅，我地來個反傳統點左鮮果冰淇淋鬆餅，生果有奇異果、蘋果、橙、火龍果，配料有藍莓蓉&柑桔醬 &芒果雪糕。鬆餅外脆內軟，就算單獨食唔加任何配料都好ok!----> 因為啊妹好掛住學校的crepes，所以就點左草莓法式卷餅，有士多啤梨雪糕、新鮮士多啤梨加士多啤梨醬，薄薄的皮包住custard，略嫌太甜，