番茄師兄

營業中

休息中

第一次食lunch，無曬犇犇有禮，叫左兩個滑一滑，一個烏冬一個通粉。湯底好味，重番茄味。d滑牛都唔錯，滑蛋蛋味都濃，成個餐combination幾好鮮炸腐皮墨魚蝦條， 彈牙重魚味，即炸夠熱，表面腐皮炸得好犇犇有禮拉麵，d牛肉重肉味，牛坑腩跟崩沙腩有渣，不過味道好好。牛面頰，肉質嫩滑，三款肉入麵最好味，個餐幾滿意，不過價錢有d貴帶子牛郎烏冬完全接受唔到，d烏冬完全未煮熟食唔到，帶子未解凍完同埋未煮熟，好大陣雪味，蛋同牛舌味道正常。但係成碗野真係好失望

由番茄師兄得深水埗一間舖嘅時候就開始食佢嘅番茄濃湯麵😝 因為以前間中都會買外賣返公司食，好多款餸都食過晒，不過一路都無寫過食評介紹，因為外賣真係比較難影到靚相🤭～ 呢兩年佢哋仲開咗元朗同灣仔分店，每間分店都有幾樣唔同嘅款式，又開展埋外送番茄邊爐，真係要搵機會再試晒佢哋呀💛•🥢 芝SEE菇牛番茄濃湯通粉 $49 （炒滑蛋另加$5）食過咁多款餸，我最鍾意就係「芝SEE菇牛」😍 佢係將芝士、草菇粒同免治牛肉炒埋一齊，份量睇落唔多，單食會比較鹹，但加埋通粉同茄湯食就啱啱好，而且芝士同番茄湯底都好夾㗎～ 番茄湯底嘅酸甜嘅加咗芝SEE菇牛嘅鹹香，令到個湯好濃郁，配埋通粉真係會唔覺唔覺就飲晒啲湯，有啲膩但大滿足！🤤 炒滑蛋都係每次必加，因為真係炒得好滑😋•🥢 帶子牛郎番茄濃湯烏冬 $69（炒滑蛋另加$5 ）呢款帶子牛郎就有6片牛舌同埋2粒北海稻刺身級帶子～牛舌都幾厚身，睇落有啲乾同好似無乜味咁，但食落都幾juicy，腍得嚟都保留咗牛舌嘅爽彈口感～ 帶子表面有輕輕煎過，並無煎到全熟，咬開中間仲會見到少少半透明，都幾彈牙，但略嫌表面煎得唔夠香😛 番茄濃湯酸酸甜甜，好濃稠，𢳂起其實仲會見到一絲絲嘅番茄皮或

師傅諗咗好耐都唔知食乜嘢好，同小黃人商量完之後決定去深水埗逛一逛，加上師傅同小黃人都唔算好肚餓，於是諗住食得輕量啲，師傅靈機一觸，決定去搵下師兄。師傅其實前前後後同小黃人都嚟過兩三次，每次去搵師兄嘅時間，佢門外一定係大排長龍，通常見到咁嘅情況，師傅都會過門而不入。是次同小黃人再去會師兄，都係抱住搏一搏嘅心態。去到門口竟然見唔到條龍尾，原因係冇人排隊喎，師傅當然大喜，同小黃人即刻直入，入到去量完溫度，填完資料後，就有得坐低啦!坐低後侍應好快趣交代左是日有啲乜嘢係沽清，於是同小黃人商量咗一陣之後，師傅決定要碗豚豚圓圓米線，小黃人就要咗碗帶子牛郎米線，再加左兩份小食，一份係鮮炸腐皮墨魚蝦條，另一份係麻香瑞士汁牛柏葉，加多一杯有機豆漿。落完單好快趣就已經有得食，最先登場嘅就係杯有機豆漿，師傅即刻試一試，入口豆漿冰凍鮮甜，甜味唔會太濃，味道恰到好處，飲落真係覺得幾健康，飲完又舒服，正呀；之後再嚟就係麻香瑞士汁牛柏葉，到底乜嘢係麻香瑞士汁呢? 原來就係甜豉油汁，甜甜地再加少少麻辣嘅香味，入口甜中帶辣，但辣得唔會過分，就算唔太食辣嘅都應該食到，因為始終豉油香甜比麻辣味強，而牛柏葉做得非常爽口，配上個

呢日交俾新同事搵食乜，佢對呢區唔熟，所以上Openrice索料，佢喺頭幾間🔍搜尋結果入面揀選咗「番茄師兄」。咁啱我都好耐無食過喇，就一於食下，比多次機會佢。我哋下午一點九去到，以為過咗食飯高峰期，點知都要等位，好彩只係等咗大約十分鐘😊。留意番餐廳係喺門口自行寫人數同攞飛的，自助形式，頗為方便，唔駛開門又閂門。等位期間，我哋可以先行睇餐牌揀食乜。餐廳主打嘅當然係番茄湯底🍅，大部份湯麵已經預設好哂有乜餸，無得自己加料。不過價錢幾貴下，最平嗰碗都要$44，仲要啲餸料勁頹。麵食以外，餐廳仲有飲品同小食提供🍢，午餐時段特飲有得以優惠價錢加配。芝See菇牛番茄濃湯通粉($49)，即芝士、草菇加免治牛肉，我呢碗名副其實係茄牛通😂。通粉係無坑紋嗰種，淋淋哋，但同番茄湯好夾。餸料亦都多，特別係草菇🍄，佢係深啡色，同牛肉碎撞樣，哈哈。芝士都有啲，但唔鹹，而且溶哂入湯入面，一般般。滑一滑番茄濃湯拉麵($49)，即新鮮騸牯滑牛加炒滑蛋。呢碗係同事叫嘅，我無試到，但見炒滑蛋幾靚同幾大份🥚，滑牛同拉麵都唔少。番茄湯底就大家一樣，有原個番茄外，湯頭果然係幾濃郁，熱湯時更正🤤。麻香瑞士汁系雞中翼🐔($15/2隻)，我

之前已經久仰大名，終於有得食好彩有fd早到拎飛， 我地唔駛等咁耐， 第五個fd到就入得見個menu, 樣樣嘢都想食。。。。。 我最後揀咗一貝子， 有d fd揀咗帶子牛郎， 再叫咗鮮炸腐皮墨魚蝦條同麻香瑞士汁雞中翼~一定要加炒滑蛋 好好食~ 個番茄湯我飲晒， 佢唔似其他番茄湯d鋪咁， 好紅。。。。 因為加咗茄膏... 但係呢間唔係茄膏味， 真係番茄湯， 好正！！！ 我碗一貝子都幾多蜆， 帶子又好食~ 好好味！！！ 個鮮炸腐皮墨魚蝦條好熱， 熱辣辣， 好香口，好好食~ 麻香瑞士汁雞翼就少辣， 麻多d~ 都好入味， 好好食我地仲飲咗檸檬雪梨露同桂圓紅棗桑寄生茶都好足料， 好飲~呢間嘢真係抵佢排長龍， 冇得輸

最近唔少得掃黃, 支持黃色經濟圈💛又點少得呢間好有誠意的良心小店🍅番茄師兄🍅, 佢地不時送免費餐撐年輕人👍🏻而家都有派緊免費學生餐比有需要既同路人， 師兄話出示學生證就可以(中一或以上)，直至🇭🇰重光👍🏻多謝你地😭🙏🏻🙏🏻一去到已經見到門口派水又貼晒文宣, 店內一路播同運動有關既歌🎼, 真係好熱血好感動得黎又好sad!!😭 佢地IG仲癲到推介埋其他黃店, 甘有良心的食店點可以唔去瘋狂懲罰佢💰💰!!! (雖然老細話要抖抖, 甘就間唔中先去懲罰佢啦XD😆😆)講返食物先, 不得不讚番茄湯底好高質👍🏻暫時係我地食過香港最好既蕃茄濃湯😳, 蕃茄唔會煮到爛曬, 好爽口, 湯底好濃郁又有鮮味👍🏻飲完都唔會渴👍🏻唔小心連湯底都清埋🤤 第2日食返普通茶記既蕃茄湯麵已經不了, 返唔到轉頭呀, 點算呀Ching?!!😫😫麵身方面, 有上海麵、米線、日式拉麵、烏冬、湯飯, 甚至生菜底都有得揀! 我地就揀左拉麵, 夠晒彈口煙韌又掛湯~😋我地點左招牌的"犇犇有禮", 單睇個名已經知係有勁多牛🐗, 分別有牛面頰,牛坑腩同崩沙腩, 各自探用唔同的烹調方法, 牛好軟腍又足料, 真係誠意之作💛!而且餐廳仲用左騸牯牛,

已經不是第1次來了。因為好味所以回頭。個湯底是真的用番茄煮的，食完覺得沒味精，因為不會令人很口渴。食完個麵，我都會飲埋個湯。我今次吃了一貝子（$68），另加滑蛋（+$5）和粟米（+$3）。真的好好吃。帶子很新鮮，甜美。另外蜆也很甜美，肉地很好，沒有沙。滑蛋是很值得推薦的，因為是火候控制得好好，個蛋不會生，但又好滑。真的炒得好好。粟米也很甜。另外加了鮮炸腐皮墨魚蝦條（$14，2條），也超好吃。蝦很新鮮。

作為一個不折不扣的蕃茄迷，一早已bookmark了這間「番茄師兄」。門面以橙、紅鮮色為主調，貫徹蕃茄主題。湯底可在上海麵、米線、日式拉麵、烏冬4款中選擇。一貝子配的是上海麵，頗能掛湯。配餸則有大花蜆和帶子。花蜆數量很多，一碗有6隻，新鮮無沙。帶子2粒，煎香後再放在碗中，甜美，不太感到雪藏味。鮮氣逼人有鮑魚、大蝦，本應還有麻辣墨魚滑，當天店面缺貨，轉為墨魚丸。鮑魚比想像中大隻，口感不會過韌。大蝦鮮甜，蝦肉彈牙。今次選了日式拉麵作麵底，麵質較為煙韌，深得同行好友歡心。身在「番茄師兄」，湯底自然是蕃茄湯了。每一碗紅通通的蕃茄湯，質感濃稠，有著大量蕃茄蓉。酸甜度調得剛好，充滿蕃茄鮮香味，味精感低。雞中翼4隻，肉質偏實。慢煮瑞士汁非常有驚喜，外表顏色和一般瑞士雞翼無異。入口先是瑞士汁的甜味，一刻間卻散發出麻香；甜辣交融實在過癮。腐皮層炸得香脆，包著墨魚、蝦打成的起膠魚蓉漿，裡面還有粒粒粟米。魚蛋口感頗彈牙，較為普通的一道炸物小食，未見有任何特色。雞髀菇切粒再以牛油炒香，外表金黃吸引。菇粒入口未算很重油膩感，帶著微微牛油香。冷飲的檸檬雪梨露，原支冷藏，沒有放冰。味道清甜，有檸檬、薏米等沉澱在瓶底。

我們來這間位於深水埗的番茄兄弟。我們8點幾到達，坐滿了客人。環境整潔乾淨光亮又舒適，以紅黃橙色的配搭好光鮮，讓客人入到餐廳已經好開心！服務細心友善，自己點好寫好餐單就可以送到櫃枱主力番茄好鮮紅好新鮮又爽脆，牛肉更是另一賣點，採用的是新鮮騸牯牛（是經過閹割的牛隻，肉質鮮美！）。而番茄濃湯更是香濃，採用新鮮騸牯牛腩及牛骨熬製，好甜好濃郁！一點都唔咸無味精又健康，有好多茄紅素！如果客人唔食牛或番茄，更可有另一選擇，加：$10轉魚湯，好細心喔！每個枱上都有一枝秘製麻辣醬汁，好香辣又野味，配上番茄好夾，好辣者必點！這裡選擇有豚肉、牛肉、海鮮（帶子、花蜆）或自選百搭粉麵：可配丸類、扒類等，更有多款小食。犇犇有禮米線包括新鮮牛味濃軟滑牛面頰、有口感牛坑腩、獨特口感崩沙腩，賣相好靚又足料、牛肉配番茄無得輸、番茄濃湯好香濃好好飲、米線份量多豚豚圓圓日本拉麵豚肉一層層，肥瘦剛好、爽脆口感、日本拉麵香軟又份量多、番茄濃湯好飲又有番茄蓉粒鮮炸腐竹墨魚蝦條即點即炸熱辣辣、大條又外脆、內面彈牙墨魚蝦條、更有粟米粒粒，配上泰式酸甜醬汁更野味又去油膩感！78度慢煮沙嗲豬腩肉沙嗲味香濃、粒粒洋蔥、豬腩肉好肥美彈牙飲品熱

身為長沙灣同深水埗友緊係要食下，近幾年呢邊開多左好多餐廳，令到好多人都會黎呢邊覓食，帶旺左人流，我意思係比較年輕既一代，令到深水埗同長沙灣唔再係一個老人區/毒L區（雖然而家都仲係😂）🎈一貝子即係大花蜆同北海道帶子👈🏻蕃茄濃湯其實唔太濃味，似屋企煲番茄薯仔湯既味道😂😂😂不過花蜆夠大隻又新鮮，帶子煎香過都幾爽口，食得蕃茄濃湯一定要叫烏冬，咁先係perfect match🥰，但大家唔好學我咁蠢加炒滑蛋啦，我以為要加先有滑蛋，原來佢本身都配埋😂，咁個滑蛋都ok既😋🎈70度慢煮麻香瑞士汁雞翼好新奇既味道又好夾喎，有瑞士汁既甜味又有麻麻辣辣既感覺，不唔知70度慢煮係咪會影響雞皮既成熟度😂我塊雞皮咬唔開🤨但入面雞肉係熟既🤷🏻‍♀️係咪好新奇？🤣🎈鮮炸腐皮墨魚蝦條新鮮炸起，外脆內彈牙，必叫之選，正👍🏻

難得這天經過西九龍中心，就在附近的番茄師兄吃午餐。街坊小店格局，面積不大，人多時坐得比較擠。餐牌全都是獨沽一味的番茄湯底，選擇不多。枱上放有百里香及麻之一滴，客人可隨個人喜好隨便添加。70度慢煮麻香瑞士汁雞中翼 $28雞中翼大隻厚肉，香甜的瑞士汁滲出微辣的椒麻韻味，刺激味蕾，相當惹味。慢煮不怕高溫破壞食材的蛋白質而影響口感，所以雞翼肉質依然保持嫩滑多汁。秘製沙嗲牛柏葉 $28牛柏葉口感夠爽口入味，吸盡秘製沙嗲汁的精華香味。鮮炸腐皮墨魚蝦條 $24外層以腐皮包裹，新鮮即炸，炸得金黃酥脆。內裡就是墨魚蝦滑，口感QQ又彈牙。鮮炸紫菜墨魚丸 $24同樣都是即叫即炸，熱辣辣上枱，而且亦不會過於油膩。墨魚丸亦甚有咬口，內有墨魚切粒，加上紫菜更添鮮味。一貝子 $68內有新鮮大花蜆及北海道刺身級帶子，另外還加了 $5 炒滑蛋。輕煎表面的帶子口感爽彈，加上大花蜆鮮甜味美。選配了日式拉麵，雖然麵質不易浸淋，不過個人就覺得和番茄湯底不太合得來。 秘製豬扒番茄濃湯麵 $42同樣加了$5炒滑蛋，炒得滑溜又富有蛋香。用牛骨湯調製的茄湯底質感濃稠，內裡亦有不少番茄蓉，真材實料，不像坊間的番茄湯用上大量茄膏，所以吃完

我們兩大忙人終於有時間相聚，大家都在忙畫公司的圖，數晚加班至十時多，累透了。所以今天即使下雨，我們也要出來吃東西，盡訴多天的工作壓力。最好舒緩疲勞的方式當然是吃好東西，所以我們去了最美味的番茄專門店之一番茄師兄吃午餐，沒想到等候入座的人如此多，是以往的兩，三倍，我們目瞪口呆，幸好只是等待二十分鐘左右。我們太餓了，先吃點炸物小食飽嘴，炸得圓滾滾的鮮炸紫菜墨魚丸非常可口，且充滿丸汁，一咬就爆發。墨魚丸彈牙極致，裡頭紫菜增加脆度，香香的滋味讓朋友一吃難忘。鮮炸腐皮墨魚蝦條以腐皮包著墨魚肉和蝦肉再拿去油炸，酥炸的腐皮外層再加上彈性十足的墨魚，蝦肉內餡，作為餐前小食挺不錯的。相信任何人都會受不了78度慢煮沙嗲豬腩肉的誘惑，豬腩肉經慢煮後脂肪部份變得脆香，腩肉細嫩，沒有油膩感，肉汁鎖於肉中，配上濃香的沙嗲醬，教我們念念不忘。70度慢煮麻香瑞士汁雞中翼太好賣，一度賣光，下午茶時間才恢復供應，不過當時我們實在想吃麻香小食，故轉吃麻香瑞士汁牛筋肉碎。麻香瑞士汁牛筋肉碎絲絲嚼勁又帶柔嫩，甘甜的瑞士汁與開胃的麻香相互滲透牛筋肉碎裡，超棒的菜餚。番茄師兄的重點當然是番茄濃湯麵，熱呼呼，好喝的番茄湯麵，更是我們

今天去了深水埗，見到2 間食店都大排長龍 ，我就食左番茄師兄。點了兩款炸物都好好味，鮮炸腐皮墨魚蝦條 $24，鮮炸魚片頭 $24，原來是用了學利魚蛋，外皮香脆裡面非常彈牙。還有兩款小食，麻香瑞士汁牛筋肉碎 $24，70度慢煮麻辣瑞士汁雞中翼 $28，瑞士汁雞翼好常見，但加了麻辣立即變得不一樣，估唔到甜甜辣辣的竟然好夾。犇犇有禮是配了新鮮牛面頰、牛坑腩和崩沙腩的蕃茄濃湯麵，我選了日式拉麵，還加$5 有炒滑蛋$83。湯底非常精彩，落足料煲出來味道濃郁，牛肉好好味，滑蛋煮得剛剛好，無有任何可以挑剔的地方。另一碗是一貝子$68，有新鮮大花蜆、北海道刺身級帶子蕃茄濃湯米線。花蜆大大隻賣相吸引。調味架上有百里香同麻之一滴，兩款都有試，喜歡加百里香落番茄湯，立即變了西餐的味道，加了一滴麻辣，令蕃茄湯更美味。飲品點了信陽毛尖蜂蜜冷泡茶 $18和檸檬雪梨露 $18，檸檬雪梨露不錯絕對是真材實料，有打成蓉的果肉。

※本文以用餐當日的環境、服務和食物質素為準，口味亦因人而異，文章只作參考之用。-友人知道小妹愛吃蕃茄湯底，通常麵店有供應蕃茄湯底的都會試下，所以便推薦來試試位於深水埗的番茄師兄，餐廳既裝潢佈置都好醒神，還很貼心的提供小籃子讓客人放置書包手袋等，值得一讚！連紙巾同餐具都印上餐廳名稱，很認真的感覺。番茄師兄固然係主打蕃茄，以蕃茄濃郁主打的麵食有六款，另外仲有供應單一的蕃茄湯和小食等，貴精不貴多。信陽毛尖蜂蜜冷泡茶、凍檸檬雪梨露 各$18信陽毛尖屬綠茶既一款，味道帶回甘，加入蜂蜜後味道滋潤解渴、亦具有消滯作用；檸檬雪梨露，入口帶清幽檸檬香，加入雪梨，喉嚨更覺滋潤。（喜歡的更可加$5將小樽帶走）鮮炸腐皮墨魚蝦條、鮮炸紫菜墨魚丸 各$24叫左兩款小食，小妹特愛腐皮墨魚蝦條，咬落去質感爽彈，有食緊蝦滑既味道，不錯。犇犇有禮 $78（騸牯牛面頰、牛坑腩、崩沙腩）小妹揀左烏冬配蕃茄濃湯，這碗用上三款牛的不同部位，包括牛面頰（圖右）、牛坑腩及崩沙腩 （圖上）。餐廳用上脂肪比例較佳的騸牯牛，騸牯牛在大約一歲時便會閹割，經閹割後肉質更加細嫩、肉味濃郁；餐廳亦將其煮得夠腍，肉質完全無過老或乾柴的情況出現 (起

姨姨說想買玩具給朋友的孫兒，個人覺得深水埗最多便宜有趣的玩具賣，所以今天特意帶姨姨到深水埗搜羅玩具。除了買玩具，也想帶姨姨吃番茄師兄的番茄湯麵，試試米芝蓮推介以外的湯麵。70度慢煮麻辣瑞士汁雞中翼絕對讓人愛不釋口，瑞士汁煮得雞翼裡外入味，皮滑肉軟嫩，麻辣香料逐漸發揮香氣，口腔充斥著麻辣風味，卻不嗆喉，驚喜萬分。一口咬碩大的鮮炸紫菜墨魚丸，口感比一般所吃的彈牙，相當不賴，清爽不油膩，加上鮮紫菜的配搭，增添墨魚丸食的趣味，愛吃甜酸口味的可沾點甜酸醬吃。鮮炸腐皮墨魚蝦條外層炸得金黃香脆，油炸恰到好處不膩味。墨魚條暗藏爽口的蝦肉，並保有本身的彈力，細嚼時墨魚和蝦的香味飄盪著，齒頰留香。犇犇有禮上桌吸精度頗高，番茄湯頭熬煮濃稠，酸香流竄於喉嚨之中，姨姨一口接一口喝過不停。整碗犇犇有禮用料極之豐富，牛坑腩肉味濃重，肉質鮮嫩，崩砂腩具有爽彈無比的嚼感，非常迷人。新鮮騸牯牛面頰膠質豐腴，滑溜滋補，女士至愛。個人認為鮮氣逼人非叫不可，尤其麻辣墨魚滑，白白的墨魚滑看似平平無奇，當輕咬一口，可口的麻辣味從墨魚滑滲出，彈性十足，驚艷的味道一吃難忘。上海麵條不會軟爛，番茄湯展示出新鮮的質感及酸甜度平衡感，湯麵水