添好運點心專門店

營業中

休息中

位於屋企附近嘅添好運，一直都的唔起心肝過嚟（始終都係人龍店）今日終於有機會趁佢啱啱開門唔係好耐(未夠10點）走過來食，希望唔使點排隊啦果然早起嘅蟲仔有點心食一去到唔使等就入得去（（🫢見其他人好多post都有門面相睇，咁我就慳返啲相位唔post門面樣啦））一嚟叫咗個我想飲嘅冷泡茶茶錢都要$12位，而且仲要+1 添坦白講$12一個人話貴唔貴話平唔平，普普通通啦，而呢個冷泡茶就未必做到我對冷泡茶既期望*不過佢做到茶樓少有嘅可以揀唔同嘅茶有傳統熱茶、特色熱茶同冷泡茶其實都難得嘅（要加分加分…）好快就嚟咗「古法糯米雞」一打開糯米雞特別在係好乾身嘅，唔似平時酒樓嗰啲油冧冧勁濕嘅糯米雞，都好夠味嘅， 但係我就略嫌佢太乾身而且佢雖然乾但係都唔係少油㗎😱跟住嚟咗呢個「百花釀油條配香辣蟹膏」$35嘅價錢得三條，但係功夫嘅價錢已經抵返晒啦！一咬落去；油炸鬼鬆化，入邊係彈牙嘅蝦滑配埋（應該係）滿滿嘅豆瓣醬，蝦膏仲有啲蛋絲添有樣睇係靚仔嘅嘅🤭不過個辣醬就鹹左D（仲要我都算係一個重口味嘅人🫣食得淡嗰啲人 應該會覺得佢好鹹）***但好得意嘅係（抱住唔好嘥嘅心態）我將認為係伴碟嘅芫荽🌿同埋個釀油條一齊食，竟然有另一番

限聚令下，2人8:00pm唔洗等位，直入入前有店員量體溫坐得好闊落，2人坐4人檯，超正狂點嘢食，點了10樣左下起：鮮蝦腐皮卷、酥皮叉燒包、粉果、晶瑩鮮蝦餃、鮮蝦燒賣皇、叉燒腸、豉汁蒸鳳爪、陳皮牛肉球、紅油抄手、鳳爪排骨飯～～～超瘋狂酥皮叉燒包，大推熱熱地，個面勁脆，包身軟熟餡料多，啖啖都吃到叉燒餡唔乾柴晶瑩鮮蝦餃大大粒，皮薄，多餡，粒粒有蝦鮮蝦燒賣王正常，大粒，成舊肉面頭粒杞子，唔知點解見到會覺得養生鳳爪排骨飯啲料鋪滿面，飯唔少，而且上桌時超熱加埋甜豉油，填肚一流陳皮牛肉球我唔吃牛，冇試但勁大粒有配口gip汁仲有其他點心冇特別影一嚟到就食2個人食10碟，飽到^o^茶錢$4@唔貴2人埋單都係$241

又一間米芝蓮推薦食店，難得經過添好運，有機會試一試當然不錯。係門口睇咗一陣有咩食物，猶豫緊食唔好個陣，店員就叫我地入去試下。環境而言，每張枱位置都偏細，坐得有啲逼。賽磅蟹春卷炸得好脆，不過略嫌炸皮有點厚。餡料係賽螃蟹蟹肉，平時比較少見，幾特別，蟹味都算突出。晶瑩鮮蝦餃皮幾薄，蝦肉都多，啖啖肉。豉汁排骨飯排骨幾入味，有陣陣豉油香，同白飯撈勻同食更暖笠笠。蜜味叉燒腸腸粉皮頗滑溜，叉燒都唔錯，整體正常。鮮蝦燒賣皇每隻燒賣上面有一粒杞子，幾得意。燒賣內裡饀料都幾足，肥滿飽美。

一直以來都幾鍾意添好運呢間點心專門店，一來因為我屋企去添好運唔算遠(另外添好運其實都有好幾間分店，方便唔同地區嘅食客前往)，二來覺得佢嘅價錢都係屬於大眾化，同埋味道嘅水準係屬於合格之上今日嚟到嘅時候無咩人等位，馬上可以入座，而且落單後大概5分鐘已經開始上菜非常高效率。每一次嚟添好運都一定會叫酥皮焗叉燒包$20 ，一碟有三件。一般嘅茶樓都唔難搵得到焗叉燒餐包呢個點心，但係酥皮焗叉燒包就比較少有，就算有都未必話做得好好味。我鍾意添好運呢個點心係因為覺得佢一來size做得適中，每人一個係可以達到淺嚐效果 （正所謂少食多滋味呀嘛），二來每一次上台呢個點心都係夠熱，除咗個包本身夠熱之外，連佢嘅容器都係帶微暖嘅酥皮焗叉燒包 酥皮夠薄，感覺有啲類似墨西哥麵包個皮咁，而餡料亦都好夠多夠juicy 包你每一啖都食到餡料。若果要雞蛋裏面挑骨嘅話就係，咬完個包之後，包係唔會自己鬆返開，視覺上就少咗一份嘅感覺。另外都點左一碟蜜味叉燒腸＄22。淨係睇相片都會見到叉燒腸粉嘅皮做得算通透，你會睇得到裏面係有啲咩餡料，皮夠薄，唔錯唯獨係覺得叉燒嘅分布唔算好均勻，變咗我食嘅時候就係一啖有叉燒，一啖冇餡料而我覺得叉燒嘅顆

這兩年來，已去過深水埗添好運四至五次，幾乎每次都要取籌，排隊，久等，搭枱，坐得逼逼夾夾地吃點心；某個星期日，黃昏六點半，途經這裡，入座率竟然不足一半，可能未到常規晚飯時間，又或者多數人都不習慣吃點心當晚餐；哈！今次真的可以兩個人坐四人枱，在舒適寧靜的環境下，慢慢品嚐優質的米芝蓮點心

在一個悠閒的上午，我反常地起得特別早。 有傳添好運的點心又平又靚，躍躍欲試。一大早坐車來到太子，打算步行前往添好運，大約十分鐘之後終於發現在街邊的大招牌。早上8時15分已經顯得半滿，店內約有三、四個職員在工作。結果我悄悄走進去，十分鐘也沒有人發現。他們只有鐵壺裝著的香片，食具也是用塑膠的，非常地平民化。上菜非常快速，不到兩分鐘便送上了小巧的酥皮焗叉燒包。酥皮非常鬆化，似是剛出爐不久而已，裡面的叉燒醬不錯，叉燒也很易入口，帶點兒甘香。和平時酒樓吃的叉燒包比起來，這個比較香口，而且分量沒有那麼多，麵粉的部分少，叉燒能成為主角。輪到賽螃蟹春捲。這個春捲除了像賽螃蟹一樣用蛋白模仿蟹肉之外，亦加入了蝦肉，令其口感和味道更似海鮮，卻不會滿口是肉的太膩。春捲皮非常脆口，碟面未見油膩，可謂不錯的一道點心。能吃得出這個香煎蘿蔔糕是以新鮮的蘿蔔絲製成的，市面上已經相當少蘿蔔糕是有如此誠意的了。不過也許是因為蘿蔔不合時令的問題，顯得有點兒苦澀，加上吃的時候發現了頭髮絲，對這個點心的評分大大下降！晶瑩蝦餃的確晶瑩剔透，裏面的原塊蝦肉用豬肉包著，保留著肉汁。 作為一個精緻的點心，皮薄餡靚不可多得，外型亦討好！蝦

Meow同Piggy去開D頭就去左食Piggy之前話左好耐想食既添好運.一直唔黎係因為Piggy話起碼要排成2粒鐘喎.行經D頭去望下, 如果要等好耐就食第二間,點知勁好彩, 7:30pm約到, 一到就可以入去坐.一坐低即問Piggy: 個2粒鐘去左邊呀? kakaka...大約7成枱滿, 不過佢要盡留枱做多人生意, 如有2對情侶佢會先安排坐滿一張四人枱先,唔會唔夠枱先安排搭枱, 真係講咩都比人聽到哂.Piggy知Meow好like食豬潤同燒賣, 一點點心就問Meow,Piggy: 食唔食豬潤豬肚燒賣?雖然豬潤吸引, 但鮮蝦更吸引呀.之後Piggy再問,Piggy: 咁黃沙豬潤腸呢?如果Meow有高膽固醇一定係Piggy"種"出黎.黃沙豬潤腸 $18D個係第一樣上枱既點心, 唔夠熱, 可能已經整好左一段時間.但D豬潤真係勁滑, 如果係熱既應該好好味, 可惜呀.香滑馬拉糕 $15Piggy最愛既馬拉糕,上枱熱辣辣, 對比第一樣上枱唔熱既豬潤腸,令到飲茶唔會主動叫馬拉糕既Meow都覺得個馬拉糕好好食.家鄉咸水角 $14又係Piggy最愛 - 咸水角,um... Meow覺得一般啦.鮮蝦燒賣皇

旺角店係未拎星之前我試過一次，0個陣時我覺得比起平日係酒樓0個d冇咁機械化，同埋真係好用心去做。知道深水埗分店開業己有一段時間，都冇時間去試食，趁今次要出旺角，順道去深水埗「拜訪、拜訪」。 我地一行三人去食，可能太早，冇人排隊，我地一人點咗d 點心，有糯米雞、蒸粉果、燒賣、酥皮焗叉燒包、豬潤腸、同埋牛肉球。我本身唔係好鐘意食傳統既叉燒包，但係唯獨呢間既叉燒包我最鐘意食，今次再食，包，鬆化，但餡少。豬潤腸，晶瑩、薄、不糊口。糯米雞係少數食店之中咁大隻，抵食。其他點心size同其他食店差唔多(當然始終冇其他食店咁機械化)，整體來說，一半一半la，我始終都係鐘意總店。

好耐之前已經想試添好運，不過旺角店實在太多人，想待人潮稍退之後，試一試深水埗店。誰知今個星期日下午，都要等差不多45分才有位。題外話，隔離店趕緊老鼠，好多老鼠趕了出馬路。去相：豉汁魚茸釀雞髀菇其他地方好少見，味濃，魚茸唔覺好特別，雞髀菇腍多少少會更好食煎蛋牛肉飯OK鮮蝦燒賣皇好味，好鮮陳皮蒸牛肉球好新鮮，嫌過腍，冇乜咬勁。酥皮焗叉燒包焗爐壞，取消了，試唔到這個招牌點心鮮蝦腐皮卷煎得香口，鮮蝦大大隻薑蔥牛肉角OK，個涵同個汁多好多蔥黃沙豬潤腸皮薄又滑，豬潤切細了，夠腍夠鮮冇怪味，唔嚡口，好食蝦餃水準之作，好鮮煎蘿蔔糕好多蘿蔔，水準之作，好味都OK的，會帶屋企人多來一次。

一直也沒有機會去試旺角店,只要看見長長的人龍已興趣全消!總認為不值得為食一餐而去呆等,不設訂座不設外賣之下,唯有等熱潮散去吧,誰知一等便大半年過去!到最近終於開了分店在深水埗,這天路過剛好一試!這位置真的屬於交通不便,搭港鐵無論太子或深水埗下車也最少要行10分鐘,駕車的話咐近只得錶位,對面馬路停車場又設備環境極差.晚上七時來到不用等位,坐下看見點心紙的選擇不算多,如果4人前來的話應可盡掃餐牌.韮黃鮮蝦腸粉----餡料內的蝦肉份量雖少,但腸粉皮薄滑,豉油調味不錯.陳皮牛肉球----丁點陳皮的味道也吃不到,粉下得太多幸沒有那些會攝在牙縫的筋膜在內.酥皮叉燒包----外皮酥脆內裡一層很薄的义燒餡料,咬落感覺"空心",給我的感覺這不就是在馬來西亞大熱的咖啡包變奏版?外皮一樣,只不過沒有了咖啡味,內裡換成了似有還無的叉燒餡料.鳳爪排骨飯----鳳爪及排骨有豆豉香味,排骨肉多骨少帶一點肥,飯粒略為軟身了一點.煎蘿蔔糕----確是真材實料,但煎得不夠香口,整件糕吃起來也油淋淋,浪費了食材!沙茶牛肉春卷----無沙茶味,牛肉被化學處理得滑潺潺!花彫杞子蒸滑雞----雞肉質地霉,雪藏味十足.鮮蝦燒賣皇-