生記粥麵 (已結業)

呢幾日開始涼返啲，收工凍凍地就想食返啲熱辣辣既晚餐暖一暖身，經過生記，見到門口張貼左好多篇報導仲有老闆同蔡瀾先生既合照，先知道係上環老字號粥店既分店，諗都冇諗就入左去舖頭一試佢既水準！🥣入到餐廳點左一碗鮮鯇魚腩粥（$47）粥底好綿滑仲有啲白果添，魚腩有厚度得黎口感好實在而唔係平時一般粥店食到薄到一夾就好易散開既魚肉。用料非常新鮮，冇魚腥味，再配上薑蔥豉油，簡直係為呢碗粥再提鮮一點，將呢碗粥既層次再昇華🤩今餐真係好滿意下次試試佢既及第粥同豬腸粉先😍

去廣華覆診，聽到護士們討論中午要去生記粥麵午膳，反正我下午又要回醫院檢查，近近地揀左生記食粥。平日嘅十二點幾，當時客人唔算多，入座率大約6-7成。多年冇幫襯過生記了，唸住望清楚個餐牌先，一坐底店員已經企喺旁邊，不停問我哋食乜，我哋話睇多陣轉頭先，佢真係轉個頭唔夠20秒就再企喺旁邊有點不耐煩的問我哋點得未。問店員袖珍類同正常的單併類有乜分別？佢話䄂珍類細碗d喎🤔睇唔切個餐牌，唯有靠記憶點呢度最出名的魚腩粥、單併豬肉丸粥，再點碟油炸鬼啦。招牌鯇魚腩粥有大約6件魚腩，鮮甜👍🏻，配薑蔥豉油食一流，保持到當年水準。我反而對豬肉丸粥不抱太大期望，但將匙羹攪動碗粥時，發覺攪唔旭，因為肉丸數量太多，數一數有成13粒肉丸(相片只影到浮面果層肉丸)，肉丸結實彈牙，有驚喜👍🏻而個油炸鬼呢，絕對絕對不建議大家點，唔脆，用筷子夾已經覺得林，油炸鬼的味道但牛脷酥嘅口感，一個字，實！下次都係食返佢最拿手的食物～粥！食食下留意到身旁有個客人叫左袖珍類肉丸粥，發覺碗粥嘅大細同單併類一樣，只係肉丸少d，6粒左右。原來袖珍唔係碗粥細碗d，而係少餸d啫。

當你買了high tea的團購，午餐變得有點尷尬。但肚子鳴鼓，在tea之前，不能不吃點什麼的，要在油麻地找地方吃一個輕型午餐，友人二話不說，提議了生記粥麵(在YMCA對面)。離鋪面不遠處已見約十人排隊，友人說很多人專程駕車到此用餐，有一班死硬粉絲跟從，付上等候的時間也感值得，並有所期待。鋪面積不大，用青磚與古木枱椅為裝潢，擠迫但亦典雅舒服。生記以粥麵招徠，自然品種繁多。粥類有鲮魚球、鮮牛肉、豬潤、魚片、肉丸、及第、雞…..等，應有盡有，並可互拼、雙拼($29-$31)、三拼($44-$46)，還有袖珍型($22)，和煎魚餅等小吃，靈活多變的香港精神，往往都在小店展現。友人點了鮮鯇魚腩粥($31)，我要了碗清湯牛筋麵($24)，加一碗白灼通菜。粥的份量頗大，小碗盛著薑蔥鼓油伴上，細心。粥淡中滲甜，可塑性高，佐以薑蔥鼓油，味感豐富。粥入口即感軟綿，與配料交融，做到粥中有魚，魚帶米香。魚腩鮮甜，並大塊頭，每塊小說也約有5寸長。友人說粥的基準是：「不會一路吃一路出晒水。」生記做到了。清湯牛筋麵則是一般，牛筋算腍彈口，夠大夠多，性價比高，與中環價值吻合。但牛筋不夠入味，湯底宜重些口味，例如加上腩