豊勝手丼 (已搬遷) 新店位置

海鮮丼近年大行其道，單是銅鑼灣，好食嘅海鮮丼都已經有好多間。今次食呢間豊勝，位置近伊莉莎白大廈，毗鄰一蘭。門面都係日本風，餐廳外睇完menu就入去試試。海鮮丼價錢由百幾蚊至三百蚊不等，好多選擇，見到黑板寫有個Omakase（廚師發板）丼，就試試佢。丼飯附送麵豉湯及沙律，廚師發板今日內容有鮑魚海鮮丼近年大行其道，單是銅鑼灣，好食嘅海鮮丼都已經有好多間。今次食呢間豊勝，位置近伊莉莎白大廈，毗鄰一蘭。門面都係日本風，餐廳外睇完menu就入去試試。海鮮丼價錢由百幾蚊至三百蚊不等，好多選擇，見到黑板寫有個Omakase（廚師發板）丼，就試試佢。丼飯附送麵豉湯及沙律，廚師發板今日內容有鮑魚，海膽，赤貝及魚生片，魚生片新鮮鮮甜，比較少見海鮮丼有鮑魚，爽口美味。另外點咗個燒鯛魚定食，鯛魚燒得很香，但比較多骨，要慢慢進食。總結：極多選擇，鋪頭環境舒適，價錢合理。，海膽，赤貝及魚生片，魚生片新鮮鮮甜，比較少見海鮮丼有鮑魚，爽口美味。另外點咗個燒鯛魚定食，鯛魚燒得很香，但比較多骨，要慢慢進食。埋單兩個人食咗5舊水，價錢合理總結：極多選擇，鋪頭環境舒適，價錢合理，物有所值。

朋友推介呢間豊勝手丼，今日特登黎試下。店裡面不大，好有日本小店既感覺。睇睇個餐牌，有好多選擇。正在煩惱唔知食邊款既時候 店員問下我地 冇咩特別唔食之後 向我地推介左個廚師發辦丼。好少丼飯餐廳有呢款 所以就一於試下。丼飯附上麵鼓湯 豆腐同沙津，廚師發辦有5款唔同既魚生，海膽香甜 新鮮，鮑魚爽口，其他魚生全部都好好味 果然冇介紹錯！另外朋友就叫左個鹽燒鯛魚定食。好驚喜呢度仲有熟食選擇，岩哂朋友唔食得太多生野。埋單每人大慨二百零蚊，價錢合理👍🏼

都有一段時間冇食日本野啦，本來特登一個人嚟到啲一間位於銅鑼灣廣場第二期附近充滿日式裝修嘅丼飯店諗住食個丼飯，點知一入到去俾佢嘅燒魚爐發出嘅香味吸引左，一於就來個燒魚定食先！鹽燒鯛魚定食由於燒魚係即叫即燒嘅，所以店員就首先送上前菜沙律同埋味增湯。北寄貝沙律新鮮味美俾人清爽嘅感覺，食得出一粒粒北寄貝的。味增湯熱辣辣，都很唔錯㗎！至於燒魚方面，用鹽燒帶出咗魚嘅鮮味，燒得很剛剛好很有層次，外脆內軟很Juicy，連魚肚都係咁好食，配埋佢嘅特製酸汁，配搭得非常之好，推介！魚皮燒得非常完整，成條魚燒得好似藝術品咁靚，食得出同睇得出師傅有日本人那一種對待食物嘅認真態度。信州蘋果梳打最後要左支日本直送嘅信州蘋果梳打，梳打氣量剛剛好，再加埋一啲蘋果嘅味道，為完美嘅一餐畫上完美嘅句號。