十侍 - 棉花糖A5和牛壽喜燒專門店

營業中

休息中

🏮十侍 - 棉花糖A5和牛壽喜燒專門店 @juji.hk 🎏壽喜燒 二人前套餐 $898•鹿兒島A5黑毛和牛西冷肉眼 約360g•季節野菜盛合•自家製壽喜燒醬汁•日本蘭王雞蛋2隻•讃岐鳥冬/日本米飯自選•自家製雪糕✨追加: 宮崎大米豚梅肉約150g $128開始前，鍋上擺定咗一個好大嘅棉花糖，店員燒熱個鍋，倒上醬汁，將棉花糖溶化，之後就將和逐片燒香，包上香葱上碟。A5黑毛和牛肉質非常滑嫩，口感超正，肉上油花呈大理石紋~好均匀，油份幾乎可以係口中融化，沾上香濃嘅蘭王蛋汁，再升一個level! 😍😍😍😍😍追加嘅大米豚肉，普普通通，冇乜驚喜，可能前面嘅A5和牛實在太正, 對比太大了！🤭除咗和牛，套餐中包含蔬菜、豆腐同烏冬，食材吸收咗肉汁同醬汁精華，令整體口感更加豐富。甜品係椰子雪糕，香濃香滑，每啖都有椰絲，唔錯！🎏串燒雞肩嫩肉 $42雞橫膈膜 $42肉質唔差，新鮮嫩肉，但外層未有燒到香脆或金黃色，如果有微微烤焦就好了，希望下次再試，會有好惹味啊feel!

位於旺角呢間牛壽喜燒專門店一直都想食好耐㗎啦，呢到最大嘅特色就係用自家製嘅棉花糖加埋壽喜燒汁去整成一個獨一無二嘅自家製壽喜燒醬汁，真係超爆吸引啊～壽喜燒二人前💰HK$898落完order冇幾耐之後，店員就會幫忙準備壽喜燒鍋，首先會將壽喜燒汁倒落去自家製棉花糖到，棉花糖會立刻溶化，將棉花糖同壽喜燒汁攪拌至均勻，就會開始幫助將黑毛和牛逐片逐片煮熟，再放到碗入面！真係任何人都完全唔需要擔心自己會煮衰咗啲靚靚牛肉啊～✨前菜擺盤精緻有大根同埋南瓜～✨日本蘭王雞蛋最適合就係用來點牛肉，令肉質入口更順滑柔軟，更豐富多汁！店員仲推薦中可以將用唔晒嘅蘭王雞蛋倒落去壽喜燒鍋入邊同其他材料一齊煮，湯汁嘅味道會更香甜～✨鹿兒島A5黑毛和牛西冷肉眼每一片黑毛和牛都呈淡粉紅色，遍佈住好似大理石一樣均勻嘅紋理，賣相極其誘人🤤黑毛和牛西冷肉眼本身已經肉質細膩，而且極具濃郁嘅牛肉香氣，非常之馥郁芬芳！點知將啲用壽喜燒汁煮過嘅京蔥夾埋去牛肉中間一齊食會更加突顯和牛嘅香味，完全係將牛肉嘅層次再昇華咗，令人一試難忘～✨季節野菜盛盒有京蔥、燒豆腐、腐皮、娃娃菜、蟹棒、菇類等等，賣相色彩豐富，全部材料全部都好入味，每款都充滿住濃