神燈海鮮酒家 (18廣場)

營業中

休息中

今次係第二次嚟，第一次嚟係下午嘅時間，因為兩個人，所以食唔到好多嘢。今次多啲人一齊，可以試到多啲菜式。前菜合桃都好好食。食咗好多😂蟹膏糯米飯，超好食，炒得超級香。不過唔記得影相，呢個係必叫。好多蟹食，糯米飯唔算好多，而且都有唔少蟹膏食。😋😋叉燒超好食份量唔多，得8至10件。超級嫩口😋😋唔會太肥唔會太瘦。蜜汁脆燒鱔～好好食，整得好脆，配搭佢哋嘅醬汁啱啱好。麥皮蝦~呢個就正常，唔算勁好食，不過都唔錯，隻蝦好大隻。忘記咗呢個豆腐個名😂 不過冇乜特別，醬汁普通，正常豆腐。唔會再叫。

近排越黎越多餐廳暫停營業，好耐冇去中意嘅餐廳食飯啦！ 唯有睇下之前食嘢嘅相，望梅止渴喇........呢間佐敦嘅神燈海鮮酒家，主打經典粵式點心同粵菜，之前大時大節都會去食架，雖然價錢少少貴喇，但食物質素真係冇得頂，我願意俾呢個價！神燈小炒王呢個好似係經典菜式，見到好多枱都有order。印象最深刻就係加左油炸鬼落去炒，油炸鬼好脆好香口，又吸嗮其他料啲味，好香好惹味，同埋好想送啤酒食！叉燒神燈嘅燒味好抵讚，午市點心嘅乳鴿已經好出色，次次黎食點心放題都同屋企人人手兩隻。估唔到叉燒都咁有水準。好似仲有個牛肉版嘅叉燒，等開業要去試試。首先叉燒汁甜度適中，隱約嘅炭燒味好正，肉質嫩得黎有咬口，肥瘦均勻，好似唔知係用啲咩好啲嘅豬肉整。菠蘿咕嚕肉雖然咕嚕肉周圍有，但好多地方都整到好伏。唔係好多肥豬肉，就係炸到好硬，炸粉包到好厚。我對咕嚕肉要求都偏高，神燈嘅咕嚕肉我覺得都有中上水准。醬汁酸甜適中，keep到香脆嘅口感，重點係舊豬肉肥瘦適中，彈牙有肉汁。麥皮蝦呢個好似係神燈必食嘅菜式，一上枱已經聞到浸好香嘅麥皮味，係麥香加少少奶香嘅感覺。咬落口完全好鬆脆，入邊嘅蝦肉好鮮甜，落單姐姐真係冇介紹錯。平時連年三十

好少同朋友食中餐，呢餐算係幾唔錯，全部食物都above average，而且餐牌都幾有特色。～朋友話好想食乳鴿，都冇令我地失望。蝦多士都算係正常發揮，麥皮蝦比想像中好食，但得6隻，就唔係太多。最鍾意係個豆腐，啲豆腐好滑而且好入味。不過叫咗個大富貴炒飯就冇乜味，要靠豆腐送飯😅。

夜晚佐敦收工，搵下有咩食既期間，見到呢間個名幾特別既酒家，又見到門口特色小菜介紹，就入黎試一試。餐牌上有個「環球三蝦祭」，就叫左其中兩個：「星洲麥皮蝦」同「法式蜂蜜芥末蝦球」。呢兩味蝦確實有驚喜，「星洲麥皮蝦」用原隻大蝦(唔係蝦仔^^)、「法式蜂蜜芥末蝦球」就用蝦球(唔係蝦粒^^)，所以食落d蝦既口感係爽口彈牙、實肉有鮮味。雖然兩味都係蝦🦐🦐🦐但食法完全唔同。 「星洲麥皮蝦」原隻大蝦配上麥及蛋炒埋，食落口有少少奶油味又加上有麥皮既甜香，口感脆香，但記得趁熱食，放耐左麥皮就無咁脆口。 「法式蜂蜜芥末蝦球」蝦球被薄薄既炸漿包住，再配上特製既醬汁。雖然醬汁有芥末，但不會嗆喉，加上蜂蜜既甜，有種微酸帶甜既感覺。 「鮮沙薑豬手粒」豬手切成細細粒，一口一粒，特別之處係用上鮮沙薑帶出沙薑味而不是比碟沙薑醬你點，所以沙薑味更香更有新鮮感。 「神燈小炒王」除左有豬板筋、四季豆、腰果、蝦乾，仲加左馬蹄同埋油炸鬼，油炸鬼十分脆口，馬蹄又夠爽甜，而加埋少少微辣，鑊氣夠加上口感非常豐富。 「即燒古法金錢雞」傳統懷舊菜式，瘦肉、雞膶，肥豬肉串成，即叫即燒，雖然有一大舊肥肉，但配埋柚子汁後，油膩感減去，多一份甘香。

太耐冇一家人外出食飯, 今晚就去左佐敦一間中菜餐廳----神燈海鮮酒家 食dinner。幸好有預早訂檯, 平日晚8點, 餐廳已經坐滿食客, 先送上前菜 揀左幾款小菜試試, 看過openrice, 呢幾款幾乎係必試款式!【蜜椒金薯牛肝連】HK$158選用左腹部邊肋脊附近既肉, 肉質好林, 濃郁肉香, 跟薯仔粒一樣, 表面包上左薄薄甜甜既蜜糖, 大人小朋友都中意!【松板茄子條】HK$58茄子切件再炸, 炸皮薄而脆口, 入面既茄子好林, keep到水份, 面層林上甜甜汁醬調味 【麥皮蝦】HK$248每隻蝦表面沾滿麥皮, 蝦殼表面有少少鹹蛋黃質地炸皮, 蝦肉彈牙結實 【法式芥末蝦球】HK$148蝦球已被拆殼, 每隻蝦球都有傑身質地既甜甜蜂蜜醬汁包住, 非常爽口彈牙, 雖然餐牌上介紹用左法式芥末跟三款酒調味過, 但食唔出有攻鼻芥末同埋酒既澀味, 整體甜甜的, 小朋友都食到。【神燈小炒皇】HK$158賣相色彩配搭吸引, 將多款配菜包括油條、豬板筋、腰果、馬蹄、蝦乾、四季豆炒起, 很有穫氣, 每款配料都平均沾到甜甜地醬汁。最後送上甜品-桂花糕臨走前睇到傳單, 原來呢度午市推出點心任食, 要再約朋友試