茶墨 (已結業)

網上見到呢間嘅水墨風手搖好似好靚好神奇，今次就同朋友嚟咗試下。尖沙咀呢間分店有得揀堂食或外賣，因為時間唔夠，就叫咗外賣。同朋友每人叫咗一杯飲品，再一齊分一份蛋糕。麻薯芋泥茉莉鮮奶綠🤎（$39）首先一收到杯飲品已經好開心，佢嘅賣相好靚，真係有水墨畫嘅感覺。芋泥大部分都係底，所以要喺飲之前攪勻！芋泥份量好足，差唔多半隻手掌咁大！🖐 奶綠非常香滑，叫咗少糖之後個人覺得甜度啱啱好。麻薯好彈口，份量亦好多，最後都食唔晒咁多！麻薯抹茶鮮奶🍵（$39）抹茶味好出，唔會好苦好澀，有好清香嘅茶味。麻薯浸喺抹茶鮮奶入面有少少似食近抹茶大福💚 日式奶茶蛋糕🍰（$28）奶茶味有少少淡，反而更加食到一陣檸檬味，蛋糕軟熟，不過份量真係好細，比起手搖略顯遜色，不過都可以接受嘅！總括嚟講係好滿意嘅手搖！啱晒用嚟打卡！😍😍

喺尖沙咀行咗一日行到攰，決定坐低飲杯嘢休息下，見到呢間茶飲店好多人排隊，於是乎我又唔執輸咁試埋一份😜😜😜紫控表示一眼就見到一杯有麻薯同芋泥的飲品🤩🤩🤩今次就叫咗佢嘅麻薯芋泥茉莉鮮奶綠來試試，本來以為都有潑墨㗎點知原來熱飲係冇㗎喎🙈🙈🙈不過真心超足料，飲完一杯都飽咗三分二😳😳😳本身仲想叫多件蛋糕的，但個胃已經冇位了，下次要搵埋朋友仔過來陪我試蛋糕先得💜💜💜#晶食評#美食家水晶的尋食日記

忍咗口好耐冇飲手搖飲品，但係今日都不敵係尖沙咀 The One四樓 “茶墨“嘅引誘。 我就叫咗一杯 “麻薯芋泥茉莉鮮奶綠“ 小甜小冰，同埋一件奶茶蛋糕 。 先講咗杯奶茶先 ，外觀靚之餘，茶底上乘，飲完口腔仲充滿淡淡茉莉香味 ，大大杯有超級多嘅芋泥 ，麻薯入口口煙煙靭靭非常好咬。整體嚟講39蚊咁大杯有咁嘅份量性價比都唔錯。 件奶茶蛋糕就相對唔係太甜，感覺輕型，好啱夏天食用。 另外朋友就點咗一杯芝士草莓沙冰 ，酸酸美美嘅草莓味十分醒胃， 再加上芝士奶蓋。 奶蓋唔係算太鹹個隻，反而有一種淡淡嘅焦糖同咖啡味。 兩者配搭看似風馬牛不相及，但係夾埋起有美味嘅化學作用， 有點兒想不到。另外重設有堂食， 可以坐低慢慢嘆冷氣同嘆嘢飲，一舉兩得。