段純貞牛肉麵 (如心廣場一期)

營業中

休息中

每次去台灣都要食牛肉麵，今次就係荃灣試試呢間過江龍段純貞牛肉麵啦🍜餐廳環境以木系風格，好古色古香呀～除左有牛肉麵，都有小食以及特飲選擇😎🔸招牌紅燒腱心牛肉麵（HK$84）呢個紅燒湯底都幾濃郁，唔會係死鹹🙌🏻湯底原來係用牛大骨熬煮～麵底就揀左手工麵，粗扁身有少少似刀削麵，比較有口感，而麵粉感比較重。牛腱係半筋半肉，食落有豐富膠質，都夠入味，肉質都幾軟淋😁🔸麻辣嫩五花牛肉麵（HK$84）而另外一款就叫左呢個五花牛肉，採用美國牛肉，一上台個陣牛肉都仲係粉紅色，浸完湯後就慢慢咁熟啦😛麻辣湯底比較油少少，辣味比麻味重，呢碗揀嘅係細麵，麵條十分幼身，口感超淋身，如果可以硬返少少會更好～每碗牛肉麵都會附送細細碟嘅酸菜，可以解下膩～🔸鹽酥雞（HK$48）鹽酥雞即炸起熱啦啦，脆皮唔算薄，有一兩舊嘅雞肉係有少少粉紅色😂🔸新鮮豚肉鍋貼（HK$48）呢個鍋貼就比較清淡少少啦，可以沾下醋咁增添風味，如果外皮再煎得翠身少少應該會更滋味🥟🔸香芋珍珠奶茶（HK$32）香芋味都幾突出，唔會覺得好假嘅芋頭味，可以揀少甜🍹🔸胚芽珍珠奶茶（HK$32）就咁睇好似無咩胚芽，但飲落都幾多得，配埋珍珠就更有口感🍹

🐂段純貞牛肉麵🍜 原味牛肉麵（$84）湯底勁濃有四川二十三香等藥材 口感香沉醇厚 😮牛腱心好淋好入味🤤呢款選左細麵個細麵好有驚喜 😳好彈性之餘口感幼滑👍🏻與湯頭間取得平衡麻辣嫩五花牛肉麵（$84）麻麻而不嗆而且好種花椒八角味😻 五花嫩牛分量好多 值得一讚係牛肉上枱時係半生 咁就唔會比熱辣辣湯浸到老晒👍🏻 牛肉十分嫩滑🤤配埋手工麵超煙韌重好長好大塊😹掛湯強 索到好多汁😋👍🏻鹽酥雞（$48）份量都不少 雞肉好嫩滑 唔會炸到好乾好厚香芋珍珠奶茶（$28）香芋味好似維記香芋雪糕糯米糍嘅味🤣珍珠煙韌荔枝乳酸飲料（$28）好fresh! 酸酸甜甜咁 入面仲有幾粒荔枝肉 好清甜值得一讚係姐姐服務好好好細心！

荃灣都有唔少台式餐廳，今日揀咗段純貞😌 段純貞係一間台灣嘅過江龍，喺銅鑼灣同埋將軍澳都有分店～裝修用咗木色做主調，連隔板都有match返成個主題👍🏻 今次同樣揀咗一個湯麵同一個拌麵～•🥢 麻辣嫩五花牛肉麵 $84湯麵可以揀手工麵/細麵，我哋揀咗手工麵，餐牌介紹手工麵係由麵團反覆延壓維持韌性，食落都真係幾有咬口，雖然麵條厚薄不一，但唔會有啲太硬/淋，反而可以掛到多啲湯；一上枱係生牛肉，靠熱湯整熟啲，牛肉份量唔少，而且好嫩、好滑👍🏻 但麻辣湯嘅辣味遮咗牛肉味😢•🥢 青花椒香手撕雞乾拌麵 $78蔥同花生多到鋪滿咗成個碗，花生係炸到好脆，好好食😍 撈勻之後花椒香味好香濃，幾鍾意佢拌麵入面都有少少湯汁，咁食到底都唔會太乾！手撕雞有調味，份量好多，撈埋花椒等配料好惹味～•🥢 雞湯抄手 $48一份有6粒，抄手係胡椒豬肉餡，肉幾結實，皮薄👍🏻 但蝦應該混合咗喺豬肉餡，唔係幾食到；雞湯幾濃，同抄手都夾嘅～•🥢 胚芽珍珠奶茶 $28平時覺得台式餐廳嘅飲品都爭少少，但呢間嘅胚芽珍珠奶茶都可以一試，飲落有明顯黑糖味同茶味，珍珠有咬口，不過就偏甜咗少少。•🥢 荔枝乳酸飲料 $28普通啲乳酸飲品+荔枝，有兩粒荔枝

有別於平常吃到的台灣牛肉麵，麻辣嫩五花牛肉麵是用薄薄的五花牛肉，上桌時還帶點粉嫩的，浸在熱湯中不消幾秒就熟透了。牛肉可見清晰的紋理，吸收了香濃的麻辣味但依然沒蓋過牛味，軟嫩多汁而且愈吃愈辣，非常過癮。有手工麵和細麵可選，來到這間過江龍當然要試試手工麵！厚薄不均的麵條煙韌有口感，有點像刀削麵，吸收了湯汁的麵條辣得嘴唇發麻，正🌶湯底很好喝，雖然愈喝愈麻，不過辣得很有風味，值得一試！青花椒香手撕雞乾拌麵原來有兩邊溏心蛋😍入味得剛剛好😋 乾拌麵用的是細麵，細麵氣孔多，容易沾滿醬汁將麵條伴手撕雞、葱粒和乾葱一起吃，特別清爽開胃。雞湯抄手賣相很有家常小菜感覺抄手皮薄得看得見餡料，非常飽滿雞湯清甜，配著抄手一起吃份外鮮嫩珍珠奶茶和胚芽珍珠奶茶尚算大杯，味道普通，不過不失。