翠林辣蟹舫

大隻仔今次覓食嘅店舖就係💥 翠林辣蟹舫 💥大隻仔今次介紹一間明星飯堂，餐廳門口貼滿大量老闆同明星合照，除咗電視台演員外，仲有謝霆鋒、黃曉明、林峯、張智霖都幫襯過。餐廳以炒蟹聞名，其中避風塘香辣炒蟹、冰鎮鮑魚、食神炒飯更加係必食之選。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 避風塘香辣炒蟹（小辣） $688餐廳招牌菜「避風塘香辣炒蟹」，用上中式大紅木架呈上，氣派不凡，餐廳選用每日空運抵港新鮮越南肉蟹，每隻都有一斤多，肉質飽滿，啖啖肉，炒辣蟹佈滿避風塘碎，非常香口，鑊氣十足，上枱已經聞到香味。🔥 黃金皮蛋 $68黃金皮蛋上佈滿紫薑碎、青椒碎、酸菜碎、酸蘿蔔碎、菜脯碎，多重味道，百感交集。🔥 冰鎮鮑魚一隻 $128冰鎮鮑魚真係好好食，夠曬冰凍，用咗日本醬油漬做法，夠曬入味，而且做到肉質軟腍但帶少少嚼勁，非常推薦。🔥 食神炒飯 $188真正嘅「食神炒飯」，員工話炒飯係由客串做電影《食神》嘅名廚戴龍師傅親自傳授俾辣蟹舫總廚。炒飯用上意大利野米混合日本珍珠

期待已久，今晚放工約咗朋友食蟹，為咗可以食多啲嘢食開心啲，晏晝食咗個細飯糰咋🫣嚟到尖沙咀嘅翠林辣蟹坊，估唔到入面係咁人山人海，好似已經好少見到香港喺平日夜晚有呢個景況！咁當然啦，好嘢食一定有人欣賞💕避風塘香辣蟹 ⭐️⭐️⭐️⭐️⭐️我哋兩個人揀咗細隻，點知上枱嘅時候已經覺得份量好大，好難想像如果order大隻會係點🫢 避風塘炒蟹生熟程度剛剛好，蟹肉已經好入味，但仍然保持住嫩滑！尤其兩隻蟹鉗拆開啖啖肉，咁好食嘅蟹，就算要自己拆肉都冇問題😆冰鎮南非鮑 ⭐️⭐️⭐️⭐️⭐️冰鎮鮑魚我推介一定要點！鮑魚切開一片片，滷得非常入味同軟淋🤤 伴碟配埋冰鎮蘿蔔，同樣係滷到入晒未，咬落口已經有溶化感覺！黃金皮蛋 ⭐️⭐️⭐️⭐️⭐️黃金皮蛋一碟兩隻，切半後上面放上大量黃色及粉紅色碎薑粒，顏色配搭下造型幾靚🩷💛 皮蛋一貫味道濃郁，配埋薑粒大家都估到有幾滋味😋食神炒飯 ⭐️⭐️⭐️⭐️⭐️叫得食神炒飯，我對佢期望好大，上枱果然冇令我失望😍 炒飯係錦鯉造型，飯炒到粒粒分明，加埋大量蟹籽，食入口有脆卜卜嘅感覺，原本以為我哋會食唔晒，點知食吓一碗又一碗，好容易就清晒！鍾意食飯嘅你，建議嚟呢度唔好叫白飯，一定要試吓呢個食神炒飯👏🏻豬油渣福菜花 ⭐️⭐️⭐️⭐️⭐️

同呀爸賀牛一，見到開飯喇文章介紹有個海鮮餐$500/位9道餸，有蟹有蝦有魚等等，預早訂位，訂餐要打電話去預訂。去到環境寬敞，4個人坐張大檯，上菜會一道道上，唔會好急，全部新鮮熱辣辣，好大碟夠份量，先上前菜小食黃金皮蛋，拌醬好香再來係招牌菜大蟹，可以簡唔同煮法，今次簡左避風塘味，熱辣辣，好香口黃金流沙龍蝦，都係可以簡唔同煮法，肉質彈牙，但略為唔算好有咸蛋味，金沙係炸香左既麵包糠？魚炸得好香口，下次可能試下蒸可能更鮮味黃酒煮雞，好足料，唔識飲酒，食到成身熱辣辣😂好補福花炒肉片，略咸蟹粉豆腐，豆腐滑，蟹粉有夾雜蟹肉，食到哩到，開始已經見飽炒飯好香口，好有鑊氣，好飽都食左兩啖，最後打包走紅糖糕，煙煙韌，好清甜，好食👍🏻好飽但食哂😂整體來講價錢覺得合理，份量好夠，4人表示撐住肚走，員工好熱情，態度好好👍🏻