小菜王 (福榮街)

營業中

休息中

今晚同老死喺佢屋企附近度食飯，平時食開貴野ge佢，今後居然話要貼地啲想食下啲小菜，咁既然係佢屋企附近。我就梗係叫佢帶路搵啲地道啲嘅小菜食下啦！經過一排橫街小巷，之後就見到呢排生意好到不得了嘅小菜王！佢一連幾多個舖位，個個都爆滿，仲有啲師傅喺門口度開行過火係咁喺度炒小菜，都幾有氣勢！我哋嗱嗱臨喺室內嘅位置搵左一張細枱，之後就點咗兩個小菜同埋一支大啤！因為要送啤酒，所以兩個小菜都係較為香口嘅，首先就有一碟椒鹽九肚魚，外面脆卜卜，入面超級嫩滑，咋一聲成碟魚已經俾我哋清晒！另一碟係超級邪惡的黃金蝦。呢度嘅蝦係斷斤計，呢一碟就大概要$200左右，但係絕對值呢個價錢，因為蝦肉非常實浄鮮味，隻隻都唔細，係靚蝦嚟㗎！我哋仲嗌咗個＂靚仔＂嚟送蝦，因為始終係鹹蛋黃，齋食會太鹹。不過如果話要數呢度唔好嘅地方，就真係有太多小昆蟲啦，尤其是我呢個最怕四腳以上的小動物ge人嚟講，一邊食，對眼要一邊周＂嗖＂⋯⋯

週末食飯，揀咗深水埗有名小菜王，訂咗位6:15pm，嚟到嘅時候餐廳只係坐咗10%客，等家姐搵位泊好車，已經成7pm坐滿客，所以揸車嘅朋友最好都係坐公共交通工具嚟食飯嘞😅今晚我哋揀咗砵仔焗魚腸、炒聖子、黃金蝦、京都肉排同埋蝦醬炒通菜😋因為而家已經唔係好多地方可以食到砵仔焗魚腸，所以見到餐牌有d度菜式，就第一時間話要點，真係冇令我失望，魚腸新鮮滾熱辣，加d胡椒粉就更加鮮味可口，正👍🏻 但係怕腥嘅朋友就唔好叫啦，無謂浪費😆豉椒炒聖子好味，鑊氣夠又夠份量👍🏻👍🏻👍🏻黃金蝦🦐新鮮彈牙，鹹蛋黃惹味，略嫌份量太少😋京都焗肉排鑊氣夠，份量非常充足👍🏻蝦醬炒通菜惹味，但略嫌煮得熟過龍🙄加埋啤酒同汽水＄679👍🏻

冬天終於凍返啲，又到咗食羊腩煲嘅時候喇。事隔幾年，諗返起食過小菜王個羊腩煲好正，即刻返嚟再食人未齊先叫個韮菜豬紅$65頂吓肚先，豬紅個汁好惹味，不過冇乜韮菜跟著嚟個羊腩煲（細）$358，四個人食都真心覺得呢個份量好多，味道加份量絕對對得住個價錢，一邊食一邊吹水，夾極都仲有好多羊腩。羊腩切到細細件，件件都有皮又有肉，仲有好多枝竹同馬蹄喺下面。肉唔算淋有𡁻口，有幾件見到仲有啲毛未去淨。。。差不多食哂啲羊腩就叫咗生菜，份量都唔少，好新鮮食完個羊腩煲大家都已經七成飽，就埋尾嗌咗個黃金蝦（例牌）$200，餐牌係寫時價嘅。一碟有成8隻大蝦，蛋黃味濃郁，啲蝦殼炸到好脆，連殼都要食埋，係高水準之作！礙於羊腩煲個份量好勁，最好叫多幾個人嚟食，先至食到多幾款小菜。由街頭到巷尾好幾個舖位都坐無虛席，就知道佢係貨真價實嘅「小菜王」！

今晚7時12人齊集小菜王和剛從英回港小休的德怡吃飯。外面正下雨又濕熱，室內冷氣涼快，地方潔淨，坐得算舒服。開始叫了13樣菜，將近吃完，意猶未盡，再加叫了3碟（鰻魚炒飯、豉油王炒麵和蒜茸炒韮菜花）。沙律骨- 是有骨的豬扒，肉滑不肥，鬆肉粉味不及牛仔骨重，可能沙律醬和酸甜味蓋過小炒王- 叫時不知是甚麼，見有腰果、青紅椒、洋蔥和肉片，很普通的家庭菜羅漢齋鮮掌- 鮮掌有筋的部位有些韌，羅漢齋是蠔油味味菜大鱔煲 – 今晚唯一的煲仔菜，未吃完已見煲底有半吋油，我們只吃鱔片，剩餘油浸配菜除了牛仔骨外，今晚每樣食物都很好，下少些油減去油膩感會更好，價錢亦大眾化，我們還叫了飯、啤酒和汽水。我們坐的位置遠離廚房數個舖位，食物不馬上送到就很快降溫，令習慣吃熱騰騰食物的美美最不滿        

到這訂位是明智的, 否則在路邊等都不是很好受, 今次朋友訂了座, 被安排至閣樓, 很隱蔽的連樓梯也差點找不到呢完全沒有so味, 份量很多, 小的也能吃至少4-5人, 味道不錯很爽口, 味道很好, 不妨一試蝦很大隻, 但太軟身, 像不太新鮮?!很香口, 非常不錯, 要試!不過不失絕對要試!!!!! 香口開胃, 完美配合!跟飯一流! 味道很好!合格有餘, 全碟清由於太忙關係, 服務是慢了點, 所有餸菜都要每道等, 侍應也不是經上在閣樓, 所以未必能應付即時所需

六個大人一個小朋友點左十幾樣餸, 個個都捧住個肚走呢...粟米魚肚"更" - 太稀, 但都幾多魚肚炸墨魚咀 - 幾乎係最鍾意既一道餸, 好香口, 細細粒, 容易食.脆炸鬼 - 炸得幾鬆化豉椒炒蟶子 - 好惹味, 辣左少少, 但都食到蟶子既鮮味黃金蝦 - 好足咸旦黃, 正!東風螺 - 彈牙, 甜甜地XO醬炒脆玉瓜 - 又係惹味既一道餸, 但無諗到脆玉瓜都可以咁好食^^炸豬大腸 - 唔食豬大腸, 所以無試, 屋企人話炸得好香口, 唔會一陣味, 連小朋友都好鍾意食, 我諗真係幾好味豉汁蒸鱔 - 本人唔太好鱔, 但都覺得易入口, 可能因為個汁好味既關係吧蒸鮑魚仔 - 3X一隻算幾大隻, 蒸完唔會無味, 算係難得炒韮菜+芽菜 - 已經飽到唔想郁, 食唔落, 所以無試花生雞腳 - 送既, 因為太多野食, 無試到, 但屋企人話都唔錯, 好入味, 爽口.其實每道餸份量唔算好多, 所以其實較貴. 不過的確係唔錯呢.

今晚提早慶祝爸爸節前幾晚特定在openrice翻查一翻繼上回試了『泰屋』令人回味萬分之後openrice 的食評也是不賴的 !最終拍板決定試試『小菜王』小菜王位於深水步與石硤尾交界由於大排檔多為晚上開檔所以在夜深人靜的深水步實在不好找去到的時候 因為星期六的關係還是需要等位的等位其間 還有膠"鄧"提供而且伙計不像平時去開的那樣粗豪還算得上有禮! 等候不到十五分鐘就能入座了!對於一般平民大排檔來說 這種服務質素確實有點驚喜但又失去幾分風味未知是否出名的關係 轉角連續幾間鋪位都是屬於它的而且不是路邊攤的關係 環境確實比我預期好坐下不久 已急不及待拿起餐牌落單先來個黃金蝦 這個應該是全晚之冠除了是味道之冠也是價錢之冠盛惠$100蝦是屬於大蝦 但蝦肉不會太老最好味的是炸蝦面那咸蛋黃汁 正!恨不得連殼都"損"埋再來是電視也介紹過的饅魚炒飯看樣子像是沒甚驚喜但用湯匙盛起飯時發現材料豐富得很饅魚已經不少 還有炒蛋 大粒蝦仁和草菇飯的干濕度是可接受的 唯獨是有些飯粒未有上到醬料吧$68 這個價是可接受的接下來是黑椒牛油炒聖子看食評後是沒甚意慾叫聖子因為聽說肉很瘦但爸爸想試就叫了黑椒炒 有別平時吃的豉椒