囍 (已結業)

我哋A姐M佬真係無論咩時間咩日子，日日都可以係邊爐日！今日就去到觀塘嘅囍Hey。聽隔離屋花師奶講，話呢間打邊爐好正㗎，今日就同M佬去試試啦！一入門口，已經被各式各樣嘅蔬菜同配菜所吸引，種類真係好多呀！！再聞到店內濃郁嘅椰子湯味，我已經想即刻開餐喇！我哋今日決定一係唔食，一食就食豪佢啦！我哋叫咗個價值$368嘅J級大雪肥牛套餐！木瓜椰子湯底：聽講囍Hey嘅椰子湯係用印尼空運嘅椰青水整成，所以湯嘅味道特別清甜，椰子味超香濃郁！不過，我哋就唔係好食到木瓜味啦。手切J級大雪肥牛：放入火鍋淥一淥至八成熟，就可以豪受呢塊油脂均勻嘅J級大雪肥牛啦！等等…J級？乜原來牛同胸一樣都係A最細㗎咩？算啦，唔理喇！呢個J級肥牛嘅肉味超濃郁，好鮮嫩好好味呀！黃金雞：自家農場出品嘅黃金雞，大大隻，半隻上枱都食唔晒！而且肉質好鮮嫩，一啲冰鮮味都無，配埋木瓜椰子湯底，真係鮮上加鮮。海鮮拼盤：海鮮拼盤有廣島岩蠔、北海道魷魚同青口。廣島蠔又肥美又大隻，淥完都仲係無縮水，仲係漲卜卜，好鮮甜呀，啖啖肉；而魷魚都夠晒新鮮彈牙。刺身拼盤：刺身有好多款，有三文魚、甜蝦、立魚、八爪魚、生蝦等…不過，無得你揀，師傅切乜就食乜啦！三文魚

HEY今天和朋友來到觀塘吃火鍋日式火鍋放題是今天的選擇店面十分光猛闊落兩個人他們都會安排卡位給我們最適合和朋友一邊吃一邊聊天今天我們點了招牌湯底黃金木瓜椰子湯火鍋最重要是湯底尚未打開個蓋已經聞到很香的椰子味湯夠清甜好吃又健康黃金雞看似新鮮他們還會貼心地給我沙漏計時器用來提示雞肉的烹煮時間雞肉嫩滑又不會過肥168元套餐包括海鮮有生蠔青口魷魚全部都新鮮另外有牛舌牛肩肉豬肉等肉質鮮嫩美味身為食肉獸的我表示大滿足醬料方面也提供多選擇不過由於湯底太美味關係醬汁有點大材小用自助吧選擇很多冷盤有沙律壽司火鍋既配菜以蔬菜為主丸的種類也不少最後還有乳酪雪糕作謝幕

話說成班同事今日做野做到頹頹地！所以就決定放工去輕鬆下！食餐返勁既！所以就揀一間抱膝暢談既好地方！近近地，揀左公司附近一間打邊爐！諗住放工繁忙時間要等好耐啦！點知唔駛等位✌🏻間野近觀塘間公司，附近又有巴士站，方便晒我地d打工仔！阿姐好好人，見我地6個人都比左張8人枱我地！揀左個168既set!可以無限添加：特選肩胛牛肉，美國黑豚肉，黃金雞，特選牛脷，海產盛盤（有蠔，青口，魷魚）因為我地6個人，所以就上左猶如一座山既牛豬雞同海鮮拼盤除此之外，我地仲夾左唔少菜呀！丸呀！腸呀！選擇都好多，例如：金菇，冬菇，生菜，娃娃菜，蕃茄，豆卜！佢d本地手打魚旦，勁彈牙重點係d餐具同環境好乾淨！好少打邊爐既地方做到尼一點！環境勁舒適！鐘意飲酒既我地，都飲左唔少啤酒如果啤酒唔岩既，都有汽水同紙包飲品！岩曬我其中一位同事因爲佢唔飲酒食飽飽仲有甜品食雪糕同乳酪！再配埋我最愛既朱古力醬同QQ棉花糖！簡直係絕配！尼間餐廳真係唔錯！係收工同同事聚下既好地方！性價比甘高既地方係觀塘碼頭果面好少見

夏日炎炎打邊爐，絕對係香港人最有特色兼最爽嘅事！今日就同埋中同黎呢度打邊邊，一齊十下十下🥘🥘，中同食過一次介紹我地再黎真係愈夜愈熱鬧，我地8點半去到，都仲好多人，食到10點都仲好多人，證明係好嘢，冇揀錯！揀左168蚊任食套餐，竟然有日式壽喜燒湯底，港式crossover日式，吧枱仲有好很多款式嘅野食任揀，有多種麵條，豆腐麻醬，壽司，雪糕甜品，汽水冰茶，真係要乜有乜！梗有一款啱食嘅係左右🥗🥙仲有好多人都著迷嘅午餐肉！！！（我瘋狂encore左5次），爽！主角，黃金雞！肉質鮮滑，有雞味，好新鮮，仲有得encore！店員仲教我地落青檸食，保証夠fresh唔會膩！食黃金雞專用嘅計時器，咁就唔會十到不知時日過而搞到啲雞肉老左喇！夠哂鮮嫩！啲豬肉牛肉嘅厚薄度都剛剛好，都係可以encore的！168套餐仲包埋海鮮盤，有尤魚，生蠔，同埋青口！牛舌係全晚重點！呢個價錢有埋牛舌，不得了啦！牛味濃得黎仲唔會un, 咁嘅價錢同質素，絕對超值！

5月1日放假緊要對自己好一點，跟朋友們行完街，一行四人最岩去食放題任食火鍋，豬、牛、雞、海鮮都有，連刺身放題都有，今晚大飽口福。價錢$88-368/位，90分鐘時間都緊緊夠。我地點了E餐$248/位，有熟食的牛柳粒及火鍋配料大雪肥牛，呢兩款不可任食之外，其他任食的配料有牛小排、黑豚肉、黃金雞、牛脷及海產盛盤等等，湯底有8款選擇，我當然點了受歡迎的黃金雞木瓜椰子湯。等待食物時，都可以自取配料及醬料，有壽司及沙律，前者較多飯，材料足；後者新鮮爽脆，很健康清新的醋汁醬汁。丸類有5-6款，還有腸仔餐肉等配料，雖然唔算超多款，但質素不錯的。另外，豆腐及麵條都有少量。基本上，所以食材都放得整齊又乾淨，做得不錯。蔬菜類就比較多，有4-5款菜、瓜豆及菇類數量，整體也很新鮮夠衛生。先自助調醬料，我喜歡的蔥、蒜、辣椒等必有，芝麻醬沾豚肉也要。火鍋追加優惠 $39/位刺身放題，雖然無得自選，但隨機的也很吸引，第一轉有挪威三文魚、沖繩深海立魚、新西蘭八爪魚和清邁泰式生蝦。三文魚厚切肥美，立魚爽身好咬，八瓜魚彈牙唔腥，泰式生蝦肉質爽脆，味道微辣幾刺激。再點第二轉，有三文魚、日本紅甜蝦、立魚、八爪魚，變化唔算多，

近年來，官塘區都越來越多！無論西餐廳，火煱店等………！尤其事，香港人喜歡食火煱，三五知己相聚，就更鐘意吃吃喝喝。我同朋友就揀了這間食火煱啦！名字普通得嚟又有些特别～～囍～～坐低後，揀了一個價錢適中既餐，因為有包埋海產盛盤在內。仲係無限添加！有青口、生蠔、鮮魷！講到青口，大大隻，質感一流生蠔充滿海水味道！味道鮮味肥美！鮮魷長度差不多有手掌咁大隻！色澤非常好！肉質彈牙！另外，藉得一讚，當然係黃金雞！色澤金黃！名付其實！雞肉嫩滑，又肥美！今時今日，有咁新鮮既食材！真係難得架！

打邊爐一向是港人的至愛菜式之一，由高級火鍋店，以至任食火鍋放題，都不難見到人頭湧湧，座無虛席的場面。近日筆者在觀塘發現了一間平價火鍋任食放題，最平只需$84便可90分鐘內任食各樣食材，除了牛肉之外。不要以為因為這個價錢，餐廳用料便馬馬虎虎，這餐廳老闆十分注重食物的品質，所提供的食品如雞隻和木瓜等，都是來自自家的農場，而這裡有個主打的鍋底 ------ 椰子黃金雞木瓜湯底就是採用了這兩種自家食材，加上專誠由印尼運來的椰青水熬制而成，完完全全體現出店主那份對食材的堅持和熱誠。餐廳位處於觀塘宏利金融中心，離地鐵站相對較遠一點，需要大約十五分鐘腳程左右，雖然是這樣，筆者當晚去到仍然見到座無虛席，門口還大排長龍。餐廳佔地頗大，在近門口位置已見到放滿食材的Buffet區，內裡有卡座亦有圓枱，環境尚算舒適整潔，一入餐廳已聞到陣陣清香的椰子味，目測差不多每枱也見到這個椰子黃金雞招牌 湯底的蹤影，受歡迎的程度實在令人驚訝。這店除了$84任食火鍋放題之外，其實還分有$128，$168 ，$238和$298幾個不同的價錢，主要分別在於包有不同種類質素的牛肉，而筆者當晚就選了$168元的火鍋放題，可以任食海產

呢間位於宏利金融中心入面嘅囍，舖名似係中菜館，其實係間有啲日式風格嘅火鍋放題嚟。店入面環境大而光猛，坐位算多但唔迫，仲有幾多卡位，私隱度相對起嚟較為高少少。佢哋嘅火鍋放題係入座起計限時九十分鐘，收費按肉類嘅等級區分，除特別註明之外，所有食物都任叫任食，某啲火鍋料、飲品同甜品仲可以晌自助區自取。聽講農曆新年期間佢哋推出咗啲優惠，呢次雖然已經變返正價，不過牛肉類嘅收費先$128起（未計加一），如果唔食牛嘅話仲可以揀佢哋最平嘅黑豚肉餐。近日仲可以$39一位額外多配刺身放題，好似幾吸引。晌四款牛肉等級之中，試咗任叫任食美國特選牛小排、嚴選肩胛牛肉、特選牛脷、美國黑豚肉、黃金雞同海產盛盤嗰款。湯底有幾款揀，分別係濃蝦湯、四川麻辣湯、番茄湯、木魚湯、香濃雞湯、韓風泡菜湯、壽喜燒等等，以黃金雞木瓜湯最特別，佢哋採用印尼直送鮮椰子水，黃金雞就嚟自自設農場，木瓜亦係有機貨，於是揀咗呢款試試。然後就去睇睇自助區，醬料有韓式辣醬、胡麻醬、燒肉汁、柚子醋、蔥、七味粉、炸蒜蓉、蒜蓉、辣椒等等，睇咗其他人嘅文，原來仲有有機蛋，可惜當晚無提供，無緣一試。蔬菜方面都有十多款，包括西洋菜、菜心、白菜、菠菜、油麥菜、西蘭