楚撚記大排檔 (馬頭圍道) (已搬遷) 新店位置

鍾意幫襯小店嘅我，今次又約朋友到土瓜灣小巷內嘅小菜館，當日本打算電話訂枱的，但打到去對方就話已經滿座，叫我地可以walk-in 試試，我地抱著即管一試嘅心情，於黃昏大約6:15分到達，估唔到頭圍已經於5:30開始左，仲要全場滿座，我地前面有兩個客等緊，但因為見到裡面有啲客人已經食得七七八八，我地又未肚餓，所以就吹住水等，到6:45就有一枱客埋單，我地最後7:00左右就有位喇。講返啲食物 –金銀蛋豬肺湯，好有住家feel，高度推介黑松露蓮藕墨魚餅，一般，勝在蓮藕夠多，可以一試咕嚕肉，唔知係咪煮定，上到枱唔熱，但肉質唔錯小炒皇，九菜花唔老，爽口，味道偏咸金銀蛋油麥菜，油麥菜新鮮，清新好味蜆介鲮魚球，彈牙，唔油膩，如果下次再嚟，一定會再食當晚食左6個餸，都係只需4百幾蚊，食物質素都好平均，我個人覺得相當抵食。