金船長餐廳 (已結業)

到大角咀一帶吃飯，那裡東西南北美食都有，仿似另一條偏門食街。今日走遠一點，過多少少到大全街那邊。這一邊比較清靜，食肆也比較少點點。行經一間意大利菜餐廳，【金船長餐廳】突勾起一絲回憶。記得曾在哪裡聽過這間餐廳的名字？想了一會，應該係朋友仔介紹過有款「得獎黑松露Pizza」超好食，餐館正是【金船長餐廳】。今日路經此地，當然不會放過這個得獎Pizza既意大利菜餐廳啦。🔹雖然我係由旺角哪邊遊走過來，但係之後聽朋友講，港鐵奧運站B出口沿有蓋天橋行，不用十分鐘左右就找到「船長」所在地。其實邊面過都算係方便呢！🔹當晚與男朋友九點半才入座，坐低透透望望「船長」既環境，餐廳內有不少與海洋和船相關的裝飾，配襯店名！而在牆上也畫上店內重點推介的食物！都幾有心機！別看店舖小小，因為餐廳的食物原來充滿不同創意，雖然都係會有比薩、羊、牛扒、漢堡、意粉，沙律等！但為了控制品質，餐廳會盡量自行採選原材料炮製菜餚，並由廚師homemade配料，保證食品質素。我們第一個就即點其「黑松露馬卡斯芝士夾心薄餅」$108心態上不是慕名而來，但就是來了就要必點的感覺！夾心比薩 多種食法...一碟有六塊每人剛好三塊就是配上不同的食法

當日喺大角咀附近整電腦, 知道附近好多好食又平嘅餐廳, 諗住係openrice搵下有咩好食推介, 就搵到金船長餐廳.我朋友話佢有聽過呢間餐廳, 幾年前成日話幾出名, 經常話要特地去食,但係佢都冇試過, 於是我哋就借呢個機會一齊去食.餐廳裝修有啲似港式西餐廳, 係用啲膠皮枱布, 有D痴立立. 燈光暗暗, 一入門口就望住廚房, 廚房係好光猛而且廚櫃都係鐵色, 冇門冇布遮住, 感覺有啲唔夾.前菜叫咗黑松露菌及牛肝菌配野菌忌廉汁意大利雲吞, 有驚喜! 個忌廉汁幾好味, 食得出奶香, 調味好到位, 雲吞裡面有肉碎, 雲吞火侯煮得岩岩好, 夠彈牙, 加埋一齊好好味! 另外點左個店長推介黑松露馬卡斯芝士夾心薄餅, 賣相好得意, 外面少少脆裡面軟軟地, 有d似食緊釀左芝士黑松露既烘麵包咁, 食倒淡淡既芝士味, 可是黑松露味唔係幾食倒, 薄餅上面有類似麵包糠/芝士粉, 增加左成個薄餅既脆度, 呢個菜式係一個幾特別既配搭, 我覺得如果芝士同黑松露味再濃d就更好! 另外叫左炸軟殼蟹南瓜意大利飯, 意大利飯煮得幾好, 林林地又有d咬口, 係我喜歡既口感, 好有南瓜甜, 可惜鹹味唔太夠. 不知為何個軟殼蟹有d凍

提起大角咀金船長 一定冇理由唔知道佢得獎食品，黑松露馬卡斯芝士夾心薄餅， 今次真為呢個pizza而來, 而且入到去已見到， 大大隻字寫住得獎作品，所以唔會漏點了。 今次得我同老公兩人， 所以點咗個細size 16吋， pizza內涵夾著超級多的黑松露, 外皮沾滿了濃郁嘅芝士， 內軟外脆， 侍應介紹這三種食法，第一種就係最原始，就咁食。第二種呢就係沾了佢哋每日新鮮釀製嘅葡萄醋食，第三種就係加上沙律菜一齊食。 無論點食都係咁好味。另外點了焗田螺，炸軟殼蟹，美國肉眼牛扒，甜品點了梳乎厘。法式焗田螺， 往時食開都係薯蓉焗， 但今次流質很多，有大量蒜香牛油可搽麵包， 田螺肉保留了水分很鮮嫩。炸軟殼蟹放喺長碟上，賣相精美，入口軟腍，外皮炸得脆脆的， 冇油益味。美國肉眼牛扒配薯菜，黑椒汁。 薯菜烤得剛好，還保留著水份。 黑椒汁另上， 食客可以自行決定落幾多，貼心服務。 牛扒五成熟剛剛好， 保留了肉汁， 如果可以加多塊牛油係底，熱碟上一定更美味。梳乎厘高高聳起， 外形鬆泡泡， 充滿空氣感 ，吃下感覺輕盈， 是近期比較喜歡嘅一種甜品，好味道。

同朋友約咗喺奧運站，附近冇乜嘢食，決定去大角咀。轉入街道，成條街都好多餐廳，行咗一陣之後，上網找到附近《金船長餐廳》有鵝肝，又有黑松露，價錢亦唔貴，一於試吓。餐廳佈置有啲似以前去食扒的西餐廳，但有在細節中見到心思，牆上畫左佢哋嘅招牌菜，而且我哋發覺餐廳有好多特色食品，喺其他餐廳沒有遇見過，侍應好有心機同我地解釋，完美點好餐。———————黑松露馬卡斯芝士夾心薄餅面層是香香的芝士餅粉，味道鹹鹹香香的。然後夾雜鬆軟薄餅，中間便是主角，豐厚的黑松露菌醬。侍應耐心介紹三種食法：1.原味2.加上他們自製的提子醋，可以提升芝士嘅香味，而且甜甜的，增加食慾。味道一下子又鹹香轉為甜香。3. 加上提子醋及加上沙律豆苗菜，口腔就好像又回到食前菜的感覺，食慾大增，非常滿足口慾。本身十分喜歡黑松露的味道，而且黑松露本來售價不便宜，而家可以一次過吃到滿口的黑松露，而且夾在熱熱的芝士薄餅中，味道好夾又特別。喜歡黑松露嘅朋友，絕對值得特登過來一試。——————法國鵝肝蘋果沙律厚身鵝肝，拼多士，煮蘋果及沙律菜。超級滿足的一道菜，多士拼鵝肝本來就是一絕，加上份量很大，真係非常滿足！！！好抵食！—————————老虎蝦拼