影片
更多
2023-08-04
128 瀏覽
😎 小編依日同朋友嚟到尖沙咀一間日式火鍋店，人生第一次食和牛火鍋，心情都幾興奮！🥳🥘 北海道豆乳玫瑰芝士鍋 😋😋😋😋😋入座時，店員就問我哋揀咩湯底，由於朋友唔係好食得辣，就揀咗個靚靚🌹玫瑰造型而且大家都想試嘅北海道豆乳玫瑰芝士鍋。火鍋湯本身嘅豆乳芝士味已經好夠，豆乳香滑又帶芝士鹹度，所以之後小編同朋友淥嘢食嘅時候，都冇再額外點醬料！👍🏻🥩 黑樺牧場精選層架 😋😋😋😋精選層架係入座已安排好嘅禮物，大家唔使等太耐都已經可以淥嚟食。👍🏻 而三層準備好嘅配料都係普遍食客會點嘅必食之選，包括：A5黑樺和牛肉、日本佐賀水豚五花、手打黑鑽蝦滑、手打金鑽墨滑。每一樣火鍋配料水準幾高，特別一提：黑樺和牛因為油脂多，食落好嫩滑；蝦滑同墨滑口感好彈滑，而蝦滑仲見到蝦肉🦐！🥩 黑樺牧場和牛火鍋放題 😋😋😋😋😋火鍋店主打A5黑樺和牛，當然要叫多幾款嚟試下啦！🤗 A5黑樺和牛玉子後腰肉淥完之後，和牛會多咗陣蛋香味，肉質鮮嫩；每個和牛部位都有唔同嘅質感，餐紙有指引教大家淥幾耐，A5黑樺和牛牛頸脊淥完又會硬身啲。🥩 每碟每人試到兩、三片，大家可以explore多幾款，唔使驚好快飽～ 要留意嘅係：為咗保持新鮮同衛生，和
🥘 北海道豆乳玫瑰芝士鍋 😋😋😋😋😋
入座時，店員就問我哋揀咩湯底，由於朋友唔係好食得辣，就揀咗個靚靚🌹玫瑰造型而且大家都想試嘅北海道豆乳玫瑰芝士鍋。火鍋湯本身嘅豆乳芝士味已經好夠，豆乳香滑又帶芝士鹹度，所以之後小編同朋友淥嘢食嘅時候，都冇再額外點醬料！👍🏻
🥩 黑樺牧場精選層架 😋😋😋😋
精選層架係入座已安排好嘅禮物，大家唔使等太耐都已經可以淥嚟食。👍🏻 而三層準備好嘅配料都係普遍食客會點嘅必食之選，包括：A5黑樺和牛肉、日本佐賀水豚五花、手打黑鑽蝦滑、手打金鑽墨滑。
每一樣火鍋配料水準幾高，特別一提：黑樺和牛因為油脂多，食落好嫩滑；蝦滑同墨滑口感好彈滑，而蝦滑仲見到蝦肉🦐！
🥩 黑樺牧場和牛火鍋放題 😋😋😋😋😋
火鍋店主打A5黑樺和牛，當然要叫多幾款嚟試下啦！🤗 A5黑樺和牛玉子後腰肉淥完之後，和牛會多咗陣蛋香味，肉質鮮嫩；每個和牛部位都有唔同嘅質感，餐紙有指引教大家淥幾耐，A5黑樺和牛牛頸脊淥完又會硬身啲。🥩 每碟每人試到兩、三片，大家可以explore多幾款，唔使驚好快飽～ 要留意嘅係：為咗保持新鮮同衛生，和牛解凍需時，大家有心水嘅，可以用QR code落咗單先。😉
我哋仲叫咗火鍋店少有嘅油墨菜同羽衣甘藍🥬，菜葉好完整、相當新鮮！日式干貝燒咬開一梳梳，好鮮甜！
🦪 $108任食海鮮放題 😋😋😋😋😋
2人同行入座會送一份海鮮拼盤，另外加$108就可以任食海鮮 😁 佢哋嘅海鮮都係嚟自日本，採用坊間少有嘅烹調手法——燒海鮮。店員會幫手將海鮮蓋好計時，再幫大家開殼類海鮮。👏🏻 我哋當然要食廣島蠔啦！大大隻又好新鮮！☺️ 店員話佢哋用返乾淨海水沖洗，所以食到有種好似蠔鼓味嘅鹹香，💦 而且仲帶有水份。🦐 海蝦嘅肉質亦非常之爽口彈牙！仲有大元貝可以揀㗎！
🍽 麻辣拼盤 & 鬼馬油炸鬼 (頭盤) 😋😋😋😋😋
入座就有依兩款頭盤～ 麻辣拼盤有魚皮、皮蛋、牛舌同牛展，作為前菜就啱晒，唔會辣到好辛苦，反而幫助開胃 😚 鬼馬油炸鬼特別在用咗油炸鬼做底，搽上墨魚滑同蟹籽，食落又彈牙又香脆！
🥣 每日限量燉湯 😋😋😋😋😋
依日係冬瓜豆腐海鮮燉湯，湯頭好清、好鮮甜，有螺肉味，內裡每樣材料都有，飲完覺得好滋潤 ☺️
🍨 茶類、汽水、沙冰 & 雪糕 😋😋😋😋
除咗酒類飲品需要加錢外，其他都係自助任飲任添。朋友試咗佢哋嘅沙冰，再加雪糕，自己DIY甜品，好正！🤗 小編就揀咗支裝冷泡白桃烏龍茶，茶味清幽，同時散發白桃香味。
晚餐 💵💵💵💵💵💵💵💵💵💵💵💵 約港幣$600/人
💁🏻♀️ 第一次食日式和牛火鍋，食材都好高質，亦有被海鮮驚喜到！店舖唔算大間，但都好骨緻、光猛同企理！大家未試過日式火鍋嘅話，不妨去試下，趁機解下「思鄉」之愁嘛！😆
🙆🏻♀️ 最後，喜歡嘅話，歡迎follow @foodirectory.hk！
北海道豆乳玫瑰芝士鍋
8 瀏覽
0 讚好
0 留言
黑樺牧場精選層架
16 瀏覽
0 讚好
0 留言
黑樺牧場和牛火鍋放題
13 瀏覽
0 讚好
0 留言
黑樺牧場和牛火鍋放題
36 瀏覽
0 讚好
0 留言
$108任食海鮮放題
6 瀏覽
0 讚好
0 留言
$108任食海鮮放題
40 瀏覽
0 讚好
0 留言
麻辣拼盤 (頭盤)
12 瀏覽
0 讚好
0 留言
鬼馬油炸鬼 (頭盤)
3 瀏覽
0 讚好
0 留言
每日限量燉湯
1 瀏覽
0 讚好
0 留言
張貼
