金記冰室 (霎東街) (已結業)

每次特登去搵好野食，都會覺得俾錢食嘢應該係一種享受而唔係一種煎熬，但系，媽啊我今次又中伏啦，點解近排成日中伏架🤦🏻‍♀️可唔可以俾返啲有質素嘅嘢食我? 睇黎今次真系太大期望......門面系幾有冰室既特色，系好傳統門口仲有印上冰室名既門，原來1967年開始已經有呢間冰室，去到呢家已經有50年歷史。餐牌上滿滿都系好傳統既冰室食品，如三文治、多士、特色飲品等等，除左枱上既餐牌之外，枱側亦有一本乒乓球拍形既餐牌，幾有特色亦帶點玩味。論環境方面，不論系燈光定系傢俬，環境都系偏向黃色，比人一種暖和既感覺。所謂嘅黑牛其實係冰室的傳統飲品，係朱古力雪糕可樂，雪糕球撈入去可樂入面竟然可以莫名其妙地match飲落去兩隻味各佔一半，幾好飲，已經係成餐入面最好嘅野，其他嗰啲不堪入目。真係睇到個樣都覺得核突啲醬搽到咁真系hea到一個點！都算，成件西多士都唔脆，入面得勁少花生醬，孤寒到呢⋯⋯去茶記食仲好過喺呢度食啦。呢個應該係我食過最難食又最貴嘅咖喱牛腩飯，啲牛腩硬過石頭，完全吾林，咖喱汁同埋份量我就覺得還可以，不過好稀，吾系正宗既咖哩汁。呢個應該亦係我食過最難食又最貴嘅三文治啲牛肉雖然幾林，但係真係一啲鹹味都冇

星期日同老婆行完時代廣場，見有d肚餓諗住去左食個下午茶，見到<金記冰室>係附近開左分店，裝潢好特別，仲有架電車係餐廳中間。 餐牌仲用左乒乓球拍造型，又幾得意，野食主打懷舊的食物，因為夜少少要同朋友食晚飯，所以唔食太多野住。點2杯黑牛，上面朱古力雪糕，下面可樂汽水，懷舊冰室飲品，後生果時整日飲，真係好懷念!!燒雞脾係我最愛，外皮香雞肉又嫩，d肉汁仲鎖住，正!!!另外點左份西多士， 炸到香脆鬆軟，入面的餡係花生醬，丙加混合埋牛油、糖漿，邪惡的美食~

剛好在銅鑼灣，想食個 quick dinner 回家。2口子來到銅鑼灣金記冰室。嘩! 氣氛很懷舊、復古。茶餐廳來說，裝修一流。食品選擇也不少。先點了碎牛蛋治$20厚身滑蛋炒咸碎牛，食落都好滿足。美中不足是麵包沒有烘底。也點了2個晚餐。晚餐跟的中湯是雪耳豬骨湯。中湯也有些湯料在內，比一般茶餐廳足料、好味。清蒸石斑仔$98上桌時，都驚訝清蒸石斑仔都幾大條。真係抵過自己去街市買，再辛水辛汗煮。簡單以豉油、蔥清蒸，魚肉肉嫩、鮮美。趁熱食，火速清掉。想不到茶餐廳有咁正的蒸魚。抵食抵食，必叫呀!欖才肉崧炒四季豆$74四季豆炒得外乾身，但內裏仍飽滿多汁。唔想食蒸、炒清菜,呢碟亦很推介。牛肉汁$19牛肉汁是少見的飲料，所以點來試試。飲落似濃味的熱雞精， 好似好滋補呢!黑牛$23黑牛亦是少見之選。一大球朱古力雪糕溶掉在可樂中。忍不住吃一口朱古力雪糕，是舊式雪糕，好傳統。雪糕溶掉後，可樂多了雪糕的creamy，真係幾夾! 

香港有特色的冰室茶餐廳愈來愈少, “金記冰室” 就係我其中一間最喜歡的懷舊茶餐廳,呢日同朋友行完銅鑼灣時代廣場,竟然見到金記開左係呢度, 即刻同朋友去食~ 入到去充滿濃濃的懷舊感覺,由台、椅、餐具等, 餐廳中間仲有一架電車造型的座位~當然唔少得呢度的乒乓球拍餐牌啦~行到禁熱當然要點2杯最愛的<黑牛>朱古力雪糕加上可樂汽水, 好懷舊的冰室飲品 我比較肚餓, 點左是日晚餐<煎蓮藕餅飯>有三塊厚厚的蓮藕餅, 再配上菜芯,有菜有肉好健康~ 蓮藕餅用左蓮藕粒+豬肉搓餅狀之後再煎到金黃香,肉質嫩滑, 而蓮藕粒更增加左爽口的感覺如果再加d醬汁更完美!!跟餐有中湯/西湯送, 今次選擇左中湯,湯料十足, 好豐富, 而且煲到好清甜!朋友因為唔太肚餓, 所以點左<炸魚沙律>即叫即炸, 所以一放入口熱烘烘的魚塊炸到金黃香脆, 入面的魚肉仍好嫩滑不得不提個沙律, 好好味, 材料又多~ 一般餐廳的不可以媲美食食下見到隔離台食<西多士>, 當然又忍唔住點埋一份 新鮮熱烘烘的西多士, 炸到香脆鬆軟,內餡仲係花生醬, 混合埋牛油、糖漿絕對係令人不能抗拒的邪