五勺

營業中

休息中

又口痕想去居酒屋，去咗朋友介紹喺尖沙嘴諾士佛臺嘅 《五勺》，應該係因為星期日夜晚所以唔算好多人，餐廳氣氛都幾好，同埋見到好多清酒。首先係前菜三款 ($78)，我地揀嘅三款分別係 昆布吞拿魚，山葵八爪魚同埋螢光魷魚沖漬。我覺得最好食嘅係山葵八爪魚，鹹度辣度都啱啱好，螢光魷魚都冇腥味。不過昆布吞拿魚係怪怪地，因為佢嘅吞拿魚好似係肉乾咁，如果係生吞拿魚嘅話會好好多。然後係炸雞皮餃子 ($58)，超好食，真係做到外脆內軟，餡料都係好 juicy，成件事好滿足，我地之後仲再叫多咗一份 😂明太子玉子燒 ($48)，呢個算正路嘅，冇咩太大驚喜。牛舌海鹽燒 ($72)，呢個都幾好食，燒得好香，好啱送酒。然後係雜錦天婦羅 ($128)，當日好想食天婦羅，好彩冇失望，全部天婦羅都炸得好好，蝦好大隻好新鮮，香菇同魚尾好好食。然後係店員推介果日特有，來自宮城縣嘅獨眼龍生蠔 ($204)，生蠔好大隻好甜，一啲蠔腥味都冇。刺身我地果日決定食池魚 ($198)，唔算多油香但係魚味好夠亦冇渣，點酸汁好易入口。店員話我地可以揀加錢炸魚骨或者煲湯，不過我地都食飽就冇加。串燒方面我地叫咗 青椒仔 ($28)，免治雞肉棒 (

唔肚餓但係又口痕想食野，搵吓搵吓就搵到呢間餐廳見到好多好多清酒嘅擺設，原本諗住走架以為淨係飲酒,原來都有嘢食嘅！ 個環境都幾好，仲係tatami黎㗎，坐得好舒服，而且侍應唔會打擾，傾計可以暢所欲言，係叫嘢食嘅時候佢哋又會出現，有留意客人有冇睇餐牌，適時添茶，好醒目！ 好鍾意食刺身嘅我就叫咗個帆立貝刺身，呢度啲刺身就真係一般,好薄而且唔係太新鮮 好鍾意食銀雪魚嘅我就梗係一見到銀雪魚就即刻點啦！銀雪魚好新鮮燒得幾好，可惜油咗啲! 點咗個黑豚腩鹽燒，啲肉嘅口感一般,而且有啲鹹！ 叫咗枝豆，但係都係一貫作風- 好鹹! 最後叫左個芝士年糕，好味，年糕嘅厚度啱啱好，再加上外厚內軟嘅口感，好有驚喜，好味！ 如果配清酒可能有另一番風味，可以一試！