悠蔬食 (渣甸中心) (已結業)

今日約左同事邊傾公事邊食飯，呢間餐廳有同事之前黎過話ok，咁就黎試下食齋啦！一入門口被佢藍白色系的裝修吸引著，很典雅、好舒服的感覺！Lunch set有六款選擇，配有沙律、湯和飲品。餐版仲顯示tea set,  dinner set, 不少甜品和飲品的選擇。我和同事選了一個「點心拼盤配蕃茄巑岐湯烏冬」（$108）及「蒲燒玉子淮山蓉鰻魚配日本珍珠米」（$98）前菜是「藜麥蔬果沙律配鳯梨百香果汁」，有幾款不同的菜、青瓜、芒果粒、提子粒和藜麥，個沙律汁清甜帶微酸有果香，好開胃！餐湯有「野菜粟米忌廉湯」和「木瓜甘筍雪耳花生湯」，我揀中湯，有好多湯渣證明足料，又夠火喉，飲完好舒服。同事飲西餐，一試就話好香粟米味，肯定用新鮮粟米而非罐頭（事後我們問侍應果然屬實）。同時幾欣賞佢上湯時係見到有蓋，可能確保夠熱掛，擺上枱後先幫你拎走個蓋。主菜先黎「蒲燒玉子淮山蓉鰻魚配日本珍珠米」，估唔到佢用日式便當咁裝住，好精緻，有六塊「鰻魚」、玉子、黃瓜、酸薑、毛豆，個鰻魚汁非常香，我唔知啲鰻魚用乜嘢做，唔通就係淮山蓉？都好食的。跟住就係蕃茄讚岐湯烏冬，蕃茄湯好香濃，烏冬彈牙，配以菇和蔬菜，清淡得來又好味，而且份量不

對素食一向不太認識的我，今天有了一個好的體驗。朋友相約到銅鑼灣悠蔬食。室內佈置以淺藍和白為主，感覺很乾淨整潔。我們點了兩個午餐，由沙律、湯、主菜及至飲料，食材都很新鮮，不肥膩，感覺非常好。印象最好的要算是芋頭栗子炆豆腐伴糙米飯和點心拼盤，非常好味又有營養。藍蝶花雪梨汁色澤藍中帶紫，加雪梨汁酸酸甜甜很清爽。甜品最出色，自家製合桃露加湯圓是有畫龍點睛之效。焗西米布甸香軟柔滑！整體而言，這是一所出色的素菜館！

早幾日同朋友weekday嚟食晏係我第一次黎依橦大廈不過都好方便易搵地鐵站行過去都係3分鐘內由於朋友好鍾意素食所以就梗係聽佢介紹，要佢帶我去正既素食餐廳啦～我哋叫咗兩個lunch set食個前菜嘅時候已經有驚喜個胡麻茄子伴牛蒡好好味茄子口感琳琳地，帶少少汁然後牛蒡又好爽配埋啲胡麻醬味道真係好夾跟住呢就飲湯中湯係天山雪蓮椰子花生雪耳湯好甜，好滋潤，我基本上食晒啲湯料，太正喇！至於朋友就要左西湯係甘筍番茄桃膠忌廉濃湯都好好味（我梗係要試一啖啦😆）個湯係好滑，好清甜我哋兩個飲咗湯之後都已經覺得好滿足🤤🤤🤤🤤因為我個人比較貪心⋯一場黎到，想試多啲嘢⋯所以叫咗set D:點心拼盤同青菜雜菌煨面啲點心好足料，燒賣好結實口感幾好～ 最鍾意隻素餃～咬開全部都係菜，滿滿嘅健康感覺個青菜🥬雜菌煨麵同平時出面食嘅都差唔多不過就冇咁油膩～ 清清地好啱我☺️☺️至於朋友就叫咗個喇沙湯麵佢話個湯都好正基本上佢每個月都會嚟食一兩次講到咁，即係迫我下次再嚟食嘅啫🤣🤣因為大家都得閒所以都傾左好耐計叫埋甜品share左一件千層蛋糕淡淡既焦糖味加少少海鹽唔會太甜或者太膩都值得一試總結依個lunch都食得幾開心每人百幾蚊喺銅鑼灣

同事話近排成日出街食飯，下午想食清清地，我就話不如去食素食!餐廳位於渣甸中心25樓，食飯時間都需要等1、2部X先上到去，冇諗過原來好多人下午都會選擇食素，我們到達餐廳的時候都差不多滿座了!跟同事看過餐牌後，二人都選擇了lunch set，lunch set包括有湯、前菜、主食同埋飲品，我地仲加錢點了甜品呢!前菜-胡麻茄子伴牛蒡，呢個前菜都幾開胃，因為茄子同牛蒡有胡麻醬伴著，下面的菜柚子汁，所以非常醒胃!天山雪蓮椰子花生雪耳湯，蓮子同花生煲到淋淋地幾好食，雪耳很滑，湯料還有粟米，所以個湯非常清甜。甘筍蕃茄桃膠忌廉濃湯，這個非常濃，有點傑身但又不會很漏，好重甘筍味!和風淮山野菌燴扁意粉配香脆腐皮卷($98)，這裡明明是食素的，但在意粉上有個類似雞膇的東西，原來就是腐皮卷，把腐皮卷到雪條棍上，很有趕!而扁意粉食落味道有點黑松露味，但食真一點是菇的味道，淮山很爽口!點心拼盤配青菜雜菌煨麵($108)，點心拼盤包括有燒賣、素叉燒包、春卷同埋素餃，當中春卷同埋素餃都比較好食，春卷炸得很脆，內裡的粉絲和木耳很爽脆。素餃的菜也很爽口，唔會淋哂!而煨麵很清，湯底味道而菜為主，還有少少菇味，確實夠清!餐飲

訂了一枱，同事一同食下午茶farewell，選擇了這間健康素食。環境唔錯，在渣甸中心25樓！地方在中心位置，好方便！之前食過晚餐，下午茶第一次食，都有8款選擇，包飲品，大概$58（要加一）我們人多所以坐房仔內，可以自成一角。午餐至3點，我們人齊只可點下午茶。大家都點了一個茶餐，有飲品選擇！（點心拼盤）唔似素食，有4種不同點心，如春卷、蒸餃、燒賣及叉燒包，賣相好得！（番茄田園忌廉燴扁意粉）份量一人好夠，酸酸甜甜幾開胃！（擔擔麵）可選辣或不辣最多人點這個，好香麻醬味！有紫菜、香蔥、花生粒粒，幾香幾好味！我點了少辣，麵份量多，麻醬配上辣味，好香好野味（悠蔬食甜蜜盒子）好靚喔！又好多生果、蜜糖的香甜！有忌廉的滑滑，配上脆脆麵包！好足料（香脆五殼杏仁牛乳）五殼好多纖維又健康，牛乳滑又杏仁味香！

現代社會物質豐富，工作繁忙，一到週末假期，總會以美食犒賞自己，吃得多肥膩食物，都怕影響健康，所以近年興起Green Monday 吃起素食來。今天我也參與一下，到了銅鑼灣這家新派素食餐廳。餐廳以清新天藍和白色作主題，陽光透過優雅的花窗灑下餐桌上，加上柔和抒情的音樂，難得在繁忙的星期一也能偷閒一下。中午有多款素食套餐選擇，餐湯我們選了一中一西。中湯煲得很入味，雖然是素湯卻沒有過於清淡，入口有濃濃的花生香，還帶出粟米和青木瓜甜味至於西湯是以青豆打成的濃湯，加上素燕，更添層次感。南瓜汁意粉甘甜的南瓜汁易於入口，配上雜菇和菜，口感豐富。點心拼盤有4款點心各1件很欣賞點心拼盤，芋絲春卷外皮香脆，內裡有濃郁芋頭茸，香口得來不太油膩。燒賣以粉絲做，口感清爽。叉燒包以素肉製，內餡色澤口感跟真肉相似。裴翠餃皮薄內餡豐富。榨菜豆絲米粉白桃雪葩合桃露咸柑橘素食款式多，中西式也有，水準不俗，另結帳時見鄰桌的下午茶甜品厚多士非常吸引！想吃素時又多個選擇了！