敏華冰廳 (衛星閣)

營業中

休息中

入到去敏華，有選擇困雞症，最穩陣一定係叫佢地既黯然銷魂飯，真係百食不厭。蛋煎得好靚，蛋汁用黎撈埋飯再加少少豉油真係無得頂。有四件叉燒燒得好香口，半肥瘦適中，好快就成碗食飯食晒。

文華冰廳改名為敏華冰廳了，雖然不知道箇中原因，但從食客角度來看，這應該並不是甚麼大的轉變吧！？這間分店在午飯時間總是長長的人龍，今晚放工路過見難得不用輪候，便進去試試。(個人比較討厭為一餐而花太多時間輪候)這次進來點了門口單張展示的 “黯然銷魂飯” ，义燒脆卜卜配上半熟流心蛋，味道仍舊美味。不過，义燒的份量好像比較少了一點。過往去過其他分店，記憶中义燒的份量比這裡多很多，不知道是改名後變差了，還是這分店的個別問題。另外，不得不提，正如其他食家所言，這間分店的伙記真的很差勁，無論是安排座位、帶位、下單、上菜、收銀，服務都一樣通通難以令人滿意。就連我老公這麼寬容的食客，也說因為某伙記的態度而不再光顧這間分店。老闆們真的要想想要怎麼改善這個問題，特別置身於太古城，不論居民或是上班族都是有一定要求的。

鰂魚涌番新工，中午行去太古食「文華」。依間「文華」並唔係商場裡面，佢係係民居附近。諗住中午12點應該唔洗等啦，但商業區果然係商業區，已經爆晒，等咗6、7張枱。當日，好彩等既位置唔係露天，有野檔檔個太陽，如果唔係會熱到癲！朋友叫咗黯然銷魂飯 + 菠蘿冰 (唔記得影相) VERY GOOD 首先，最頂個隻荷包蛋，一吉，裡面啲蛋黃即刻爆流出黎。跟著，啲叉燒係半肥瘦， 部分外邊有黑色燒燶位，食得出有好多蜜糖，正！常餐 A4 濃湯豬膶牛肉米粉 拼 炒蛋牛油厚多士（飲 熱咖啡）雖然看似有好多油，但唔緊要，飲落去好濃既薑味，味道幾好！