古今二 (荃灣千色匯I)

營業中

休息中

happy friday當然係周圍搵下好野食，最近就去左荃灣呢間日式餐廳，佢地主打食日式卷物，因為好少食呢類型就去試下～圖文並茂，望到都流晒口水，而且佢地既卷物啲名都好有特色！龍捲風沙律，有多款新鮮蔬菜、中華沙律同蟹柳，夠晒鮮味，加上脆片豐富口感，沙律醬酸酸甜甜更帶辣，似用左辛明太子，辣辣地刺激味蕾夠惹味，份量好多好滿足！蜘蛛，造型以一塊大沙律菜扮蜘蛛身，再用醬汁扮成蜘蛛腳。餡料有炸軟殼蟹配青瓜、牛油果同蟹柳，帶嚟絕妙嘅飽滿口感。軟殼蟹香脆可口，配合新鮮嘅蔬菜同牛油果，真係令人味蕾大開！火山，最具特色嘅卷物，因為佢係著住火咁上菜，打卡度滿分！上層以新鮮帶子同蟹柳組合，而飯卷就用左青瓜、牛油果等，明火燒到啲蟹柳微焦，食落勁香口，口感好豐富！看似一大舊飯，但其實係6件卷物合併而成。帶子鮮甜，加上其他食材嘅搭配令味道更加層次分明。日式章魚小丸子，睇圖好吸引所以叫多左碟小丸子，外脆內軟，不過粉漿多左啲，同章魚較細粒，性價比不高。

沒晚上堂食的日子裡，晚晚放工後要不斷尋覓外賣好西。剛巧身處荃灣，醒起呢間fusion sushi店依家外賣做緊discount，咁抵食就點咗幾味賣相紅噹噹嘅創意料理返屋企嘆：龍捲風沙律 蔬菜・海藻・蟹柳・脆片>加入大量蟹柳絲和蔬菜，特製醬汁惹味開胃，洒咁啲香口薄脆片，多咗個卜卜脆嘅口感櫻花蝦茄子燒 >個人最鍾意呢款除咗係紫色之外，矮瓜面頭撒上海量櫻花蝦令個賣相燦爛繽紛更吸引，蝦乾仔帶出海鮮鮮味，茄子煮得軟腍入味，是道清爽小菜火山 帶子・青瓜・牛油果・蟹柳>呢個份量勁大，係個啱同人分享嘅創意美食！幾個材料加埋成個味道又幾夾喎。發覺呢間餐廳嘅醬汁調味出色、係每道菜嘅靈魂，惹味之餘亦能提鮮火焰金龍捲三文魚・炸蝦・芝士>中間有炸蝦天婦羅，最好儘快食咗佢以免影響脆咯咯口感！佐以忌廉芝士食落更creamy，有魚生片有炸蝦都幾豐富又香口，特別！當日外賣有9折！

今晚同朋友揀咗呢間餐廳食晚飯，非常滿意！地方潔淨，環境舒適，服務員態度非常親切，不時會幫忙加茶水。講到古今二嘅食物，點少得呢度嘅特色卷物！今次同大家分享一下有咩好食:龍捲風沙律二人份量！份量十足嘅沙律！裏面食材十分精彩！新鮮爽口生菜丶中華沙律丶蟹籽丶大量蟹柳絲，而且入面仲有粒粒脆片，令到口感好豐富，又香口。沙律伴上祕製醬汁，好開胃，好適合作為前菜。火山呢一款火山，外型獨特，非常有創意。其實上面係一層厚厚嘅蟹柳絲，下面係一層被覆蓋嘅卷物，係以青瓜牛油果做嘅卷物非常豐富，又美味！辣妹呢一款卷物係以辣味呑拿魚丶忌廉芝士丶炸蝦整作而成，其實味道唔太辣，而且好香口，芝士味香濃！建議先細味辣味呑拿魚，因為魚蓉味道十分鮮甜！埼玉網燒牛舌新鮮燒製上枱，非常好味！鹽味牛舌柔軟而有彈力，配上嘅袐製醬汁，有好香嘅麻油味，大家不妨點一點醬汁食！有意外驚喜！宮崎黃金炸豆腐非一般嘅炸豆腐，炸到金黃色，再淋上燒汁，味道好似章魚丸子，但入口係又滑又嫩嘅豆腐西施，好味！今晚真係大飽口福！

壽司卷又稱為卷物，係其中一種基本嘅壽司款式，不過依家佢不斷進化😆😆越來越多花款同埋配搭，無論視覺定係味覺都好吸引😍古今二真係 🈶️好多款卷物，而且佢哋個名都好特別。我哋今次就一次過試咗5⃣️款咁多😙前菜沙律🥗龍捲風沙律份量真係好大，喺沙律菜上放左一座蟹柳山😱網燒牛舌厚度啱啱好，所以燒完唔會過熟，爽口🈶️口感。卷物盛一份就已經🈶️4⃣️款卷物，最啱有選擇困難症嘅我，唔使左揀又揀🤣鰻魚牛油果卷加上鰻魚燒汁好惹‼️加州卷包裹住好大舊蟹柳‼️費城卷三文魚加上芝士口感好滑‼️金龍卷包住嘅炸蝦仲係好脆。忘不了你就咁睇個名真係估唔到佢係乜嘢，其實佢係芝士、炸牛肉加芒果🥭卷。壽司飯包裹住炸牛肉同芝士，再喺上個舖上芒果同wasabi沙律醬，令賣相非常吸引。三文魚頭湯鍋 份量又係好大，奶白色嘅魚湯入邊有好大件嘅三文魚頭、雜菜同埋豆腐。三文魚嘅肉仲係好嫩滑，湯頭亦都有好香濃嘅魚味。

行完千色店後，晚飯時間來到餐廳，因為早食午餐嘅關係，下午五點幾已經有啲餓，黎到餐廳大約六點左右，當時還有很多吉位，但很快六點半便坐滿人。🥗龍捲風沙律 $68Crazy Salad 放上枱嘅時見到呢個小山丘，令人興奮😆，真係勁足料！由蔬菜、海藻、蟹柳、脆片堆成，撈埋一齊食有多種爽脆口感。🍤金龍卷 $88Golden Dragon Roll 食材由三文魚、炸蝦、芝士卷成，三種食材味道超夾，三文魚和芝士都好滑溜。🦪火山 $88Volcano Roll係巨形卷物，有青瓜、牛油果，上層係鋪滿厚厚層蟹柳、帶子和蟹子，飯和蟹柳做底層，係比較清甜嘅卷物。🦀蜘蛛 $85Spider Roll食材有青瓜、牛油果、蟹柳、軟殼蟹，軟殼蟹鬆脆得黎柔軟，帶海鮮少少鹹味。🍆茄子燒 $35Eggplant燒茄子上鋪滿櫻花蝦和醬汁，係一道惹味菜式。每一道菜都堆砌精美，充滿心思，而且好食得黎都幾健康，好多卷物都有青瓜、牛油果呢兩種食材。

這店最初設於觀塘，bookmark了很久，一直很想試的餐廳，現在荃灣也開了分店，終於有機會來試試了。餐廳是主打多款特色卷物的餐廳，最後點了雙拼卷物、火山、牛肉壽喜燒鍋及龍捲風沙律。 龍捲風沙律份量很大，足夠3-4人吃，裏面有生菜、蟹柳絲、中華沙律，加上蛋黃醬吃，很滋味呢。火山面放了滿滿的蟹籽和蟹柳，調味得宜，底下是蟹柳和牛油果卷，是簡單的美味啊；雙拼卷物則選了芝士炸蝦卷及龍捲風，炸蝦炸得香脆，加上芝士，豈能不好吃！龍捲風則是由鰻魚芝士及脆片卷成，口感同樣香脆美味。至於牛肉壽喜燒鍋，份量也挺大的，足夠2-3人分享，吃到底部更有吸滿湯汁的粉絲，十分美味。是一頓很不錯且價比高的午餐，會再來吃的～

約咗老朋友飯聚 選址在朋友推薦的店Fusion日菜「古今二」 主打創意料理木系清新風裝修配上電燈泡 感覺唔錯牆上有明星合照媒體報導 似乎幾出名食物選擇多價錢合理又好味 擺盤幾靚卷物有創意配搭有層次 應該會再翻兜 -🐾龍捲風沙律🐾 $68超大一盆三至四人食都夠食 超級抵玩生菜上面 係滿滿嘅蟹籽蟹柳中華沙律撈勻後啖啖有餡 食落清新爽脆有口感-🐾茄子燒🐾 $35茄子以日式醬汁燒 再灑上脆身櫻花蝦軟滑又香口真心勁好味 燒茄子控必試-🐾網燒牛舌🐾 $48厚身牛舌燒得啱啱好 軟嫩唔韌有咬口點埋醬汁更惹味 份量都抵食有成六塊-🐾卷物｜富士山🐾 $88餐廳名物之一 係牛油果蟹柳鰻魚卷物蟹柳成座山咁高好澎湃 餡料啲味好夾再灑上脆片口感味道都好正 值得一試-🐾卷物｜東京爆脆🐾 $88以米飯捲著吞拿魚 再捲著香脆炸蟹柳面頭加上沙律醬灸燒 脆卜卜帶點焦香-🐾三文魚頭湯鍋🐾 $88奶白色鮮魚湯底裏 有大大個三文魚頭仲有豆腐同娃娃菜等 魚肉多仲幾嫩滑頗濃郁偏咸少少 份量好足夠幾個人食-

古今二 (荃灣千色匯)荃灣眾安街68號荃灣千色匯1期3樓3013號舖成日行過荃灣千色匯見到呢間日本餐廳都幾吸引，而且經常好多人排隊，今日終於有機會黎品嘗下見到meun 既選擇都幾多，除左有串燒，鍋物之外，呢到最出名既當然係卷物啦，見到有好多款都好想試下，造型非常精緻，最後我地都揀左2款 龍捲風沙律---首先食左前菜沙律先啦，份量都算幾多，應該足夠2~3人食呀，沙律用左新鮮既蔬菜放係最底層，而面層就用左 大量既蟹柳絲同中華沙律配合埋蟹籽造成好似龍捲風既造型，非常吸晴而食落除左口感一流之外，亦感覺到沙律醬有微辣既味道，好特別值得一試網燒牛舌---餐廳燒得好香口，而且牛舌厚薄適中，食落口感啱啱好，絕對唔會覺得有筋或者太韌 牛肉壽喜燒---呢個鍋好足料，入面分別有雞蛋，豆腐，冬菇，金菇菜，椰菜等等，而且加埋高質既牛肉，肥瘦適中，真係好好味，最後當然要試埋個湯底啦，呢個絕對係精華既所在 相撲力士---呢個卷物主要係以芝士，蟹柳同埋各式各樣嘅刺身製成，雖然所用既食材唔算好特別，但係心思搭夠，師傅整得好精緻，再配合埋靚靚既底碟，真係見到都唔捨得食呀富士山---呢個可以話係餐廳既招牌卷物，主要係以牛油

由於晚市禁堂食及限聚令的原因，下班買外賣回家，成了我的生活慣常。這晚來到位於荃灣千色匯，主打日式卷物的古今二。餐牌選擇豐富，選了一些來品嘗。火山火山面層鋪滿大量沙律醬和蟹柳，中間放滿魚子， 營造出火山爆發的賣相， 十分別緻，底層壽司卷包裹著青瓜，牛油果，蟹柳，和帶子，與醬香味融合得剛好，讓人愈食愈開胃。蜘蛛原來是利用了軟殼蟹，假裝蜘蛛腿，創意十足。炸得香脆的軟殼蟹，同樣配上青瓜，牛油果， 口感豐富。龍捲風沙律沙律菜出奇的新鮮和清脆， 混合蟹柳，中華沙律等同食，一下子清盤。網燒牛舌燒牛舌簡單用鹽和黑椒調味， 入口帶有燒過的香，鹹味適中，十分惹味。茄子燒炸過的茄子，加上大量櫻花蝦同燒，雙重口感，令茄子生色不少，鮮度加倍，有點像中式料理。原本以為卷物和小食，食完不會太飽肚，可以再食一個糖水，哈哈😎原來卷物真係可以當正餐，飽肚又美味，精彩！！

今日放工要去朋友屋企慶祝生日就去咗朋友屋企附近嘅商場千色匯睇吓有咩外賣可以買上去先發覺呢度開咗古今二分店🤤因為之前食過觀塘分店對佢嘅卷物印象都幾深刻外賣自取仲有九折🤩所以好快就決定買古今二外賣上去佢裝修同環境都幾靚可惜放咗工六點後冇可能食到堂食同朋友兩個人食所以就決定卷物做主打🍙🍙叫多個沙律同小食配搭🥗由於朋友唔太食生野而我又好貪心地想食好多款卷物所以就叫咗個卷物盛E因為佢寫係熟食之選🤤🤤又有曬火山蜘蛛呢d拿手卷物總共有25件壽司+卷物😋😋😋先講下卷物盛E呢個主角壽司就有玉子 左口魚 鰻魚卷物就有火山 青龍卷 蜘蛛🤤🤤真係好夠飽好足料😂細食女仔可能3-4個人先食得曬好彩我同朋友夠為食食曬🤤🤤不得不講古今二卷物好食過壽司可能因為味道層次較豐富我係超鐘意牛油果🥑🥑而佢三款卷物都有牛油果 大滿足其中青龍卷面頭牛油果係勁有厚道有d餐廳牛油果卷物塊牛油果好薄最後會食唔到牛油果味😢😢青龍卷係食到creamy牛油果味另外仲想讚火山🌋佢面頭有蟹柳沙律醬等本身已經好惹味😋😋原來下面既卷物中間仲夾左好甜既帶子呢個配搭係意想不到地好味🤤🤤為左食下菜仲叫左個龍捲風沙律🥗特別之處係佢係蟹籽沙律中華沙律同生菜沙律

為食妹係個蟹柳控，平時食日本嘢都好鍾意叫蟹籽沙律嚟食。荃灣前排開咗一間食日式fusion野嘅餐廳，啲嘢食都好靚好吸引😍😍🥗龍捲風沙律 (折後$50 - openrice自取85折）呢個真係超級超級超級之好食！ （重要嘢要講三次）首先呢個沙律最多嘅唔係沙律菜，而係🦀蟹柳絲同埋海草(中華沙律）。平時啲日式餐廳都會將海草獨立咁作為一份沙律，但原來佢同蟹柳再加埋生菜一齊撈埋食係超級之好食😍😍😍😍！其實呢個沙律既份量一啲都唔少，但係食完都仲係會覺得意猶未盡好想再食🥰🥰。🍣卷物拼壽司 (火山+火炙左口魚邊及蒲燒鰻魚壽司）(折後$75 - openrice自取85折）個火山卷係咪同個沙律有啲似樣呢？冇錯佢哋都係有好多嘅蟹柳絲😍😍火山呢一個嘅蟹柳絲係混合左一啲帶子肉係入面，多左少少清甜，蟹柳絲表面似係燒過，但我覺得乾左啲。除咗上面有大量嘅蟹柳絲之外，啲卷入面都仲夾有蟹柳，食個時有少少牛油果味，都幾唔錯👍🏻至少2款壽司味道都唔差，左右魚都燒得好香，但就因為太大舊飯，所以一啖食一件個陣，唔係好食到魚味。總括嚟講，沙律係最好食架!😍下次再試下佢其他卷物，佢啲卷物都真係好靚！

荃灣行街街，見到呢間日式餐廳好似幾OK，就順便買外賣返屋企食。包裝乾精美，打開你個大合照先。呢個燒物我最鍾意，有類似煙肉卷車厘茄嘅清新感，但呢個黑豚荔枝卷串燒冇咁鹹，好香燒肉味荔枝亦都好Fresh～原來呢座火山裏面有牛油果、青瓜同埋蟹柳絲，入口個豐富感就相當滿足。最滋味嘅係面層一堆堆火炙過嘅蟹柳絲，又香又fresh。蜘蛛呢個名好似好恐怖，但其實裏面捲着嘅係青瓜、牛油果、軟殼蟹、蟹柳，餡料非常豐富，呢個卷物餡料多個飯量呢😂～龍捲風沙律，就好似個名咁，個沙律打開好似打風咁，裏面有蔬菜、海藻、蟹柳、脆片，食食吓清新沙律嘅時候，又有少少脆片，口感幾得意。仲有呢個小食茄子燒，用燒汁塗上茄子燒熟再放上木魚絲，非常惹味！由於今次係外賣自取，所以有九折，都幾抵～

朋友清假，約咗平日出去飯聚一下~喺千色匯見到呢間，食日本嘢嘅餐廳，外面又裝飾得幾有節日氣氛，menu又唔錯，就被吸引咗入去啦Order完先黎左杯暖粒粒嘅miso soup先黎左燒物，燒雞泡魚 黎到已經好香，熱熱地，幾好趙頭 coating嘅燒汁甜甜地﹐好夾！朋友食得好開心，仲話好想即刻 飲返支啤酒lol呢份salad好似好特別咁，朋友話見到poster都有賣！見佢賣相都幾好，tornado得黎又幾齊整 hahaa 落手又大方。好多蟹柳絲，中草沙律，最特別嘅就係佢有啲薯片碎夾埋又幾過癮，同埋蟹子卜卜，脆脆薯片同salad菜....仲要有點點微辣，interesting 朋友好喜歡牛舌，假期開心下叫多份燒物 黎到見佢都好厚身！咬落好有肉xD, 覺得口感有啲似豬頸肉，朋友又係大推好啦，點都要食返啲飯~~點左份個名好有感覺嘅「忘不了你」hahaa on top係芒果，唔會酸，仲夾埋啲cheese, 中間充滿住牛肉，好豐富嘅味道，個人覺得牛香味再濃郁啲會更加分。飯筒表示唔夠飯！ 要左多份似係招牌嘅卷物盛！有埋店名仲唔係佢包括左加州卷、饅魚牛油果卷、費城卷同好有份量嘅「火山」。我至like個「費城

去荃灣買完嘢搵個地方坐低醫下肚，行咗一圈揀咗呢間主打創意卷物嘅日式餐廳，空間寬敞，感覺開揚舒適。食物方面選擇超級多，特別係卷物，簡直可以用花多眼亂嚟形容，反正第一次食，隨意點咗一份沙律、兩款卷物同野菜鍋。龍捲風沙律望落平平無奇，有西生菜、中華沙律、蟹柳、蟹籽同脆片，配上日式醬汁，入口無論味道同口感都好有驚喜。兩款卷物賣相精緻，而且份量好足，絕對唔驚食唔飽。第一款送上嘅卷物係忘不了你，呢個名非常新奇，但入口之後居然令人有啲認同，芒果、炸牛肉同芝士呢個配搭本身就好合襯，加上芥末、沙律同日式醬汁，有齊鹹、甜同辣三種味道，入口層次豐富又帶點刺激，令人食唔停口，好有驚喜！另一款卷物係午夜牛郎，壽司飯加入三文魚、牛油果同芝士，外層裹上薄薄嘅炸漿去炸，更加香口，簡單配上日式沙律醬已經帶出三文魚同牛油果嘅鮮香。野菜鍋算大份，湯底味道清甜，食完沙律同卷物，再整返鍋熱辣辣嘅野菜鍋，成身都暖笠笠。餐廳食物質素唔錯，而且好有創意，特別係卷物，配搭多變有驚喜，令人想食匀咁多款式！

古今二仲係得一間觀塘店個陣食過一次見到依家荃灣都有，就黎回味一下佢d卷物平日七點黎到，可能因為係禁六點後堂食前既最後一晚，都好full 下餐牌好多野食，但最吸引都係佢d 卷物我地兩個叫左一個沙律，兩個卷物，一個鍋見到之前唔少人推介，我地都叫一個份量好大，但絕對唔係用沙律醬呃稱真係底下d 沙律菜都好多，中間係有埋中華沙律架，面頭係蟹柳蟹籽，再撤d 薯片醬比例岩岩好，我地溝埋哂一齊食，口感夾埋d 脆薯片好特別兩條卷物一齊上， 佢地淋醬係面頭都好有心機， 而個相樸力士特登用唔同色既魚生砌到依個效果，觀賞度都大大提升左魚生食落新鮮，加埋d 醬都好夾但個人更鐘意忘不了你，外面芒果，入面係炸牛肉，口感更豐富，而個味道都估唔到甘夾，推介～～最後上埋野菜鍋， 菜份量又係好多，食完真係勁飽