不倒翁中日火鍋料理

營業中

休息中

上星期公司請食飯, 約埋幾個同事一齊去。上到去成場都已經坐滿, 公司book左枱就唔洗等位, 直接就坐埋位啦～行入去途經刺身bar, 師傅開緊生蠔, 齋睇都知正!!我地去到老闆都未到, 邊等邊同同事睇menu睇下有咩食, 愈坐愈餓, 所以勁期待一陣餐飯老闆到場就可以上菜, 首先上枱係預訂左嘅龍蝦刺身, 一放上枱成枱人都“嘩~~~”第一碟大家都好好心機影相, 等各人影好先開動! 一放入口, 係勁爽口鮮甜。我平時對熟龍蝦係零興趣的, 但呢碟真係毫無抵抗力, 食完一舊又一舊之後就到象拔蚌, 打邊爐必叫! 但係呢碟同我平時食開嘅好唔同, 鮮甜爽脆, 真係無得頂! 整隻蚌部分切條, 部分切片, 我比較鍾意食一條條個款呢!平時唔食生蠔, 我都ko左3隻! 好甜好新鮮, 但我嫌佢唔夠甘~~三文魚腩刺身, 魚肉同脂肪比例2:1, 岩岩好, 唔會太肥。一入口, 油香四溢, 正呀刺身部分食完, 都已經飽左一半~~~頭先龍蝦刺身個頭同腳就斬件, 用黎打邊爐!打邊爐食物實在影唔切, 食物一放低就俾班化骨龍同事倒哂落鍋, 唯有影個overview俾大家睇。脆骨腩: 我至愛, 無呃人, 真係脆架!響鈴: 新鮮炸起

事緣係有個同事升職請食飯, 八條友揀左不倒翁打邊爐,.........大家一路叫野食, 一路玩野, 勁嚇個同事, 又話要開鮑魚, 又話開龍蝦, 又話開條大魚.....就係咁嚇嚇o下就出事喇.....................我地最初叫左個邊爐套餐既, 有個唔知咩湯底, 有個刺身船又包十碟火鍋生料又有野飲, 都好似係千幾蚊, 再另外散叫左d料, 加埋都係二千蚊, ok啦........刺身同d牛都好新鮮好好食, 火鍋料都唔錯, 係幾好味既......成晚既重頭戲黎喇, 同事們玩大左, 而請食飯果個又計錯數, 我地大o下佢話叫佢開龍蝦, 佢真係order左..........4斤半既大龍蝦.....嘩..............計計o下原來一隻龍蝦要二千八............截單都截唔切, 算啦, 照食啦...........隻龍蝦大隻到係可以一蝦兩食, 我地揀左刺身同埋粥底火鍋, 部長送左個粥底俾我地........龍蝦做刺身, 味道太清淡, 食唔出鮮甜味........之後用黎做粥底火鍋, 真係正到不得了, 龍蝦既肉鮮味出曬黎, 又甜又正, 龍蝦腳d肉大條過蟹柳, 爽滑彈牙超