龍點心 (Eastcore)

營業中

休息中

慶祝鋪頭開張活動，每位客人都可以甜品，包括桂花糕同紅豆餅，但唔知活動做到幾時，想試要趁早，因為見menu 冇得叫呢兩款甜品。桂花糕既玫瑰造型好靚，上下漸層清晰，入口清甜。紅豆餅外層有啲似香蕉糕，一咬紅豆饀爆出。🔸口水汁龍利魚腸粉 $42 ‼️推薦‼️呢個配搭真係第一次見! 口水汁初入口有種甜味，最後辣味湧出，唔會太辣，但幾滋味。龍利魚同腸粉都好滑，入口淋滋滋，配底下爽脆既青瓜絲，口感豐富。🔸馬拉小籠包 $42小籠包咬落爆汁係基本，但今次爆既係肉骨茶，似褔建派做法，偏向藥材味，食落肉汁唔肥膩，感覺好養生。🔸酸菜魚鳳眼餃 $40外皮煙韌，表面有個小魚塊，酸菜味道唔算好出，但加左花椒，辣度十足，好惹味。🔸龍燒賣 $42只係燒賣都有8款選擇，貪心啲龍燒賣，可以試到4款口味，包括:麻辣牛肉: 似辣既生竹牛肉球，肉質軟滑滷水鵪鶉蛋: 滷過既鵪鶉蛋夠入味，出面多數都唔會滷><龍蝦汁墨魚: 墨魚燒賣彈牙，一咬會爆汁，食時要小心熱原味燒賣: 經典燒賣味道，入面包左豬肉同冬菇🔸長腳蟹肉燒賣 $68一籠得兩粒，價錢比較貴，但見幾特別就叫左，而且比普通燒賣大粒。蒸完後，師傳會鋪上新鮮蟹肉同蟹籽係表

我都係有一次經過見到大排長龍而即刻search佢嘅食評，之後喺好奇心驅使下去幫襯，亦都同其他人一樣盡量試齊佢嘅招牌點心。之後嘅感覺係無想像中好食，只是多花臣、創意高，比較吸睛。脆脆富貴紅米腸粉 - 個人覺得好麻麻，無味道。。。tasteless龍點心拼盤: 蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃皇、碗豆桃子及臘味糯米燒賣呢個係開心嘅，因為可以一籠點心滿足6個願望；而我比較喜歡蟹粉菠菜香蝦餃和松露野菌晶瑩餃馬拉小籠包 - 有驚喜，小籠包皮薄多湯汁，肉骨茶味濃，只是偏咸了一點 龍蝦汁墨魚燒賣 - 只是一般般，但可以一試 金錢肚 - 酒樓水準

呢間點心專門店主打新式點心，價錢唔算平，下午茶有八折，試左九款點心，整體覺得配搭新穎，食物味道唔錯但又唔算特別深刻想Encore。龍蝦汁墨魚燒賣 $42 面層係彈牙墨魚膠，底層燒賣真係有流心龍蝦汁，幾香濃。麻辣牛肉燒賣 $36普通牛肉燒賣，麻辣味唔係好出。滷水鵪鶉蛋燒賣 $36同平時食開既鵪鶉蛋燒賣差唔多，滷唔滷水都差唔多。比較特別係粒燒賣有蝦肉，唔係普通豬肉燒賣。酸菜魚鳳眼餃 $36食到酸菜魚個味同魚肉，但唔算好突出。馬拉小籠包 $36個小籠包肉骨茶味幾濃，我幾鍾意。鳳爪拼金錢肚 $36唔知點解擺埋一齊，大概是味道相近，每樣三件，金錢肚爽口，鳳爪正常，墊底唔係花生而係紅腰豆幾特別。口水汁龍利魚腸粉$42腸粉夠大件夠滑，龍利魚亦係滑溜，口水汁惹味香辣，味道口感都夾，好味。蕃茄蛋春卷 $32蕃茄炒蛋加入春卷都幾清新，脆口之中有香濃蛋味。豌豆桃子 $32綠色壽包，個餡係豌豆蓉，唔係好多餡所以食落無咩味。

雖然疫情期間要抗疫，不過有時都要透下氣，今日去左試新餐廳，地點係觀塘既龍點心，係一間主打點心既中餐廳。用手機落單。餐牌有蒸類，腸粉，炸物，主食，拼盤，甜品，飲品。今日第一次黎，點左幾款點心試試水準。一龍大滿足 $58 另加一一龍大滿足係一客6件點心，新張期間減$10。6件點心好精緻，用個木盤上枱，個蒸籠印左餐廳嘅龍字，熱辣辣。6件點心分別係：蟹粉菠菜香蝦餃：薄薄綠色餃皮包住類似豬肉餡同少少菠菜，上面嘅三文魚籽鹹香味好搶。酸菜魚鳳眼餃：係橙色餃皮包住類似豬肉饀，上面加左一細塊魚片，食落帶微微花椒味。松露野菌晶瑩餃：係藍色透明餃皮包住野菌碎，食落啖啖脆菌並有淡淡嘅松露香味。筍尖蝦餃皇：爽口啖啖肉，餃皮唔會過厚。碗豆桃子：其實係迷你壽桃包，中間有綠色豆蓉饀，如果多啲饀就好。臘味糯米燒賣：即係外皮包住臘味糯米飯粒，以燒賣造型上枱，味道不俗。龍燒賣 $38 另加一龍燒賣一客4件，都係新張期間減$10。造型別緻，分別有：懷舊燒賣：係蟹籽豬肉燒賣，食落啖啖肉，質素唔錯。麻辣牛肉燒賣：係彈牙牛肉球上面加一粒粟米粒，果然貨真價實帶麻辣味，好食得黎唔會太辣。番茄海鮮燒賣：有好香番茄湯味，上面加一片薄薄帶子

同事見到個籠好靚嘅點心就好想試吓但好可惜疫情嘅關係只能叫外賣 (用其他app叫)🥲無得堂食點心放題 唯有食住外賣點心放題先⭐️懷舊燒賣正常發揮 皮唔厚 好多蝦籽 好食⭐️龍蝦汁墨魚燒賣普通 堂食應該好食啲～⭐️筍尖蝦餃皇正常發揮 皮唔厚 蝦爽 好食⭐️蟹粉波菜香蝦餃蟹子凍咗少腥 個皮要立起 所以厚咗些少但堂食應該好食啲～⭐️鳳爪拼金錢肚正常發揮 夠入味 外賣都做得好好食⭐️脆脆富貴紅米腸粉雖然都係炸野 但我覺得皮唔算厚 入面炸野仲脆包著入面隻蝦都仲係爽口彈牙 好食😋⭐️厚切叉燒腸粉厚切個感覺又唔差 皮唔算厚 食肉獸表示好高興但可惜有我哋好唔鍾意食嘅芫荽🤨⭐️大澳蝦醬鮮魷卷食唔到有蝦醬味 炸野真係堂食先好叫⭐️芥末蝦球哇 呢個係咁多樣最好食嘅 芥未醬做得剛剛好👍🏻⭐️一口豆腐炸野真係堂食先好叫 外賣真係不可一不可再但有大量南瓜籽 都叫做無咁傷心⭐️鳳爪排骨飯個飯量好足 見到眼都突埋 鳳爪同排骨都好食！