一起果醬 (已搬遷) 新店位置

適逢復活節長假期兼且無落雨，決定同老婆去西貢hea下。一如既往，我地去咗西貢頗具人氣的Let's Jam嘆下Brunch同呢間鋪最出名的果茶。今次我地點左Egg Benedict Combo，即係Egg Benedict + 煙三文魚+大啡菇。呢間鋪的Brunch比較特別，其他鋪的Egg Benedict底用鬆餅，而Let's Jam係用多士底。雖然有d奇怪，但其實又幾夾。整體個Egg Benedict同其他鋪差唔多，如果大啡菇焗下會再好d。相反，蘋果肉桂汁慢煮豬扒配黑松露薯蓉十分出色，兩邊煎得香脆，入口未至於即溶，但尚算軟滑。蘋果肉桂汁襯托下，不會覺得太"留"。配角黑松露薯蓉亦都不錯，黑松露味不會太重，飲品方面推介熱的果醬茶，這次點了熱的蘋果果醬茶，蘋果香氣直撲鼻腔，而且味道清甜，十分推介。

西貢★一起果醬 Let's Jam腦海盡情放空既假日，一於去西貢閒逛下 終於有機會試下以果醬揚名既Let's Jam啦！先黎杯熱木瓜雪耳鮮奶($35，跟餐減$30):奶味超香濃又帶陣陣木瓜甜味，仲有d果肉食下添（不過飲到底好甜…我諗杯野飲係用佢自家製既木瓜雪耳jam黎沖）竟然上左我最愛既甜品果醬雪糕蜜糕多士($58)先！！見到已經流晒口水啦啦啦啦 揀左rose & apple jam配vanilla雪糕，不過個蜜糖厚多士粒先係重點！薄脆外層加超鬆軟既麵包，真係好好好好好味為左佢一定要再黎！！！最後上既係egg benedict combo ($108)：三文魚同大蘑菇上面有粒比d sauce包圍住既震騰騰蛋黃哥，下面有塊脆卜卜既鬆餅，yummyyummy~~ 但好似之前食過有埋菠菜果種有口感d食物好滿足呀！不過環境方面：因為太熱所在放棄在室外座位，坐左係個開放式廚房位隔離都幾大油煙 最後仲發現餵左隻蚊滋好多啖…埋單$188/2ppl．