Brava Java Coffee

營業中

休息中

今日黎開元朗大棠睇楓葉🤭 經過發現咗依間隱世靚裝Cafe🤩 Cafe 採用藍白色作主調，配搭葡國特色濃厚的裝飾點綴，真係令人眼前一亮🌟 啱曬鐘意打卡影靚相嘅朋友仔😚 今次㨂咗餐廳誠意推薦嘅千層麵🤤 真係即叫即焗，保證熱辣辣香噴噴👍 千層麵食落軟硬恰到好處，中間夾滿香濃嘅醬汁和惹味嘅肉粒，啖啖都濃香入味😋 加埋超邪惡嘅拉絲芝士😈 真係令人回味無窮🥰 甜品㨂咗超多人讚嘅挪威焦糖芝士Croffle❤️ 酥脆香口嘅牛角窩夫上，淋滿美味嘅奶油同埋挪威芝士☺️ 真係好足料😚 食落甘甜中帶一抹鹹香😁 滋味滿分推薦😘 飲品㨂咗杯拉花靚靚嘅Latte🩵 飲落醇香順滑，啡味濃厚🤤 奶與啡嘅平衡恰到好處👍 無得嘆喲😆 聽講Cafe 最近仲推出咗開心果巴斯克蛋糕💚 由老闆每日親手製作，誠意十足🤗 下次一定要試下😋 

山長水遠去到元朗搵下有咩cafe可以hea下，搵到Brava Java，大馬路向大棠方向行過去要6分鐘，門口不太顯眼，剩係見到Chef’s Stage,我要行返轉頭。門口有menu，藍白色既店舖色調令我諗起葡萄牙🇵🇹磚，入到去大約有十幾個位既小店，有一個女店員侍應問我係唔係一個人我就搵位坐低，之後俾咗杯水同menu我，我見楓糖味croffle$38但其他味就$78就問男店員係唔係一塊同兩塊既分別，男店員搭唔到，佢返厨房問女店員，都証實咗我啱，因為唔算太肚餓，我就叫了楓糖味就算，加杯Latte。等咗5分鐘上latte, 有拉花，奶同啡味都balance。之後上楓糖味croffle，好香，不過就唔脆，我鐘意食脆既croffle, 用藍色磚做佈景影相📸️都幾有feel，見我坐咗冇耐就坐滿，埋單收現金或八達通，仲俾埋印花卡我，買九杯咖啡送第十杯，仲有貨品售賣

完全俾店鋪嘅外貌吸引咗😻 藍白色嘅瓷磚真係好靚😙 原來係葡萄牙進口藍白瓷磚💙🤍 一入到嚟店員會安排座位 然後出去出面點餐📝All Day Breakfast Brava Brunchin係個好豐富嘅ADB🥰 入面有煙三文魚 牛油果 焗豆 炒蛋 大啡菇 香草薯粒 番茄同埋Bagel🥯 Bagel味道有好多選擇 例如藍莓 墨西哥辣椒同埋焙茶Bagel🍵 Bagel口感幾好 少少煙韌 焙茶味嘅bagel上面仲有cream cheese😛藍莓巴斯克芝士蛋糕最鍾意試店鋪嘅Handmade Cheesecake🧀 本身想食LOTUS味嘅 但可惜今日冇供應呀🥲 不過呢個藍莓cheesecake一樣有驚喜🫐 因為除咗面頭嘅藍莓之外 原來蛋糕中間都有藍莓醬㗎🥰 幾鍾意佢個蛋糕質感 因為佢唔係好硬嗰種 而係少少Creamy😙Dirty咖啡有得揀Nutty定Fruity😺 呢杯我就揀咗Nutty🌰 味道就同我平日飲開嘅比較相似 但係呢度嘅咖啡真係好香☕️Latte呢杯我揀咗Fruity🍊飲落口好似比較fresh 同樣好Creamy好容易入口😋呢度嘅食物同埋飲品都好有質素啊😉 星期六日都要等吓位先有得入嚟食㗎😙