Peko Peko Eatery (康怡廣場北座) (已結業)

同朋友响太古好悠閒逛逛，到晚飯時候，朋友好有目的咁帶我到呢間餐廳，佢話之前嚟過覺得好正，所以要同我share😙呢間餐廳佔地都幾大，座位多，日式設計並以木系風格為主，清新自然；侍應帶我哋坐下嘅座位好有驚喜🤩，感覺似坐在洞穴或冰屋嘅感覺，仲好似有少少回音添🤭，自成一角，坐得好舒服🥰餐廳主打日式西餐系列亦係我哋嘅至愛😋🥗Love Strawberry $138非常吸晴嘅沙律，當然有大量嘅士多啤梨，另外仲有無花果、酸酸地嘅紅菜頭、藍莓、紅桑子、番茄、櫻桃蘿蔔及新鮮沙律菜，所有生果都好新鮮又鮮甜，係一道好清新健康又開胃嘅頭盤👍🍖香煎西班牙豬鞍$248豬鞍已去骨，所以食落無咁呢hea，肉厚，肉質爽口彈牙，粉嫩juicy，完全無鞋口嘅感覺，伴菜有醒胃醃漬紫椰菜、燒紅蘿蔔仔及蘆筍🍝扇貝•明太子意大利粉$158粉紅色明太子忌廉汁好少女feel，鹹香濃郁，但又完全唔膩；扇貝煎得甘香靚仔，仲有Q彈魷魚、鹹香脆口三文魚籽及黑飛魚籽，整體好夾又好味🍹Mixed Berries Smoothie $48入口感覺完全係莓味嘅世界，清新口感但又被濃濃嘅莓果香包圍，酸甜度剛好🍵Matcha Latte $42賣相一流，

聽過peko peko好耐，前排知道原來而家太古都有分店，就即刻約朋友去食下！weekend去都幾多人，所以記得要book位既然bookmark左咁耐，當然要點下signature dish✨✨海膽三文魚子竹炭烏冬$198-有驚喜之選，竹炭烏冬texture似意粉，好掛汁，啖啖鮮甜creamy夠滋味-上面海膽厚厚的，鮮甜creamy，好滿足🎃釀海鮮南瓜批$198-入面係南瓜蓉加忌廉薯蓉，入面有各款海鮮，配上面層烤香芝士，夠香口-殼内保留了一層南瓜肉，如果想單純食南瓜肉都ok~✨海蜆青口配白酒忌廉汁$78-都幾多青口同蜆，粒粒都好入味✨脆玄米茶麻薯慕絲$68-初初見到個樣真係估唔到係麻薯蛋糕來，入面玄米茶好清香，甜度適中，幾特別。飲品都有水準： 🍹Mixed Berries Smoothie $48-滿滿果香配滑texture smoothie，甜度適中🍹百香果蜂蜜檸檬梳打$48-真係1/4 個新鮮百香果放落去，粒粒百香果好Fruity下次再來食其他signature dish!

✨ 布里芝士 配 酸種麵包（$138）布里芝士香氣十足，配埋西蘭花同椰菜花、合桃同sourdough食落都幾飽足；Sourdough韌度適中。✨ 蘑菇CAPPUCCINO（$58）蘑菇湯裝係杯入邊，望落有啲似咖啡 😂，味道正常，另外仲配有一塊蒜蓉包。✨ 海膽三文魚子竹炭烏冬（$198）醬汁好Creamy 😙，竹炭烏冬比較幼身似意粉口味，當日嘅海膽腥味稍重，但撈埋醬汁同烏冬唔會太突兀。✨ 烤彩虹芝麻脆皮羊架（$318）本羊控一見Menu有羊就一定叫啦 😆，叫咗五成熟拿捏得啱啱好，保留到肉質嘅爽口同有少少羶味（食羊個人喜好要有少少羶 😗），面層加咗芝麻、麵包糠同芥末整成嘅脆皮，幾特別之餘仲令口感更有新意；伴碟就有椰菜花餅、粟米同豆，整體唔錯 😙。✨ Hojicha Latte（Skimmed Milk）（$48）冇做拉花，入口順滑，飲落焙茶味都幾突出 😙。✨ Mixed Berries Smoothie（$48）勁豐富之口感，滿滿嘅雜莓打成 😆，酸酸哋幾開胃。✨ PEKO自家製芝士蛋糕配藍莓醬（$98）芝士蛋糕偏軟滑，味道濃郁，試過加藍莓醬同唔加藍莓醬嘅食法個人認為唔加醬食味道更突出。·P