NINETYs Roastery

營業中

休息中

Ninetys有多間分店 今次我哋去既係利園分店 呢度無論咖啡定係食物都好一絲不苟 好吸引👍🏻 餐廳裝修工業風 然而座位選擇有多款唔同感覺🥰 有cafe文青雅座 有4人枱 亦有吧枱 今次我哋就揀咗坐吧枱 可以喺open kitchen欣賞廚師製作晚餐😎每枱都擺放住一支備長炭水 感覺已經比其他餐廳更加用心🥰 店員亦都好細心 好有耐性為你介紹menu食物👍🏻 餐牌食物選擇好多 琳琅滿目 我哋就揀咗Salmon udon同Scallops Tarts🤤 Salmon udon除左有三文魚 仲有松葉蟹腳同牡丹蝦😍 炙燒過後好香 仲有2大隻蘭王真係好吸睛👅 湯汁係胡麻豬骨湯 聞落去已經好香 烏冬好掛汁 撈埋蘭王蛋汁真係超級正😋Scallops Tarts賣相又係好靚 加上金萡睇落更高級😆 用上日本帶子刺身 油甘魚刺身同三文魚籽 本來會擔心有點膩 但係好巧妙咁加上青蘋果🍏 好清爽 意外地match🥰知道佢哋既曲奇都好出色 所以我哋仲揀左一件Triple Chocolate Cookies 🍪 上碟時已經加熱 熱辣辣真係超級好食 朱古力逞流心狀態 朱古力味好香濃 唔會太甜👍🏻 曲奇好鬆脆 鍾意食朱古

今晚同行友人帶我去試新餐廳，地點係位於銅鑼灣利園二期既NINETYs Roastery。雖然呢度樓底唔高，但係餐廳裝修都唔差，以木枱凳同灰色為主，有樹木做佈置，嘗試營造田園環境。呢度主打澳洲菜。餐牌都幾特別，分休閒同精緻兩部份，再細分肉，牛，鮭，鮮，素同冷。白天同黑夜餐牌唔同。日間黎選擇會多啲，有多士，熱氣薯條等。第一次黎，我地點左一款休閒同一款精緻試試先。Salmon Udon $198 另加一呢款三文魚烏冬係休閒菜式。蘇格蘭三文魚有三塊，服務員話係刺身級同消毒過，三文魚明顯炭烤過，一邊有炭烤痕跡，肉質都嫩口。話就話三文魚烏冬，但係仲有牡丹蝦同松葉蟹腳。炭烤牡丹蝦一大隻，炭火蝦殼味超香，蝦肉啖啖肉，新鮮爽脆，而蝦頭啲膏超香甜，好耐冇食過啲咁正嘅炭烤牡丹蝦。松葉蟹腳兩條，已經剝哂殼，方便食用。稻庭烏冬超級滑溜，另外撒上黑白芝麻粒同好多葱花。我勁鍾意佢另外用壺仔上嘅豬骨湯，首先個湯温度好高，豬骨味香濃，配烏冬好正，而你唔會覺得佢同海鮮主菜唔夾。Stone Grill 56'c Sous Wide Bison $368 另加一呢款石燒牛係精緻菜式。一客六塊牛肉，連埋兩條長美國蘆筍一開二，同