AGE Cuisine Express (已搬遷) 新店位置

有朋友係太古返工，佢話之前食過呢間餐廳好正，話要帶我黎食返餐wor！其實我之前真係唔知太古原來都有工廈。XD我地七點半黎到，服務員帶我地去左靜靜一角，裝修有少少歐洲feel。Menu上面有好多特式野，我地今晚就揀左海鮮。我地加左錢叫set, 48蚊好抵，有餐湯甜品飲品。餐湯on top我地加左14蚊要黑松露湯。佢唔算特別濃，但好滑好creamy。平時我最憎食青豆，但呢個湯飲落去又幾好味，仲食到少少青豆皮。呢個蟹蓋冇得頂，上枱個陣已經聞到陣陣蟹味，食落口啖啖蟹肉，裏面仲加左d瓜啊椒啊，調味岩岩好，我地清哂得返個蓋。XD個pasta煮得岩岩好，墨魚汁夠哂濃，我地食到成口黑色。XD 帶子煎到金黃色，如果俾多粒就好啦～是日甜品係蛋糕，食落口好香棒子味，唔錯。加多左20蚊食呢個Tiramisu, 好creamy，有酒香味。呢度service做得好好。侍應都好有禮貌！

人越長大，越懂得享受同屋企人嘅相處……往往比知己更能暢所欲言。今日家姐生日，揀咗一間朋友介紹嘅商廈餐廳，由出lift行去餐廳嘅一段路，雖然唔及一般商場裝修華麗，不過話明商廈都正常吧^^餐廳燈光微暗，唔算寛敞，原先被安排坐喺房入面，不過嫌裡面空間比較峽窄同埋有少許蚊滋，所以請職員安排轉出大廳。大廳相比感覺舒服整潔，有番正常餐廳感覺。頭盤青口，酒味唔算濃，味道還可以。自己比較喜歡白汁多啲鍾意呢個pizza嘅味道所有餡料都好夾，辣肉腸，水牛芝士，菠蘿，洋蔥，豬肉腸……etc. 好啱我口味^^ 壽星家姐都覺得okay，除咗唔太欣賞喺pizza邊嘅醬汁^^“意大利飯夠濃味，有口感，我鍾意^^冇諗過隔離嘅薯仔配菜竟然咁好食搶咗豬肋骨嘅風頭墨汁麵味道一般，帶子爽口$48嘅cheese cake，以呢個size嚟講真係幾貴，一般Tiramisu一般，唔深印象媽咪鍾意呢個蘋果撻，掛住同媽咪傾計差啲唔記得影餐廳整體感覺良好，職員有禮貌，主動斟水，唯獨洗手間衛生有代改善。

4月6日, 得悉喺鰂魚涌公廠大廈有一間做堂食又做外賣嘅PIZZA店, 所以今晚喺PIZZA HUT, PHD以外, 我地就揀咗叫呢間PIZZA店嘅外賣~::: 2人餐 :::::: 湯 + 沙律 :::呢個蕃茄湯好杰, 絕對唔係加水溝稀, 味道亦都好濃郁, 酸酸甜甜咁非常之開胃~ 凱撒沙律份量都唔少, 每人有一兜, 沙律菜唔算新鮮, 不過撈咗沙律醬食都ok嘅.::: BBQ Pizza :::個pizza餅底用上燒烤醬好惹味, 甜甜地十分之醒胃~ 用料有粟米、火腿同豬肉腸, 啱晒啖啖肉嘅我~ 餅底係薄批嗰隻, 熱食好香脆又唔會韌, 不過一定要襯熱食~::: 蜜糖燒雞翼 :::雞翼十分好味, 味道十足肉質幼嫩, 仲有成8隻咁多, 好滿足~::: 燒法國帶子配AGE自家製墨魚汁扁意粉 :::呢個可以話係全店推介, 包保食完會想再encore~ 墨魚汁好濃郁, 佢地仲會額外附加一兜墨魚汁, 唔夠可以自己加~ 意粉除咗墨汁味之外, 仲有淡淡嘅蒜香, 味道有層次感~ 唯獨帶子只有3粒, 好似唔係好夠, 味道係唔錯, 煎得好香又唔會燶, 仲落咗d調味~::: 藍莓奶凍 + Tiramisu :::

一直想去試, 終於有機會了! 我們帶了一瓶紅酒, 開瓶費HK$100德國香腸拼盤 伴茄醬及薯餅香腸一定不會差, 薯餅很特別, 可以吃到薯粒! GOOD9" 蘑菇, 風乾火腿薄餅黑松露醬非常香!!!! 真的很推薦大家嘗試, 連不好PIZZA的朋友都非常喜歡!德國鹹豬手皮很脆! 配酒一流! 配菜也很好味呢...汁料也不會太濃~自家製Tiramisu比較實的, 做得不錯~吃到底不會有水/太濃的酒味,不算太甜, 可以一試!總結來說我們都很喜歡來這裡, 因為環境比較隱蔽, 可以慢慢吃, 聊聊天, 很適合情侶或一班朋友過來!價錢也很合理, 味度很好!