見食評唔錯就和家人去試下，食物質素OK，但服務差到一個點。餐廳取巧，收完按金先講有限時有被人焗的感覺，之前book枱無講，收完按金就話要8:00pm還枱，叫我哋一係5:00去食，家人唔慣咁早食晚飯，6:00pm開始食，勉強食得切。去到餐廳發現環境好差，坐得好迫，其中一位家人要坐圓形板凳，廁所衛生情況惡劣。而且侍應大叔見你唔叫好多海鮮，就黑口黑面。自己落錯單，就同廚房屈我哋落完單轉，上菜時仲要俾說話我哋聽，真係一肚氣。以咁嘅服務和價錢，真係冇下次，一定唔會介紹朋友去食。 - 香港旺角的旺角海鮮菜館