想喺尖沙咀搵一間環境優雅舒適，同時滿足口福嘅餐廳，位於尖沙咀瑞生酒店嘅「The Pearl」就係一個好選擇。裝修結合17世紀巴洛克風格、配搭樹脂流體藝術品，時尚而不失優雅。餐廳由擁有超過30年經驗嘅主廚Ryan主理，採用本地、日本時令海鮮，創作出一系列現代歐陸菜。
鮮味滿分！時令海鮮焗飯·海膽意粉
主廚Ryan以自家熬製6小時嘅鮮龍蝦湯作為湯底，取代一般魚湯更香甜。海鮮均從本地魚市場每日新鮮直送，飯粒吸飽龍蝦湯同海鮮精華，濃郁鮮甜。
時令海鮮焗飯
鮮海膽扁意粉先加入木魚高湯、秘製海膽醬同鮮忌廉煮至八成熟。最後加上原片海膽肉、日本昆布絲好有口感，扁意粉仲好掛汁。
鮮海膽扁意大利粉
清新前菜推介 白酒煮蜆·香焗蟹餅
白酒牛油汁煮蜆靈感係嚟自意大利南部、1839年面世嘅經典Spaghetti Alle Vongole食譜。The Pearl版本則用蒜、洋蔥、茴香炒蜆，再加入白酒同牛油，襯托蜆肉鮮甜。並以多士取代意粉方便Share。
白酒牛油汁煮蜆
清爽鮮甜海鮮前菜，有經過改良嘅蟹餅。以烤焗取代坊間煎炸煮法，更鬆軟、更保留蟹肉鮮味。配新鮮甜菜頭汁、浸漬3日嘅話梅車厘茄，酸甜醒胃。
香焗鮮蟹肉餅伴話梅車厘茄及甜菜頭汁
歐日Fusion 海鮮麵豉湯
海鮮湯加入日式麵豉、蝦頭等熬製，配多款海鮮、昆布同滑豆腐，最後以櫻花蝦提鮮，湯頭鮮味濃厚。
時令海鮮麵豉湯
食肉獸最愛！慢煮牛面頰·伊比利亞黑豚
燴澳洲牛面頰經過4小時慢煮，肉香濃郁多汁，慢煮時加入日本豉油、木魚湯等更鮮味，配慢煮牛肉炸薯餅一齊食，大滿足。大廚特別配搭焦糖慢煮蘿蔔，平衡牛肉油膩感。
燴澳洲牛面頰
伊比利亞黑豚肉肉質柔軟、油花細緻，因此Ryan先將其慢煮1.5小時，然後以炙燒逼出油香。保留飽滿口感之餘，更突顯黑豚獨特榛果香。配埋法式紅酒燴啤梨，一清肉扒油膩。
慢煮伊比利亞黑豚肉
微醺Happy Hour 精選Cocktail
高腳杯奉上嘅The Pearl，以佛手柑、柑橘香為主調，香檳則帶桃、白花、蜜糖甜香，再慢慢滲出烘烤香氣。
The Pearl
以氈酒為基底，加入冷泡日本玄米茶、檸檬汁完美調和。入口茶香清爽柔和，蛋白打成嘅泡沫會隨時間略為變化，增添層次感。
1632
靈感源自傳統Cocktail Boulevardie，選用帶泥煤味嘅Laphroaig 10威士忌調配。杯邊會放上一塊現烤意大利煙肉，更突出煙燻香氣。
1662
餐廳以黑、白、橙作為主色調，時尚優雅，更有綠意盎然嘅室外空中花園。
門口至室內都有擺放手製樹脂流體藝術品，呼應餐廳主題。
開飯仔依家仲有好野益大家！於2022年4月29日至6月9日期間，到【The Pearl】消費並上載有效收據到指定網頁， 隨時贏取豐富獎品！ 食得愈密， 得獎機會愈大，超過200份獎賞等梗大家！快啲約埋飯腳開餐啦！
The Pearl
地址: 尖沙咀加連威老道20-22號瑞生尖沙咀酒店4樓
電話: 53281503