打邊爐最緊要係咩？係朋友啊！唔是我講㗎，係旺角一間火鍋放題店內嘅打卡位。肉浦團火鍋放題主力供應多款唔同肉類，無論係日本A4宫崎牛、澳洲M5和牛，定係1++韓牛都有，另外仲有各式各樣嘅新鮮海鮮、丸類甚至甜品等，咁多嘢食，梗係同埋一班Friend一齊食先暢快啦。
湯底
湯底絕對係一個火鍋嘅靈魂，湯底嘅濃淡味道同配搭，可以令到一整餐都昇華。
清酒味噌卜卜蜆湯，味道鮮甜，酒香十足
清酒味噌卜卜蜆湯係其中一個坊間較少見，又比較有特色嘅湯底。加入日本清酒同卜卜蜆製作，真材實料。另外加湯時，更會額外畀一細壺清酒客人自行添加，咁就唔怕沖淡晒啲味啦。湯底清甜清爽，淥牛肉好啱，可以嗒真到牛肉嘅原味，仲外加多重甜味。順帶一提，喺加熱嘅過程，清酒酒精已經揮發走咗，只留清酒嘅香氣，所以可以放心大啖大啖食，唔使怕醉。
海鮮及肉類
打邊爐唔少得海鮮
一班朋友一齊打邊爐，當然要食得盡慶，肥牛同海鮮係必然主角。大大隻北吉廣島蠔夠晒新鮮，又軟滑又有鮮味。越南虎蝦同樣大隻，蝦肉鮮甜彈牙，係encore嘅常客。另外推介原隻魷魚仔，幾有嚼勁㗎。
特別推介澳洲M5和牛
牛魔王最關注當然係牛肉嘅款式同質素啦，餐廳喺每款牛肉上枱時，都會放置小木牌，標示清楚牛肉嘅部位，方便大家認住自己嘅心水再encore。咁多款牛肉中，特別推介澳洲M5和牛，肉味濃郁又多肉汁，脂肪比例平均。
A4宮崎和牛肩胛肉眼亦係高人氣之選，肉質柔軟嫩滑，近乎入口即溶。
安格斯牛小排
牛頸脊
如果鍾意肉味濃郁啲嘅，安格斯牛小排應該係你哋嘅首選，可以話係咁多款牛肉中味道最濃嘅。肉身帶有筋膜，口感亦會較為豐富。而喜歡有咬口多啲嘅話，就可揀牛頸脊。牛頸脊係運動較多嘅部位，油花適中，肉質鮮甜。
牛板腱口感彈牙；1++韓牛後腿肉肉質細嫩。
打邊爐嚟講，必須要有酒先夠痛快。呢度有Kirin同Samuel Adams Sam' 76嘅生啤供應，另外仲特地邀請咗調酒師設計咗3款雞尾酒，包括：「吾係酸梅湯」酸梅啤酒、混合荔枝、啤酒同紅酒，類近西班牙Sangria口味嘅「荔枝啤啤紅」同埋加入菊花 Vodka「菊桂氣」。
即日起至2022年8月31日，凡於星期一至四，經OpenRice訂座晚市時段，消費指定套餐「團」即可享有4人同行1人半價優惠(半價優惠以一位正價之同等或較低價值計算)。
肉浦團火鍋放題
地址: 旺角通菜街1A-1L號威達商業大廈2樓A號舖
電話: 93513394
*每間指定餐廳支援的付款方式有所不同，詳情請向有關餐廳查詢。餐廳保留最終決定權。
