工廈有唔少臥虎藏龍嘅高質餐廳，例如最近喺九龍灣港鐵站附近開張嘅「Luxury Chef」就係其中一個好例子。餐廳環境優雅舒適，菜式更請嚟從事飲食業超過30年、喺多間五星級酒店及高級會所出任總廚嘅名廚Eddy Chu擔任顧問，出品自然有保證。無論係返工想食餐好嘅Lunch獎勵自己，或者到附近商場睇戲前嘆個豐富Afternoon Tea都好啱！
無論係Lunch定係Dinner Set都有唔少肉扒選擇，愛牛之人可以揀「美國極級牛肉眼扒」，選用USAD 當中最高級嘅Prime 牛肉，而且肉眼屬於肋脊部位，油花豐富，烤過更香更Juicy！
美國極級牛肉眼扒
唔少人食羊最怕有騷味或者太韌，呢度嘅「慢燒羊鞍」完全無以上問題！以慢燒方式煮出嚟嘅羊鞍肉質軟腍易咬、仲保留到唔少肉汁。而且熟度啱啱好，配埋醬汁，羊香突出又唔會太騷。
慢燒羊鞍
豐富嘅全日早餐就最啱心大心細咩都想食嘅朋友仔，呢份「All Day Breakfast」有齊雙蛋、火腿、紐倫堡腸、薯餅、田園沙律、烤蕃茄、餐包、茄汁焗豆。而肉可選牛扒、雞扒、豬扒或吉列魚柳。
All Day Breakfast
大、小朋友都鍾意嘅漢堡選用柔嫩多汁、肉香醇厚嘅安格斯牛肉嚟製作漢堡扒，加上新鮮蕃茄、生菜等，用鬆軟嘅麵包夾埋一齊食，加倍滿足！
芝士安格斯牛漢堡配薯條
吉列脆巨豬扒名副其實比手掌更大，一送上枱睇到真係覺得好震撼！難得大大塊而每個位置都炸得金黃香脆無燶到，而且入口仲係皮脆肉嫩，證明師傅手勢非常好。配埋黑醋汁沙律可以平衡油膩感。
吉列脆巨豬扒他他汁配黑醋汁沙律
經典嘅凱撒沙律味道清新，清脆嘅生菜加上醬汁、香脆麵包粒同帶煙燻油香嘅煙三文魚一齊食，層次豐富。細食嘅OL可以當Light Lunch呀。
煙三文魚凱撒沙律
厚切牛脷亦燒得啱啱好，外面微焦裡面軟嫩，牛香濃郁。
燒牛脷配鮮蕃茄蘑菇汁
黑毛豬嘅油花同肉香都比一般豬肉更勝一籌，因此簡單煎香最能突出其特色。脂肪滲透肉質，食落爽口又鬆化、肉汁豐富。
厚切黑毛豬鞍
蜆肉加上白酒係絕佳組合，白酒微酸香氣煮過更突出，可以襯托住蜆嘅鮮甜味道。每條扁意粉都掛上醬汁精華，清爽而令人回味。
白酒汁煮蜆扁意粉
比目魚肉質細嫩，富含蛋白質同不飽和脂肪酸，特別啱畀小朋友同老人家食㗎。比目魚肉本身味道比較清淡，除咗可以加檸檬汁之外，餐廳亦特別調配香氣十足嘅黑松露忌廉汁，一齊食好夾。
香煎比目魚配黑松露忌廉汁
下午茶想食啲甜品，外層香脆裡面鬆軟、又有蛋香嘅西多士就最啱喇！炸至金黃嘅西多士淋上朱古力醬，再配埋雪糕，一熱一凍口感刺激。
雪糕西多士配朱古力醬
朱古力控唔好錯過佢哋嘅「朱古力心太軟配雪糕」，朱古力味道香濃，切開裡面嘅朱古力漿緩緩流出，一試傾心。
朱古力心太軟配雪糕
開飯仔依家仲有好野益大家！於2022年4月29日至6月9日期間，到【Luxury Chef 】消費並上載有效收據到指定網頁， 隨時贏取豐富獎品！ 食得愈密， 得獎機會愈大，超過200份獎賞等梗大家！快啲約埋飯腳開餐啦！
Luxury Chef
地址: 九龍灣宏開道15號九龍灣工業中心地下2B號舖
電話: 34688800