原來印度菜都可以好唯美，呢間印度餐廳“Chutney”由入門口開始已經好華美。全店走宮廷風，用餐區仲係富氣派嘅半拱形天花。望到盡頭嘅落地玻璃，可以望到大廚用經典Tandoori窯爐烤肉扒、海鮮同印度烤餅𠻹。
【即睇有咩食】
印度咖喱燉菜(Keema Pav)
“Chutney”有地道印度咖喱燉菜，羊肉咖喱煮到好香濃，上面仲有炸薯仔絲、鵪鶉蛋。用烘麵包蘸汁食好開胃，可以當做前菜share㗎。
烤八爪魚(Tandoori Octopus)
食飯嗰陣，可以隔住落地玻璃望到大廚用Tandoori窯爐烤焗。呢道烤八爪魚就係用Tandoori窯爐整㗎喇，比平時燒焗煮法惹味得多。配薄荷乳酪酸辣醬一齊食，清涼微辣好有風味。
芥末炸蝦(Sarson Malai Jheenga)
如果你都鍾意食印度烤餅，除咗揀咖喱可以試吓呢道芥末炸蝦。炸蝦淋上濃濃芥末醬汁，結合咗辛辣(Sarson)、忌廉(Malai)兩種味道，濃厚輕辛真係好快清碟。
伴碟仲有自家製紅菜頭、番石榴酸辣醬，貪心想試多幾款味就啱晒喇。
羊架咖喱(Lamb Chop Pepper Masala)
食印度菜真係唔少得Masala咖喱，平時食咖喱都係肉件，“Chutney”係有大大隻羊架!!
其實Masala咖喱係一個統稱，每間餐廳甚至每道菜嘅煮法都各有特色。呢款羊架咖喱就用咗印度香料醬汁煮製(Indian Earthy Spices Gravy)，香辣並富香料層次。
烤穀飼牛柳(Andhra Tenderloin)
Tandoori窯爐新鮮出爐嘅主角，一定係烤牛呀!! 120天穀飼牛柳好軟嫩，簡單配上安得拉醬(Andhra Sauce)，以辣椒、大蒜、乾椰子、花生、香料增加風味已經好好食!!
CHUTNEY
地址: 中環雲咸街75-77號嘉兆商業大廈4樓
電話: 23300027