下晝想搵間海景餐廳chill吓，將軍澳海傍呢間“The Hunter”就有抵食Lunch Menu午市套餐，可以用划算價錢食佢哋出名嘅熟成牛扒!! 店內唔只有熟成牛扒櫃，仲有西班牙名牌燒烤爐Josper Grill，即場炭燒肉扒㗎。
“The Hunter”嘅炭燒牛扒最出名。
下晝可以望住靚海景chill吓。
午市套餐有前菜、主菜&Josper Grill、是日甜品、飲品。價錢依主菜決定，有T骨羊扒$218、粟飼半隻黃油雞 配薯跟蒜蓉汁$188、煎鯛魚$208等。而最吸引一定係21日乾式熟成肉眼扒$368，直接喺店內熟成櫃拎出嚟炭燒，經熟成後牛扒肉味更濃郁，獨特風味加埋炭香真係幾正。
用餐區可以見到熟成牛扒櫃，即叫即炭燒。
海鮮都係由外籍大廚即場煎製。午市就有煎鯛魚配甜椒、茄子、番茄。
【前菜4選1】
“The Hunter”係食健康嘅地中海菜，當地人主要用天然香草、水果調味，好保留到食材原始風味。
大蝦沙律(The Hunter Shrimp Salad)
前菜有餐湯、沙律4選1。私心推薦呢道大蝦沙律，用青木瓜、雜錦生菜、大蝦、醬油製成，清爽鮮味。
【主菜&Josper Grill 8選1】
炭燒21日熟成肉眼扒(21-Day Dry age Ribeye 300g)$368
午市套餐有咁多款主菜揀，身為牛扒控一定會揀炭燒熟成牛扒，足足300g真係好幸福呀!! 牛扒經乾式熟成處理後，肉中天然酶素會分解蛋白質、脂肪同碳水化合物，並釋放氨基酸、脂肪酸等，令牛扒風味更濃郁、肉質更鬆軟。加埋即場炭燒，高溫逼出肉香、鎖住肉汁，鋸完塊靚扒真係全日都keep住好心情。
T骨羊扒(Lamb T-Bone)$218
雖然“The Hunter”嘅熟成牛扒最出名，其實全店係主打地中海菜，所以有好多地道料理㗎。當地嘅羊料理就係名物之一，T骨羊扒係用燒烤爐Josper Grill燒，瞬間鎖住肉汁，近骨位嘅肉味仲特別香㗎。
後腿肉牛排(Rump)$288
鍾意有肉感嘅話，可以揀呢款後腿肉牛排。因為後腿肉係經常運動嘅位，所以肉質較紮實、油脂唔多。口感特別有嚼勁，係越咬越有肉味嗰種感覺。
THE HUNTER午市套餐菜單
THE HUNTER
地址: 將軍澳唐賢街29號藍塘傲地下11號舖
電話: 23300204