平時喺中環都係去商場、大街搵嘢食，原來PMQ隱藏咗間高質泰菜“BKK”㗎!! 呢度由外籍大廚主理曼谷、泰國東北部料理，會用多種香料結合甜、酸、辣、鹹，好啱重口味fans!!
而家12pm-3pm嘅午餐菜單，最平$38起就有烤餅配泰式咖喱啦。私心推薦試埋招牌泰式辣椒膏炒沙白 配免治雞肉粉絲湯，粉絲湯鋪滿沙白，辣中帶甜勁香濃，午市只係$148咋。
“BKK”12pm-3pm提供午市菜單，最平$38起就有烤餅配泰式咖喱啦。
原來PMQ有間高質泰菜。
木系環境好有東南亞風味。
【招牌必食】泰式辣椒膏炒沙白 配免治雞肉粉絲湯$148
泰國東北部料理一向重口味啲，甜、酸、辣、鹹都好有存在感，呢道沙白粉絲湯就好食到呢種風味喇。沙白係用泰式辣椒膏爆炒，連個殼都有嗰種獨特辣中帶甜味。
而且湯身濃稠，每啖粉絲都好掛湯。同時辣得有後勁，就算隔咗十幾秒都有種辣喺條脷度湧上嚟，有種越食越上癮嘅感覺好爽。
蝦餅配蝦沙律$98
食泰菜一定要食埋蝦餅啊!! 呢度嘅蝦餅仲要手掌咁大，係用靚蝦肉自家打成，特別厚身彈牙㗎。
炸辣味雞翼$98
呢碟炸辣味雞翼完美結合咗辣+脆。雞皮炸到金黃酥脆，咬開雞肉仲好肥美爆汁𠻹。上面灑滿泰式辣椒、炸蒜，辣得快又香口幾衝撃。
香辣炒通菜
幾個人share嘅話，好啱叫多個炒通菜。用咗香蒜、豆醬、自家製炒醬爆炒，未食已經聞到好有鑊氣啦。
【泰開心】Lunch食埋甜品
芒果椰汁糯米飯椰子新地
“BKK”嘅午市有埋甜品食，最吸睛一定係呢杯新地，好似芭菲杯咁豐富，放滿椰子雪糕、芒果肉!! 食到中間仲會舀到煙煙韌韌嘅糯米飯啊。
泰式椰汁糕
鍾意經典口味就有呢款椰汁糕，口感綿密。而且甜度啱啱好，輕甜帶椰子風味。想再椰啲，記住飲埋即開椰青啊。
BKK
地址: 中環鴨巴甸街35號PMQ元創方A座Staunton地下SG09-SG14號舖
電話: 23300306
Facebook: https://rb.gy/kuaqjz
Instagrma: Bkk HK (@bkk_thaistreetfood)