くまちゃん温泉

營業中

休息中

我哋原本訂八位，訂位嘅時候冇講過原來間嘢只係得二人枱同四人枱。入座時又要安排兩張冇雷公咁遠嘅枱。我哋見隔離枱都走就話想轉枱，個啊叔態度又極惡劣咁話人哋未走但明明啲客已經企緊起身。然後第一次過嚟又話只係得返豆乳湯同壽喜燒湯底，五分鐘之後又話得雞湯，係咁催落單。我哋同佢講話你既然預咗有兩輪客就應該訂多啲料唔係樣樣都話冇，佢又覺得唔關佢事。

特選雜錦盛盒（豆乳湯底）- $228💰 特選雜錦盛盒 （膠原蛋白濃雜湯）- $228今晚去左太古城Shopping同睇戲，夜晚就特登去左一間日本過江龍日式火鍋，每個爐上都有一隻小熊仔係到浸溫泉，超級得意🥰熊仔浸到後面出現躺平狀態，每一分一秒都係打卡嘅時候🤭我地分別叫左2個套餐，分別係，啲料份量都OK,野菜十分新鮮同帶甜，至於啲牛肉同豬肉都好食，唔會太肥，入口嫩滑。不過多幾塊就好了🤪總括黎講呢間野如果唔係排太耐，係值得一試，野食都唔錯，但隻熊仔真係好啱打卡😝

行過見呢間野幾得意，見唔洗排隊，都接近8點。嗰個四眼疑似經理嘅男士彷彿好熱情咁話依家得返兩款恆常湯底同限定嘅麻辣，好快咁剔完佢就即刻埋黎收走。個爐要自己開，我地揀左一個壽喜燒同一個骨膠原雞湯，要等隻熊變返做液體都要啲時間，但嗰位四眼男士見我地未郁手就埋黎話個湯都滾架喇咁嘅樣你話滾？而且個湯未加肉已經一堆泡，感覺唔良好食物其實一般啦，冇咩好講架喇呢篇都係想講下嗰個四眼疑似經理，話說後面嗰枱係ABC，所以係咁講英文，佢就打斷人地傾偈，埋去問人係咪唔係住香港，又話人啲野唔好烚太耐…算啦呢啲都係人地嘅事，但聽到都會想反白眼我地食到最後仲烚緊幾條菜，執枱個阿姐就出場，個爐仲烚緊野佢已經收哂啲吉碗吉兜，想快啲收工我都理解；但我個爐啱啱熄，個煲仲出住煙佢照收走，你唔怕熱我都驚俾你照頭淋呀呢下舉動係200%趕客，我唔係食完坐喺度攤抖，仲食緊烏冬你就清哂我枱，洗唔洗咁呀

熊仔係可愛但食物味道正常，價錢唔值。仲有食飯竟然一杯水都唔俾，好小家。太古城家庭客多，食物造型又可愛，其實好多枱都有小朋友，但係一張BB櫈都冇。感覺上好趕客，一次就夠！

嗰日我比較晏去到，諗住排隊點知有個夥計大叔行出嚟問我有冇book枱，我話冇，佢就黑口黑面咁樣叫我行埋一邊先，跟住勁快咁樣俾咗張紙我吹我快啲踢咗佢，全程都勁冇禮貌，如果唔係真係為咗打卡呢間我真係唔會再幫襯。

The manager was super rude and refused to speak to me or give me his name. He didn’t have a baby chair available for a 2 year old at restaurant that clearly caters to kids. Told me I must order the set even though they have a an ala carte option. I explained I would spend more than the set costs if you let me order what I want instead of forcing me to get things I don’t want. He still refused. The portions are small and food is average at best. The manager was made the atmosphere uncomfortable.

食尼間餐廳，目的都係為熊仔打卡，嘢食係一般，只係見到個熊仔好開心咋。但係今餐簡直係食到我一肚火！去到見到個牌5:30先會再開，都唔係問題，咪walkin 囉，咪排隊囉！個場得一枱兩人開始中，排到我地兩個準備入座，個伙計大叔就比張紙話咩湯底無啦，好趕咁叫我地快啲剔湯底，剔嘢食，剔完就安排入座近門口2人枱，強調食90分鐘，見周圍都未有人坐，就問佢可唔可以坐近窗呀？佢就話無架啦比人book 哂（全程黑面）咁我地就無奈接受等15分鐘嘢食到啦！食物送到當然好開心一定要影相啦！佢一句都唔講就開爐，我即刻熄咗佢（熊仔熔咗仲點影相），佢就行去我同枱要幫佢開爐，正常反應咪講：唔使啦我自己識開啦！我地影哂相要開爐，點知開唔到，咪叫佢幫手開（全場得佢一個），佢開完就指住我同枱，黑面講句：頭先你唔係話識開咩！😡忍佢，唔好破壞見到熊仔既心情，真係好想比回應佢囉！真係唔知咩事呀？比錢仲要受佢氣。一定一定無下次😡😡😡😡😡😡😡😡😡😡

服務態度極差，幾好食都冇用！！見佢poster 有刨冰，諗住外賣。企係門口服務員見到都冇問係做咩，同個老闆講外賣，佢叫我等等，等左大概5分鐘都冇人理(當時有幾個服務員行來行去)，之後再問個老闆要等幾耐，佢竟然好惡咁問我睇左menu未想要咩，我話要個刨冰拎走。佢竟然答我唔知個師傅做唔做😡，之後係個mon度按幾按就同我講師傅唔做外賣🤬。嘩，你唔想做就早講啦，浪費大家時間。態度差成咁，仲要又惡，真係等執啦！

話說之前係日本食過呢間,覺得成間舖頭氣氛好好,好鍾意！之後見到香港原來開咗分店就一路都好想食🤤但係見因為好多人去就要預約冇得 walk-in咁~ 終於之前有日平日晚上book到啦💕💕不過去到發現其實都真係有得 walk-in😂而且都真係幾多位！完全唔係網上啲人講嘅勁 full 唔入得去🙈今次淨係叫咗火鍋食,其實本身有少少想食甜品但食唔落😭😭不過就有少少失望😮‍💨🥲裝修比日本分店簡單好多,而且冇乜氣氛~ 似普通火鍋店~因為日本分店係連入口樓梯去到位置裝飾全部都係有熊仔🥹🐻🐻仲提供埋頭箍俾你影相🥲💕豆乳湯底 & 經典雜錦盛合 $168呢到係根據你嘅主食而定價的, 湯底選擇都好多！呢個餐就有牛肉、雞肉、豬肉、丸、同埋雜菜~ 仲包埋一個烏冬！湯底都幾好飲的！不過對比起日本香港係真係爭啲嘅🥲但係其實價錢上就差唔多~ 而且份量真係有啲大完全食唔晒😹建議如果兩個人食最好一個人嗌盛合一個嗌普通🙈🙈

原本book咗枱夜晚7點，到咗之後未有枱之餘仲要比walk-in嘅人甚至係book咗7點15分嘅額人入先，一直叫我地等，又話枱客食緊甜品又話執緊枱，執咗半個鐘都未搞掂，叫我地等多2分鐘，結果係等咗10分鐘都未有枱。入面職員明知出面有客等緊都仲要慢呑呑咁抹枱，我哋問幾時得，個店長仲要話我哋唔等得話唔好食，態度勁差。好心你哋冇枱就唔好接訂枱啦，嘥晒我哋啲時間仲要口氣勁差，黎食飯變黎受氣，以後都唔會幫襯，亦會叫身邊朋友唔洗黎啦。

#20231028 🤍📍 くまちゃん温泉 @kumachan_onsen_online 太古太古城道18號太古城中心2樓255號舖➖➖➖➖➖➖➖➖➖➖➖➖➖➖➖➖➖➖🥢 #膠原蛋白濃雞湯💭 尼自日本北海道既過江龍🇯🇵可愛既熊仔係今日既主角🐻之前睇相以為佢係好似一舊冰咁等煮溶，但原來佢好有彈性，一搖個煲佢都會跟住動L動L咁，佢頭頂塊毛巾係白蘿蔔片，攬住塊檸檬，不過建議塊檸檬煲一陣好拎起，唔係煮耐左會有啲苦味🍋.🥢 #壽喜燒湯底💭 個熊仔之所以咁有彈性應該因為整果陣放左啲膠質入去，煮溶左係同雞湯係十分之夾，但同壽喜燒夾就顯得有啲奇怪，第一次食壽喜燒係杰身會漿住個口😅.🥢 #經典雜錦盛合 $168 🫧 #美國牛頸脊 #火之本豚 #特選雞肉 #雜錦丸類 🫧 #烏冬💭 諗唔到特別想食咩於是揀左個咩都有既😏丸同肉都正常以上水準，菜有成一大兜加左唔少分💯最大敗筆係個烏冬，佢一早已經煮熟左，就算就咁食口感都係勁淋，更何況仲要放落湯輕輕煮熱佢😅配料有個加左柚子汁既芝麻醬，酸酸地幾特別，不過都幾濃味，點左真係連湯底係咩都食唔出🙈得90分鐘用餐時間，食左邊爐就真係唔夠時間食個甜品，食緊果陣啲店員仲會瘋

八月份訂了位午餐時段。服務員態度非常一般。食物味道非常一般。二百幾呅一客竟然都不肯提供一杯免費清水。見另一個疑似老闆或高級經理用很惡劣態度罵另一枱顧客遲到。好明顯只想做一次過生意。

南瓜 🎃➕蕃茄 🍅 頂呱呱 🤩🤩🤩季節限定特選南瓜蕃茄雞肉腿 🍗 配野菜盛合柚子芝麻醬油湯底味道濃郁食材新鮮份量十足（點餐時注意避免浪費食物）太古城Food Court位置方便（窗口位只得兩張好難搶）Kumachan Onsen Shibuya孤獨熊 🐻 一位用餐限時90分鐘午餐三部曲湯底、主材料、烏冬或白飯湯底（第一部）日式刨冰 🍧全餐單熊出沒 🐻毛巾仔浸溫泉 😊骨膠原食用纖維滿足加熱後瞓低咗依然可愛沉沒熊 — 不消幾分鐘充滿動感 🤲小結一幕吃熊記，望住熊仔沉下去溶掉了，聽到餐廳歡呼聲此起彼落，試體驗日本原店嘅氣氛 👻

朋友英國返香港，最掛住就係日本美食，想食呢間好耐，聽講排隊排得好誇，所以為咗呢個老友決定排下無所謂。我哋一行8人打算食lunch，本身都預左排點知去到竟然話無book嘅無位（原來有得book!?），唔接受walk in, 我真係萬萬想唔到排都唔俾排，咁帶住幾個細路最重要搵野食，見唔俾入就算打算走，點知正想走之際員工傾傾下決定安為座位俾我哋由於分咗兩張枱關係，我哋每自叫lunch set, 唔止小朋友，大人見到熊仔都非常少女心，影勁多相先開始打邊爐人多嘅好處可以咩味都點，不過最滿意依然係壽喜燒湯底lunch set嘅話可能男士們就未必夠飽，不過小朋友同女士們都ok,美中不足係因為要為熊仔造型，所以湯底最後會比較「杰」身，呢個都係無辦法嘅，所以建議快d食。總括黎講味道係平日日式火鍋水平，雖然後面「杰」左，但打卡黎講係抵銷返不足中午lunch set亦抵食，員工服務好

因為隻bear bear去映相打卡食嘢好似幾無聊，但真係可愛到無邊 🧡 見到bear bear响個熱水入面浸，個種cute感覺直接上腦，我全程笑住，簡單開心🧡我食咗個套餐同刨冰，唔係超好味，但夠好食。個南瓜加番茄湯低好味喎。刨冰幾好味。服務態度十分之好，並無扮可愛lol, 並無扮friend, 但認真盡責賣力，respect, 感覺舒服。同場有爺爺嫲嫲帶個孫嚟食，肯定係為咗個孫而嚟，個孫仔好似覺得幾得意。我見到佢地都有少少感動，係咪拍緊温情廣告呀？值得試吓，記住book位。