影片
港鐵堅尼地城站 B 出口, 步行約4分鐘
繼續閱讀
電話號碼
35682425
開飯介紹
日本串燒餐廳結合清酒吧主題的小店，以日本傳統裝飾打造東京小巷居酒屋的輕鬆氛圍，即烤串燒外脆內嫩，配搭逾30款日本清酒倍添滋味。
繼續閱讀
營業時間
今日營業
18:00 - 23:30
星期一至日
18:00 - 23:30
以上資料只供參考, 請與餐廳確認詳情
有關獎賞計劃
shiba @ 西環呢間一路係我口袋清單入面好想試既餐廳…因為西環經過幾次都昅到入面好熱鬧…好有氣氛。今晚終於有機會試下。入度黎感覺比門外偷窺…日本氣氛更濃厚…深色木既裝修好似置身日本居酒屋咁。牆上貼滿酒樽貼紙…成個櫃都放滿清酒。感覺好適合幾個朋友食下野飲下酒既一個好地方。老闆一定好鍾意火車…好多火車擺設…吊櫃仲有會行會走既火車…著埋頭燈好靚。被安排坐bar檯燒燒爐附近…仲可以睇到師父手藝🤩🤩。今晚點左好多野食雞皮 呢度燒得好正…皮脆又唔會柴皮…雞胸軟骨 鍾意有雞肉lung住牛舌 厚切 好juicy 紫蘇梅醬雞肉 加左紫蘇葉包住 個梅醬酸帶鹹 …估唔到同紫蘇咁夾…雞肉係好有彈性雞腎 生熟剛剛好雞軟骨 夠大粒 就咁落少少鹽調味就夠豬腩肉 呢個好味…好香脆…油香好正黑松露筍卷 露筍好嫩 好香脆雞翼好大隻 燒外皮脆…裡面仲有肉汁流出燒豆腐 醬汁甜甜地…加薑蓉…豆腐好有豆香…雞肉免治棒 如果入面多d雞軟骨就好了櫻花蝦墨魚棒 好香櫻花蝦味 墨魚味都幾香…如果可以再彈牙d就正獅魚鮫 肉質燒得好滑 油份都幾重鹽燒鰻魚 加少少黑椒調味啱啱好…肉質彈牙燒青椒仔, 明太子飯團就正常發揮除左食物有質素…仲要讚下呢度服務好細心…店員見你飲品飲完…唔再order會另奉上冰水。師父又會因應進食速度調節上菜快慢👍🏻👍🏻#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #西環美食 #shiba #居酒屋 #日本菜 #串燒 #清酒
繼續閱讀
有次路過依間餐廳門口 比佢個日本風既門面吸引左bookmark左今次終於黎食啦 入面裝修真係好似去左日本居酒屋咁🏮燈光比較暗 好cozy既環境~老闆仲有同大家傾計飲酒 成個氣氛都好舒服🍶Bar枱可以望住師傅燒串燒 全部串燒都係即叫即燒 師傅超熟手!✿ 牛蒡漬 $32 ✿ 最愛既前菜小食 甘甜牛蒡同醬油鹹香完美融合😋✿ Highball $78 ✿ 去居酒屋當然要叫酒啦! 酒既比例都幾多🥃✿ 鹽燒馬頭魚 $130 ✿ 第一次食馬頭魚🥹不論外觀定味道都好有驚喜！肉質細嫩帶咸香😋✿ 炙燒碟魚裙邊 $108 ✿ 油份充足 入口即化✿ 鰻魚串 (蒲燒) $65 ✿ 肉質結實入味 外皮白脆✿ 秋葵 $32 ✿✿ 大蔥雞肉 $40 ✿ 雞肉彈牙 大蔥焦香✿ 雞翼 $36 ✿✿ 紫蘇梅醬雞肉 $40 ✿ 紫蘇梅醬咸咸酸酸 非常清新🌱✿ 雞肝 $36 ✿ 軟綿口感 入口化開冇腥臭味✿ 雞胸軟骨 $32 ✿有別一般雞軟骨串 雞胸軟骨帶有少許嫩滑雞胸肉 口感豐富✿ 牛舌 $48 ✿ 肉質爽口有嚼勁 調味剛好唔咸👅✿ 黑豚露荀卷 $42 ✿ 露荀水份多 令整體入口juicy!✿ 澳洲牛腹身 $198 ✿ 外皮焦香乾身 入面肉質粉嫩多汁 牛味濃郁🐮✿ 茶漬飯 (明太子) $42 ✿ 高湯帶有淡淡茶香 以依個茶漬飯收結解膩剛剛好🤰🏻
繼續閱讀
今日係港島呢邊行街，行攰左係附近搵下野食 ，見到呢間居酒屋好靚啲裝修好日式，入去食下先🤓我叫左宮崎a4和牛 🩷🩷🩷🩷🩷佢個牛味比較濃，而且肥瘦都好均勻，肉質唔韌好淋。我中意🤩跟住佢配咗個前菜係蒜蓉汁螺肉個醬汁甜甜地好開胃而且螺肉都好彈牙。再叫左我最愛嘅燒鱈魚乾🩷🩷🩷🩷🩷次次去居酒屋必食，脆到好似食薯片咁😂宮崎黑豚肉腸🩷🩷🩷🩷🩷燒過既黑豚肉腸，肉味更加濃，同埋咬落去爆汁，點埋啲黃芥末醬食辣辣地好過癮。蒜燒同鹽燒牛小排🩷🩷🩷🩷🩷我覺得佢口感偏有嚼口，但係唔韌。同埋佢加咗啲鹽食落啲牛味比較濃。我個人覺得蒜燒好有驚喜，因為平時蒜蓉係加落啲海鮮度好少加落牛排上，佢加係牛小排啲蒜蓉味唔會蓋過啲牛味，而且兩種口味都食得出。好夾。大葱雞肉🩷🩷🩷🩷🩷我最中意啲大葱係燒過，因為燒過先夠甜同埋好juicy，而且啲雞肉都好滑，再加埋啲燒汁，好惹味呀。一口甜蕃薯同粟米🩷🩷🩷🩷🩷 甜蕃薯燒得好淋又甜好味，而且粟米加左燒汁，甜甜咸咸好過癮，咬落流曬啲汁。鹽燒豬頸肉🩷🩷🩷🩷🩷啲豬頸肉燒得好腍，同埋佢落咗啲鹽唔會太鹹食落豬味好濃。櫻花蝦墨魚棒🩷🩷🩷🩷🩷真係食到一粒粒嘅櫻花蝦同墨魚片喺個墨魚棒裏面好正又有咬口，好夠鮮味。羊架🩷🩷🩷🩷🩷師傅好細心驚客人整污糟隻手包得好靚個羊架，而且食落唔係太騷，同埋可以點埋佢個黃芥末醬，加埋羊架度食。好夾又唔會太漏。蒲燒鰻魚🩷🩷🩷🩷🩷佢係用新鮮嘅鰻魚肉燒，啲魚肉燒到啱啱好，唔會太乾食落好彈牙。同埋佢個皮都燒到好脆，加埋啲燒汁一齊食好正。帆立貝串燒🩷🩷🩷🩷🩷唔會燒到太過火，咬落去啱啱好有啲鮮味，而且好大粒，加埋啲Wasabi同原本帆立貝加咗啲燒汁一齊食，甜甜辣辣好過癮。安格斯牛肉烏冬🩷🩷🩷🩷🩷天氣凍冰冰食反一碗熱辣辣嘅烏冬，真係好暖笠笠好加分，同埋佢個烏冬好彈牙，加埋啲昆布同埋牛肉一齊食，好滿足。最後梗係叫咗兩支提子味紅富士汽水🩷🩷🩷🩷🩷提子味好濃，食飽梗係要飲返支汽水啦。最鍾意飲呢個牌子嘅汽水。冇諗過新發現呢間居酒屋啲野食咁有驚喜👍🏻下次可以帶朋友再食吓其他嘢先
繼續閱讀
朋友介紹吓，今晚嚟咗堅尼地城非常地道嘅日式居酒屋😍 餐廳環境氛圍真係簡直好似去咗日本咁🤭 仲要師傅喺你面前即燒串燒 好夠火喉🔥🔥 叫咗勁多串燒嚟食 配埋清酒一齊食真係一流🤤🤤 叫咗杯柚子sake, 非常啱女仔飲‼️酒嘅完全唔重 好似飲緊柚子蜜多啲😆櫻花蝦墨魚棒燒大蝦燒鰻魚｜浦燒、鹽燒黑豚露筍卷梅子紫蘇雞肉大蔥雞肉燒飯團｜味噌、明太子帆立貝串燒宮崎黑豚香腸芝士年糕鹽燒牛小排串鰤魚餃整體嚟講串燒質素非常高質👍🏻火候拿捏得一流 而且食材新鮮 高質素🥹更加出色嘅係燒海鮮 例如燒鰻魚、燒大蝦、帆立貝真係必食‼️ 而且鰤魚鮫簡直係今晚嘅MVP，價錢$138 勁大個魚鮫，而且基本上全部都係肉🤩 魚油脂重，而且飽肚 魚肉多汁鮮美，個皮都燒到好香好脆 一定係必點🥹🥹鍾意食煙韌口嘅朋友首推芝士年糕🤭 口感非常軟糯 同芝士既鹹香非常合襯唔夠飽可以再點燒飯團🍙 大大嚿飯，而且調味合適，唔會過鹹或過淡 燒完之後真係超香超好食非常推薦住得近、附近返工，或者特登嚟堅尼地城拜訪呢間日式居酒屋 都係非常值得🤤🤤
繼續閱讀
去完高先睇戲到附近找食，行咗去兩分鐘路程附近嘅呢間居酒屋食嘢，暗暗嘅燈光，擺咗好多日本火車裝飾，牆架上排滿各式各樣嘅清酒，有一份尤如置身日本嘅觀感💛Drinks Menu提供超過20款日本酒選👍🏻座位下有提供置物籃；師傅燒得好認真，出串燒好快；侍應笑容親切，有禮貌又細心，加分！餐牌上基本串燒選項一應俱全🔥我地唔只食咗咁少野，以下呢度只係少部份，當日係食到飽飲到醉嘅💫燒雞泡魚乾入口有燒汁嘅甜度同雞泡魚乾本身嘅香味，有咬口但唔會太實，係飲啤酒最好嘅朋友～💫雞肝醬燒雞肝外層脆嫩，入口軟綿香醇💫燒鰤魚鮫外層魚皮燒到焦黃香脆，肉質嫩滑，油份充足入口甘香，加少少檸檬汁同醬汁好好食💫櫻花蝦墨魚棒口感彈牙，少少甜甜地少少鹹香，總之惹味💫燒大蝦蝦肉夠彈又夠甜，因為新鮮所以囗感相對好，推介⭐️💫宫崎黑豚肉腸外脆內彈牙，入口爆汁的，豚肉味濃！💫燒豆腐豆腐外面嘅腐皮香脆，有少少煙韌口感，入面軟軟滑滑，睇落平凡不過幾好食💫銀杏外皮韌韌地，有口感💫燒飯團可以揀味噌或明太子口味，有少少飯焦感，香口
繼續閱讀