たまご園 (德福廣場2期) (已改名) 查看

同男朋友仔6PM就黎食啦，所以未洗等位住~全部都係蛋料理，原來食蛋都會好飽嫁@@燉牛肉黑咖哩蛋包飯$118個外表黑色幾吸引，但其實個汁冇咩味。特製5款玉子串燒$78一set五款唔同topping的玉子燒，得上面有D吾同，我覺得吾係特別好食，可以吾洗叫大阪燒風八爪魚捲$78我覺得甘多樣野E個最好食WO...佢有燒汁，木魚碎，真係好有大阪燒風味 推薦!!!芝士明太子筷子捲$38@1 好似台灣蛋餅甘，入面有芝士，都好飽下~味道OK的白桃梳乎厘班戟$78除左上面有半個桃，佢伴碟都仲有好多，所以都抵食，同埋佢真係好好食，推薦大家食E個

之前都有聽過蛋主題嘅餐廳 見到越開越多分店 終於有機會去試下！發現都可以用app拎定位 咁大家就可以唔洗等咁耐！【三文魚生雞蛋拌飯】 $68舖頭最出名應該係TKG生蛋拌飯～ 打卡就真係一流～ 不過食落去就有少少普通 性價比較低！ 三文魚唔係太新鮮～ 配上飯素同醬汁 可以自行調配咸度！【燴雞肉蛋包飯】$88蛋包飯 新鮮嫩滑！大量雞肉 蘑菇配牛肉汁 好滋味！不過部分雞肉煮得太過火 有少少乾身～總括而言 影相打卡真係適合不過 但食飯質素 性價比就偏低～

想不到Tamago-EN的擴張速度如此的快, 在香港, 它是尖沙咀宴的分支餐廳, 主打雞蛋菜式. 宴作為本地吃沖繩菜的先驅, 食材來源也就是以沖繩為主, 因此Tamago-EN的雞蛋也是來自沖繩. 這裡最出名的是TKG雞蛋飯, 也是日文蛋拌飯的簡寫, 飯上面鋪的是蛋白打成的泡, 再上面是蛋黃及配料, 蛋香較淡, 帶點青草味, 外表相當IG-able但六十多元一碗飯的價錢, 相當Overpriced.作為主打雞蛋的餐廳, 蛋包飯和玉子燒也是必點菜式. 前者蛋炒得不錯, 咖喱甜中帶果酸, 牛肉燉得夠腍, 份量夠飽肚. 後者就夠單純, 蘿蔔蓉出水較明顯, 幸好玉子燒出水量不多, 也算平均而味道較單調.甜品連疏乎厘Pancake也有, 六十多元兩件算是正常價錢, 空氣度和味道中規中矩, 但自從女友掌握到處理這甜品的要訣, 製作一件Pancake的成本只是售價的十分之一樓下, Profit Margin之高自然吸引大量跟風者就是.

❤️吉列豚滑蛋丼 蛋仲未熟晒，少少蛋汁+醬油撈飯食，有d似係JR站是但一間鋪仔食到既味🧡吉列蝦滑蛋丼 有4大隻蝦，都幾彈牙，比起吉列豬，中意食蝦多d!好有係日本食到既滑蛋丼既感覺！！ Lunch 時段 仲免費送餐湯&沙津添～

☆ たまご園九龍灣偉業街33號德福廣場二期4樓413-414號舖✦ 海鮮黑咖哩蛋包飯個旋風蛋整得好靚，好滑溜，個黑咖哩都幾得意，食到咖哩味同時都食到墨汁味，無話邊個搶左邊個個味，同埋係淡味嘅咖哩汁，幾岩我。✦ Tamago-EN特製5款玉子串燒呢個好好味，令我諗起係築地食100円嘅玉子燒，本身個玉子燒做得好，然後面頭分別係番茄仔、海藻醬、親子三文魚、明太子沙律同埋蟹肉，每樣雖然都係少少咁，但就發揮到畫龍點睛嘅效果(*¯︶¯*)✦ 半熟蛋薯仔沙律呢個就係正常偏好食嘅薯仔沙律，加左幾塊薯片，得意得黎又脆脆咁增加口感，隻蛋就同我平時烚無乜分別，佢係切得醜d姐XD✦ 白桃梳乎厘班戟好軟淋淋，空氣感十足，好香蛋味又夠濕潤，好好食，白桃都好甜好好味，不過唔知係唔係因為個桃重，所以壓到佢有少少扁(≧∀≦)

依間餐廳環境乾淨俐落，無論係年長情侶👵🏻👴🏻，定係年輕情侶👧🏻👦🏻、一家大細👩🏻👨🏻👶🏻都會嚟幫襯😀 喺度食下午茶都幾抵食☺️。雖然我過咗6點少少先入去餐廳（留意下午茶時間：2:30-6:00pm），但係店員都肯俾我order 下午茶套餐🤧，好感動。（細細聲講🤫）🏷豆腐芝士蛋糕🍰配士多啤梨🍓（$58）豆腐芝士蛋糕🍰帶芝士香味、豆腐口感，唔似一般芝士🧈蛋糕甘滯。士多啤梨🍓好新鮮，酸得嚟但唔難入口，同微甜嘅豆腐芝士蛋糕🍰配合起嚟啱啱好😚。跟餐送左杯精選咖啡☕️，加奶又加糖，結果都係咁苦😂好啱鐘意飲濃咖啡嘅人👨🏻。Tamago-EN出名蛋類製品，佢哋嘅蛋🥚都係日本🇯🇵新鮮直送。如果唔係趕時間，我都會試吓佢個梳乎厘班戟🥞🤔（製作需時25分鐘），下次經過再試😋。*另收加一服務費

行街見到呢間餐廳用蛋做招徠幾特別，所以決定入去試吓。我哋平日夜晚大概6:30去到，完全唔駛等位，可以直入。餐廳嘅座位分隔適中，唔會太過擠擁。坐低打開啦餐牌，原來呢間餐廳係主打日式西餐，當然有好多款式都有蛋嘅元素啦！我哋叫咗三文魚魚子牛油果丼飯，同埋海鮮番茄忌廉蛋包飯，加配一份是日西湯同沙律。三文魚丼飯造型好特別，好似有一隻打發左嘅雞蛋鋪喺面，醬油同埋飯素另上，將所有食材撈勻之後就可以食啦！呢度嘅雞蛋出名可以生食，用黎撈飯食都好好味，唔會覺得腥，反而真係食到蛋香味。而海鮮忌廉蛋包飯就好creamy，忌廉汁同蛋真係好夾，每啖飯都有蛋同忌廉汁一齊包住，真係好幸福！至於加配嘅西湯係忌廉蘑菇湯，同沙律都係冇乜特別，中規中矩咁。好想食下佢哋嘅甜品，望落都好吸引，可惜今晚已經飽晒啦，唯有下次嚟到再食下啦！

平時放工喺九龍灣行街一直都有留意呢間餐廳，今日同成班同事放工諗住一齊食飯，一致決定想試吓呢間餐廳！我哋大約6:30左右到達餐廳，餐廳無需等候就可以入座啦，餐廳嘅環境好別致，同埋因為呢間都係以蛋為主題嘅餐廳，所以餐廳嘅裝飾都以黃色為主，大致上既環境都係舒服嘅！放咗工真係好肚餓，於是我哋坐低好快就嗌嘢食啦！牛油果三文魚子親子丼 $108食落去蛋白口感好特別，成碗飯都好香滑，入面都有牛油果同埋三文魚，但係份量唔多，如果多番啲三文魚就好啦！大阪燒風八爪魚捲 $78呢個八爪魚 捲好好味，好軟好滑，加埋d燒汁好好食😋海鮮蕃茄忌廉蛋包飯 $108 呢個蛋包飯就不過不失，但d蛋真係好好食😋忌廉溫泉蛋意粉忌廉溫泉蛋醬汁好好味，食到停唔到口😋Tiramisu 疏乎厘班 pancake $88Pancake好鬆軟，甜而不膩，入邊仲有啲流心嘅汁流出來，連埋啲鬆餅一齊食好好味😋

❤️推介指數: 8/10 等候時間：0mins （平日6:30PM）Bookmark了很久終於去了🙈呢間過江龍店開左好久專食蛋包飯同梳乎厘👍🏻身為一個蛋控都要去試吓🤩——————————————————————————😍燉牛肉黑咖喱蛋包飯 $118 (7.5/10)呢個飯真心覺得比較貴可能大家會好奇黑咖喱同普通咖喱有咩分別但其實係冇分別😂大家唔好唸多左🥲下次寧願叫返普通咖喱就算而味道方面啲咖喱唔太強烈口感較為溫和👍🏻送飯真係一流 話明係蛋包飯以為真係全部包曬點知只係蓋住個面🥺蛋就真係夠滑軟淋淋的🥰份量都多的我一個人係食唔曬😬😍Tamago-EN 原味梳乎厘班戟 $78 (8.5/10)佢個梳乎厘真係好推介🥰夠曬鬆軟彈身🤩同時質地厚實煮得剛剛好👌自身都唔會好甜加埋糖漿係絕配😋個人覺得唔加水果做配料都唔會好dry🙈——————————————————————————🤩小編有話想講1. 間餐廳周圍都有蛋蛋公仔好可愛🤪2. 值得再去嘅一間過江龍店🙈超多主食可供選擇😃而且香港有幾間分店（6間！）😆————————————————————————

🐻小編餐單1️⃣ 士多啤梨梳乎厘班戟💲98🔹好味度: 4/5💙🤍💙🤍💙🤍(藍白心心做分隔線) 🙊小編✅ 呢間餐廳以蛋做主題，梳乎厘班戟亦有好濃嘅蛋香味✅ 好鬆軟食落好有空氣感！✅ Cream亦都好滑～推介～💙🤍💙🤍💙🤍(藍白心心做分隔線)小編評分👅食物 🐻 4/5👀環境 🐻 3.5/5📸打卡指數 🐻 3.5/5總評分 🐻 4/5

2021年7月24日 雨今日又過左黎九龍灣揾男朋友lu, 其實係想去德福5 樓個個 namco 玩, 玩之前梗係要食野la 去到餐廳叫想叫飯但職員話d 飯未煮完有得食.. 咁唯有食住其他先, 之後唔夠再叫la 男朋友叫左意粉加錢跟左個set, 個蕃茄湯好濃但偏酸, 沙律正常, 芝麻醬好食5 款口味ge 玉子燒, 玉子燒好滑, 加埋上面d 配料好好食。個人最中意明太子同蟹青醬大蝦意大利粉, 好多大蝦, 但食得出係急凍蝦黎, 不過個醬都好香濃, 唔錯滿足 覺得自己影相愈來愈靚了Tiramisu Pancake, 又到左男朋友最愛Pancake 環節, 今次係日式個隻, 好鬆軟, 震騰騰, 中間夾住oreo, 好味啊不過男朋友話上次個間好食d, 但我覺得佢都好好食啊睇下幾澎湃, 山泥傾瀉咁啊最後食完都好飽完全唔洗叫返個飯, 埋單$300, 都ok 啊

食咗海鮮意粉，意粉夠乾身，但不硬，軟腍度剛好，味道不錯，微辣，夏天很適合，開胃。午餐有沙律和2款湯任選。但朋友食的丼飯汁太多，飯太軟，喜歡吃硬飯或乾身的，便不太適合。

晚上想輕食，於是叫咗章魚雞蛋捲（$78）看似好貴，但真心好食👍熱嘅、好多章魚嘅、蛋好滑嘅，正爆🤤 最後叫咗原味梳乎厘pancake($78)大家share, 視覺上較空虛，味道還好👌，友人就話「超級好食！」🤷overall 都係章魚雞蛋捲好食👍

經過九龍灣，見到呢間店個menu好似幾吸引，所以就決左食喇。入到去個環境都幾乾淨，係張枱細左d，叫左三碟野都唔係好放得落。我地叫左一個燉牛肉黑咖啡蛋包飯、特製五款玉子燒同芝士明太子筷子捲。燉牛肉黑咖啡蛋包飯就係會預計到嘅味，就係咖哩蛋包飯嘅味，不過食落會多左陣黑胡椒嘅味，牛肉都幾淋。特製五款玉子燒賣相相當吸引，打卡一流，不過可以因為全部都係多，兩個人食會有d飽。食落唔算有驚喜。芝士明太子筷子捲算係最好食，不過明太子味唔夠重，多d就更加好食。

星期五嘅夜晚仲要落大雨，周圍嘅餐廳都好多人等緊位撳張飛仔之後等半個鐘左右終於可以入座食物款式好多，主食小食同甜品都好多款，揀左好一陣終於有決定職員好忙但係服務都OＫ，有笑容剩返唔係好耐就夠十點，不過好彩上菜速度都夠快燉牛肉黑咖喱蛋包飯 $118+咖喱味濃，牛肉夠入味，半生熟ｇｅ🥚包蛋味香，口感滑炸薯條配黑松露蛋黃醬 $48+即叫即炸，🥔味香，外皮香脆提拉米蘇梳乎厘班戟 $88+口感軟熟，咖啡味濃厚，甜而不膩豆腐芝士蛋糕配士多啤梨 $58+芝士味濃，配上🍓嘅微酸，感覺清新