たまご園 (德福廣場2期)

營業中

休息中

食過幾次，賣相同質量都有水準，亦都坐得舒服我同朋友都點咗安格斯牛扒餐我就鐵板上，朋友怕熱，轉碟上都可以，我哋叫五成熟，口感好好好為食，加咗呢個玉子串燒，有五種味道，每種味道一串，賣相當然得，配襯唔同嘅材料，好有特色有餐飲同埋甜品，好滿足了

想要更多食物推介 follow me on openrice/instagram👉🏻@joyceous.tummy 👈🏻 🤑價錢約$100-200🪑餐廳坐位幾闊落 裝修幾cute 佢出名食蛋 就有d蛋形狀ge枱同公仔🗒️QR Code落單都幾方便☔️落雨之選 呢間係地鐵站上蓋 ➀ 明太子三文魚忌廉蛋包飯 $108都有唔少三文魚 幾creamy 明太子亦唔辣 個雞都好滑➁ 吞拿魚蓉生雞蛋拌飯 $65 吞拿魚唔係太多 個蛋好fluffy 好澎湃 如果唔揀吞拿魚 亦可配三文魚/牛油果等 食果陣可以自己倒醬油同飯素拌勻黎食

🔹️行完九龍灣德福廣場便到 “TAMAGO-EN” 食蛋🥚😁 店內裝修以雞蛋造設計, 地方寬敞, 店員高效率👨‍💼價錢合理💰🔸️午市套餐包含鮮嫩沙律🥗和綿滑忌廉湯🍵🔸️燴雞肉蛋包飯🐣🥙蛋包飯以幼滑旋風型雞蛋皮包着滿滿白飯, 雞肉肉質鮮嫩, 加上醬汁, 十分出色👍🔸️鰻魚滑蛋丼🐟🍱以肥美厚身鰻魚, 口感彈牙, 雞蛋細嫩幼滑, 加上辣味柚子醬令味道更加昇華, 越食越滋味😋🔸️仲夏菠蘿梳打🍍🍹以香甜清新菠蘿梳打, 冰凍透心涼🍍🔸️咖啡☕️最後嘆杯醒神咖啡😎

香港少有蛋主題專門店，主打日式蛋料理，除左蛋包飯外，亦有雲朵生雞蛋飯、溫泉蛋意粉、玉子煎、梳孚里班戟及滑蛋三文治，蛋控天堂!! 🍳🥚- 牛油果三文魚親子生雞蛋拌飯 HK$108 ☁️🍳🍣🍚必食之選!!香港少見雲朵雞蛋，將蛋香打發成泡沫，再加上生雞蛋黃，拌飯口感輕盈又充滿日本蛋香，加入豉油跟三文魚及三文魚籽一同享用，陸地及海洋鮮味一齊爆發，非常滿足!!- 燉牛肉蛋包飯 HK$118 🥩🍛日本經典香甜燉牛肉!!燉牛肉非常入味，牛肉香氣與香甜醬汁非常惹味。蛋皮炒得好香滑又充滿蛋香，而且熟度控制出色，質感嫩滑。

 🩷低温慢煮雞肉沙律🥗 $78正值要減肥就啱晒低脂，高蛋白質，增肌！減澱粉！雞肉嫩滑，蔬菜都好新鮮，仲有溏心蛋蛋，正正子！🩷大阪燒風八爪魚捲 $76味道真係似食緊大阪燒，其實實際上係玉子燒入邊夾住八爪魚🐙八爪魚好有咬口，我覺得其實幾好食不過擺耐咗就會出水，所以要趁熱食老人家略嫌硬，難咬開，本人就覺得OK 🩷沖繩黑糖咖啡疏乎厘班戟 $98好好食，尤其佢嘅黑糖蕨餅夾埋咖啡好香班戟不過不失，都有蛋香味都係要趁熱快啲食，否則好快冧落嚟

4月4日中午1點幾入座。以前點都要等一陣，今日見到唔使等就入左去，點知伏左。服務、食品味道差左好多，難怪紅日假期都咁少人，同埋個個都情願北上消費，唔留港啦。真係唔希望以前既美食同購物天堂，會變成地獄！可唔可以改下？

今日嚟到九龍灣試咗呢間 Tamago-EN, 以蛋為主題 嘅餐廳, 大部分 菜式都有蛋, 我係一個蛋控， 梗係要嚟試下啦。叫咗一個 燴雞肉蛋包飯+ 一杯黑糖 珍珠奶茶， 不過呢餐就有點令我失望， 佢嘅蛋真係好嫩滑好好味, 淨係評佢嘅蛋 真係冇得輸， 但係啲雞肉唔夠嫩滑， 仲唔係 好夠熱 😅。 黑糖珍珠奶茶 奶味濃， 但係啲珍珠 太大粒， 飲每一啖 啲珍珠又塞住支飲管， 真係飲得我粒粒皆辛苦😆， 最後我都係 唯有 放棄啲珍珠避開珍珠淨係飲奶茶😑不過我都會再試呢間餐廳，試下其他 菜式 因為佢啲蛋真係幾好食❤️

鍾意食蛋既一定要試。呢間用蛋黎主黎既日式餐廳創意不簡單。單單係蛋包飯以經有好多唔同風格，造型都有落過心意，而且做法不容易，係咖喱汁倒入甜蛋薄上加日本米，蛋白要打到起泡，蛋黃要分煮煮到佢流心。這款起泡蛋白三文魚飯絕對夠食，係男生既份量斑剔賣相也吸引！很有彈性！

今日第一次試呢間餐廳，環境乾淨，服務都正常，今日叫燉牛肉蛋包飯轉套餐，旦吳滑，味道普通，埋單146蚊，對唔住價錢.優點今日來少人不用等位…………………………..

星期日接近兩點鐘到達，冇人等位😆，入面裝修都幾精緻，適合打卡❤️。 侍應生有禮貌帶位👍，同埋好細心咁俾啲小朋友餐具。兩大一細，坐低嗌咗個咖哩雞 蛋包飯 ，珍珠奶 ，黑加侖子凍飲 ，玉子串燒，燒八爪魚蛋包。🌈食物不過不失😒，唔算好味，最好食應該喺個 串燒， 最令人失望就係個咖哩雞 配蛋包飯 😵‍💫，咖哩同雞完全分開煮咁，雞冇味而且仲鞋口， 真係同屋企烚咗啲雞肉再淋啲 即食咖哩汁上去冇分別😵， 88蚊真係完全唔值🥴， 中伏。下次應該唔會再嚟!

喜歡吃蛋的人絕不會不懂日式做蛋的特色和味道。來這家以蛋為主打的餐廳更能滿足喜歡吃蛋的人士。單以各式蛋包飯己一定令你滿足，看這咖喱蛋包飯，看做型就經已把你帶入滿意景界，要將蛋造成凯旋感覺，浮現於咖喱汁中心，讓你慢慢由甜咖喱溶入甜蛋薄上，再加入日本米，味道美味的感覺不會是假的。最可惜的情景是在點甜品疏乎厘時，服務硬聲說，時間70分鐘已到。心里真驚叫，好吃又如何，吃得趕急，能夠好好享有食物，有好感受嗎？不是要客人帶走食物吧！疏乎厘單制作時間都要20分鐘呢😢😢😢

適逢週末與朋友兩人來到九龍灣，正苦惱晚上在這個大家都覓食的高峰時段食什麼才好。這間餐廳周不時都會見到，但一直未有入去食過。這次決定進去一嘗。不用等已有位。兩人位還有得揀。打開menu都是雞蛋料理。果然是Tamogo主題餐廳 (連附碟都是蛋🍳)。對蛋類過敏人士恐怕要卻步。幾經篩選點了 燉牛肉蛋包飯 和 季節限定的栗子梳乎厘班戟。燉牛肉軟腍入味。醬汁不只是充足，更是有突，撈埋蛋包飯，正！梳乎厘班戟鬆軟，但栗子味就一般喇。其他口味或許更佳吧。最後人手一人一杯櫻花草莓鮮奶和珍珠奶茶。飽足！完食！

📍たまご園🇭🇰 九龍灣偉業街33號德福廣場2期4樓413-414號舖呢間蛋包飯係各商場都會見到分店見到平時都好多人排隊今次就試下佢！😁同灣仔貓之眼比較邊個好食啲呢？😋 午市套餐 - 燴雞肉蛋包飯 $88首先講下佢個湯 係好濃嘅番茄湯 唔錯嘅👍🏼沙律有一小碗 都新鮮嘅菜嚟嘅👌🏻至於個飯 都好味嘅但我嫌啲蛋唔夠多唔夠滑😭佢得薄薄一層 食曬啲蛋都未食曬啲飯😞雞肉肉質都ok 份量正常如果配埋飲品會划算啲🥺

🍴海鮮蕃茄忌廉蛋包飯 $108 (6/10)個蛋好滑，不過唔係流心嗰種，個飯係白飯冇用蕃茄汁炒過，有啲扣分同唔正宗，海鮮有蝦有魷魚，蝦肉爽口魷魚彈牙，個份量比較少，每樣得三舊，味道酸甜正常。🍴煙肉明太子忌廉意粉（配慢煮蛋） $88 (2/10)呢個係好hea好淡口，淨係食到少少煙肉味，明太子忌廉係完全冇味，唔合格，淡口到完全唔覺食緊忌廉意粉。🍴 味噌湯/是日西湯及迷你沙律套餐 +$15 (7/10)西湯正常有甘荀味，沙律可以。🍴 特製 5 款玉子串燒 $78 (7.5/10)分別係蕃茄/海藻醬/親子三文魚/明太子沙律/蟹肉，玉子好嫩滑，不過蛋味唔濃，親子三文魚/明太子沙律/蟹肉都好食～🍴 宇治抹茶梳乎厘班戟 $98 (3/10)班戟太濕太黐口，冇乜蛋味空氣感唔夠，都係唔合格，抹茶雪糕同紅豆正常。🍴香蕉朱古力方塊 $98 (7.5/10)冇諗過呢個好食，方塊香脆有少少蜜糖，朱古力同香蕉好夾正常，仲有個雲尼拿雪糕～推薦指數：6/10玉子串燒蛋包飯嘅蛋菜式係ok的，正常不過不失，意粉同梳乎厘班戟唔得，食甜品方塊穩陣。

為免別人中伏，同時出於本人對於這過分的雞而決定番下食評，我不理會這所餐廳其他食物品質如何，只針對這碟燴雞肉蛋包飯！實在想不到一架餐廳居然會用這些雞來煮，這是對顧客的不尊重！燴雞肉，原來是於已燴製了數十小時的雞湯內撈出來的雞肉。肉質毫無鮮嫩可言，乾身零雞味，嚼著嚼著不知嚼緊些甚麼，怪不得用了這麼多燒汁，不然真的一些味道都沒有。若果說這是只值廿元的雞肉蛋飯，我可能都不會憤然寫下這食評，但居然跟我收96元？不留下這黎感言，天理可在，這絕對是我吃過最難食的老雞！侮辱緊日本美食！