ラーメン天鷲 (已結業)

搵食路過見到有人排隊就排埋一份😂小店店面好細，只有十幾個座位1個廚師加1個侍應，侍應哥哥好忙一腳踢，係咁行黎行去，人係友善的食物款式唔係好多，套餐有4款拉麵、4款小食、4款飲品選擇，拉麵+$30就有小食同飲品飲品係以罐裝出售枱面有各種調味料辣芽菜唔係好辣，啱晒唔太食得辣嘅人蒜泥好香蒜味極濃，不過最後無加蝦味噌豚肉拉麵 $85睇openrice見到人地的拉麵有蛋，唔知係咪賣晒，變左大量的粟米同蝦乾蝦味噌湯底十分濃厚，蝦味十足試左啖湯，拉麵湯底黎講唔算鹹，但食到最後就有啲膩豚肉有2塊，不厚不薄，每塊都有少少脂肪，口感相當不錯，可惜豬味唔夠辛辣豚骨拉麵 $85原來每款拉麵都有唔同配料，辛辣拉麵配上黑木耳辛辣程度大概介乎5-10小辣之間，辣係喉嚨🥵忌廉蟹肉薯餅 +$30最近係YouTube睇左忌廉蟹肉薯餅的製作短片，咁啱天鷲有得食，二話不說就揀左薯餅🤤香脆的炸皮配軟滑的忌廉薯仔餡，正！不過係無蟹味🙂日式餃子 +$30餃子比較細隻，皮薄餡靚，底部略嫌唔夠脆

本身都有黎過哩間小店食過幾次，但每次都係食拉麵，哩間野都開左成年啦，難得今次有飯食，有新野就梗係要試下啦，所以今次我就膽粗粗咁試下食咖哩豬扒飯，個飯$80蚊，有少少貴，但豬扒即叫即炸，夠脆口，豬扒都好大塊下，隻咖哩有少少辣，洽到好處，又唔會太辣，畢竟日本咖哩都唔會太辣，味道好濃郁，夠香口，份量都好多下，女生應該都唔會食得哂，男生都應該夠哂飽，整體黎講都算抵食既，下次有機會再試下其他飯，芝士炸雞飯都想試下

喺香港食日式拉麵其實都要撞手神， 好食似樣的唔係太多， 今晚與太太路經砲台山， 想簡簡單單吃一個快的晚餐， 我又十分喜愛拉麵， 我們就這樣進入這間小小的拉麵店。我們點了蝦味拉麵， 忘了全名是什麼， 但味道唔錯很香，還可以選擇拉麵嘅硬度。價錢大約八九十蚊一碗，都唔平， 以呢個價錢喺日本， 食一碗拉麵都算貴， 在香港也是。拉麵來到味道都相當唔錯， 還可以加有微辣的豆芽， 我就加了很多。聽講有下午茶餐就比較抵， 下次經過都會試下。

附近好味拉麵店好似都執左好多間，最掛住執左既沾麵，今晚想食拉麵，即管試下呢間。呢度野食選擇唔多，亦唔會比你簡麵條軟硬度、配料多少等等，我叫左個豚骨拉麵，加$30變套餐。拉麵黎到，有啲失望，原來無糖心蛋的。湯底無咩特別，搞到我呢個飲湯怪又係sad左，湯都偏濃厚，一開始食無咩嘢，食到最後發現，飲湯已經好飽。麵同豚肉都無咩特別，另外可以自己加芽菜，我覺得芽菜最好味，辣辣地幾惹味。薯餅唔係好食到蟹肉。整體而言，呢間都係普通，最好食係芽菜😅

返工經過小店好似幾好食 就入去試下入面坐位唔係好多 大概坐到20個左右嗌咗一個黑蒜豚骨拉麵 一個豚骨拉麵 一個跟餐龍蝦沙律幾特別 有埋紫菜俾你包住食但係份量唔算多加$30套餐 包埋罐可樂感覺唔係好抵 所以試一次就夠了至於拉麵湯底好好味值得一試👍

天雨濕濕。路經一間拉麵小店。見正值午市時間仲有位就衝左入去。場內座位除左一列bar枱。仲有3張細枱。而拉麵可以單點。仲可以加$30變套餐。同同區拉麵店相比。價錢算係ok。點餐時直接付款。拉麵好快就上枱。豚骨拉麵。湯底白濃。先試一口湯底。簡單直接傳來一陣豬骨味。叉燒味道不錯。淡淡甜味仲帶一點薑味。店內提供多款調味。最愛加入大量芽菜。雖然味道普通。但係爽口微辣。由於個湯真係幾濃厚下。食完個肚仔漲卜卜。小店。係要支持嘅。

本人已幫襯此店幾次(午餐及晚餐)，發現它能保持拉麵及小食之食物水準優質，味道很好，厨師明顯用心煮湯底，絕對是值得表揚故寫此食評。豬骨拉麵: 極喜愛這拉麵湯底，很濃郁而不油膩，亦不會太咸 拉麵麵質及义燒也不錯！用心製作，絕對感受到厨師的誠意。 (本人不喜歡拉麵湯底太油膩或太咸)日式餃子: 餃子皮很薄而脆，豬肉餡有鮮肉香味 龍蝦沙律: 蝦肉鮮甜配上脆紫菜很開胃這食物質素套餐(拉麵+小食+飲品)只收HKD105，實在抵食!

下午茶超級勁抵平時百幾蚊嘅嘢幾十蚊就搞掂碗面嘅size 同平時一樣加小食應該係少咗一兩件咁樣老實講佢啲湯底已經係好漏個忌廉蟹肉薯餅真係好忌廉其實 我真係唔覺得佢有蟹味不過炸到好脆我今日叫咗辣麵不過我真係覺得唔夠辣我又唔想用辣椒粉 會有苦澀味同埋今次麵條煮得太硬呀其實我都唔趕搞到我要食曬其他嘢將啲麵浸腍佢今次經驗真係麻麻地不過 呢個地方已經畀我阿妹 視為佢同朋友相聚嘅好地方妹友們都 覺得好好食如果佢肯花心思喺啲季節限定嘅嘢食上面好似湯底同小食咁樣必定引啲熟客心思思成日返嚟食

初六，氣溫18度，本來想去附近橫街那間，但是那間太有個性，不是你想去就去到，退而求其次，選了這間。點了一個黑蒜豬骨拉麵，加上餃子和一罐汽水，埋單總共$115。麵條是正常的幼麵條，跟味千拉麵的一樣。但是湯底就很有問題了，沒有豬骨味，也沒有蒜頭味，這就是黑蒜豬骨？只見其色，未嘗其味。這個就是標題的由來。另外，天氣比較冷，門又是開方式的，放上冷冷的粟米，和兩塊肉片，湯底完全不夠熱了，栗米不熱，肉也不熱，他們應該沒有把湯2次煮熱的原因吧。湯份量也不夠。失望。也不知道為什麼別人說好味。餃子正常，不過沒辣油。

原本係對面等另一餐廳，但太多人，望到呢間好似唔錯就過黎。店舖入面有15個位左右，好好彩早入左少少，坐左陣就突然爆滿要排隊等位。落單時會順手收埋錢先，之後再等食。拉麵有四款揀，加$30有埋小食同罐裝飲品，我地兩個人就只係點左一個餐再額外一個拉麵。黑蒜豚骨拉麵 $85湯底香濃濃郁，加埋粟米甜味好好味，唔會好咸同好肥膩，所以今次我可以飲哂不過黑蒜味可以再多少少重味多少少咁就更Perfect。而拉麵係幼麵黎，夠彈口又掛得起個湯。叉燒咬落好香，肉質較為實淨有咬口個種。辛辣豚骨拉麵 $85辣味可以揀大中小，湯除左食到辣味仲食到豚骨鮮甜味，無比辣味蓋過左，非常惹味，兩個比，我會偏向鍾情呢個多啲。日式餃子 $30 (套餐)煎到個底好脆，唔太油膩，但就比較細隻，豬肉餡料，正正常常。

成日經過呢間拉麵店 今次終於入左去試下 估唔到幾有驚喜😋 我就揀左豚骨拉麵 👦🏻就食辛辣豚骨拉麵🍜 我地其中一個餐加左$30 可以配一個小食同埋飲品 店員見我地唔想飲汽水 仲話唔要飲品可以有一隻溏心蛋 我地當然要溏心蛋啦😀豚骨拉麵好正 湯底好濃 有 大量蔥花 而且最重要既係拉麵仲好彈牙 叉燒肥瘦適中 味道好好👍🏻 而辛辣味真係幾辣 不過就份外惹味👅小食我地揀左忌廉蟹肉薯餅 雖然佢其貌不揚 不過味道不錯 外脆內軟😋

豚骨味>蝦蝦味蝦味出嘅只係唔夠豚骨味重姐未試過食呢個combination通常豚骨還豚骨蝦湯還蝦湯咁樣夾埋 要鹹有鹹 要鮮有鮮 幾good麵底同肉就冇乜特別旁邊可以無限refill小辣芽菜 yeah蝦味噌豚骨拉麵$85

公司搬到炮台山，附近好多食肆.....星期六下午超級想食拉麵......同同事即刻搵拉麵店.....最近就係呢間了...一人 order 一碗拉麵 ....拉麵價錢大約 $75 - $85 左右....加 $30 有小食 ...我叫辛辣豚骨拉麵 加 忌廉蟹肉薯餅 .... 賣相唔錯，但覺得拉麵辣左 d ... 麵條幼幼地幾好咬口 ....唔要汽水可以轉糖心蛋....忌廉蟹肉薯餅值得一贊 👍🏻👍🏻👍🏻我覺得好特別....不過成個餐好飽 ... 如果小食粉量少點價錢平$10 元就好了

喺炮台山油站下午茶時段附近想搵野食。發現呢間下午茶特價65蚊左右 加15蚊有小食(平時75蚊型85蚊左右個面)。面的份量同晚餐一樣咁大, 抵到!!!同埋個fd叫左1蝦味噌拉面同1黑蒜味拉面。蝦味噌拉面有埋蝦乾喺面頭提味, 新奇!?!黑蒜味拉面本身都幾有蒜味。但本人大愛蒜,所以再加左配枱上免費任加既生蒜(喺第二間拉面冇見過有俾), 蒜到爆!!!份雞排好鬼大塊, 對肉食獸黎講冇得輸了。仲有個出奇到超正既龍蝦沙律, 紫菜夾住食。抵食

某天晚上和男友到了炮台山這家開張不久的拉麵店吃晚餐，之前經過也想試但一直也忘記。我們去的是星期日的晚上九點，店裡沒其他客人，店員的態度算是很有禮貌，但好像有點忙著收店的感覺。*男友點了黑蒜豚骨拉麵，加$30轉套餐有小吃和飲品，選了日式餃子和檸檬茶。我就單點了豚骨拉麵。*男友說黑蒜豚骨拉麵味道很淡，所以他加了大量放在桌上的蒜蓉作調味，我的豚骨拉麵味道也是很淡，不知是湯還是麵的問題，吃著有種很不討喜的「簡水味」，我和男友也覺得不是太開胃，我吃了七成便放棄了。吃到一半才發覺拉麵配料沒有蛋，便加一只分著吃，果然沒驚喜，蛋黃的流心狀態是好的，但就是沒有任何溏心蛋的味，就只是純粹的蛋味，有點小失望。最正常的就是餃子了，不是特別好吃，就是正常水準。*這樣吃下來也需要$200左右，我和男友都覺得不值呀，應該便宜一點也能在附近吃到更好吃的，這家我們是不會再來了，不過我看有些人覺得不錯吃，畢竟我也是看了其他食評推薦才來的，每個人的口味也不同啦，大家就自行決定吧哈哈。