ラーメン松壱家 (已搬遷) 新店位置

早兩個星期, 同朋友收工之後出銅鑼灣, 當然要揾下有咩食啦.知道銅鑼灣有好多拉面, 一時都唔知試邊間好.個晚決定之下黎呢間, 因為見佢鋪頭環境好似大D, 食個時唔洗咁迫,可以傾到下計.收工約6點幾我地即刻出去, 我唔係好熟銅鑼灣D路, 所以覺得地點黎講有D難揾,跟住熟路既朋友行都覺得有D難.去到我地驚要排隊, 點知無咩人, 得2,3枱人食緊.朋友覺得環境比一般拉面鋪hea, 比較似一般餐廳.但我個人又覺得OK, 如果同朋友黎食, 諗住唔洗迫, 又可以坐得舒服D傾計, 呢度係一個選擇.本來想見加大$110份量, 叉燒有5塊, 好吸引.不過最後叫左普通先, 醬油豬骨拉面. 食完真係好飽!湯底我個人黎講好鍾意, 好濃, 忍唔住飲哂咁濟, 佢面會有層油, 相信係令個面同湯香d既精華.正.面黎講, 佢係粗面, 同一般幼身拉面唔同, 我反而覺得幾有口感而且飽肚.不過我加左隻糖心蛋就痳痳啦....煮得熟過頭...變左普通烚雞蛋-_- 呢個有d失望.但總括黎講好味. 有機會會再黎食!價錢都係大路價~

好鮮好濃, 仍然都係好鮮, 店方話係九州鹿兒島雞肉照instruction教, 唧啲檸檬汁落去起了化學作用.佢本餐牌上係咁寫嘅 "將雞湯與葱的濃厚同鮮甜完美融合"湯濃得嚟變得同時間, 異常清香, 係喺其他食過嘅拉麵未從有過嘅感覺雞湯嘅好處係冇左豬骨湯嗰陣肉躁味. 抵我返去食多次.自從烏骨雞拉麵龍摺後, 終於揾倒另一碗小弟覺得高質嘅拉麵, 開心哦!!!(呢間上次menu有"壓"味, 今次用力索個menu聞倒嘅係清潔劑嘅味, 有進步, 抵讚, 相信係同老闆自己落場監管樓面有關)只係唔明點解要加10%, 但no matter what都會再回來食師傅好嘢, 諗倒加檸檬, 加後昇華到另一層次隻蛋唔太流心, 但已經唔重要彷彿感受到師傅嘅愛乖乖不得了!

過往的習慣是一個人四圍去搵好食的地方，跟著便帶太太及小友去試...但今一次卻係風水輪流轉 ---- 這新開業了不久的日本過江龍拉麵店，乃是太太吃過後大力推薦給我的....是一個閒日的晚上，兩個人拍住拖攜手走進去。人不多，客人大多是獨身的日本男人以及在附近上班的OL。好像如此的COUPLE的組合，就只有我們一對....太太很熟手的在點菜紙不斷的劃啊劃，小弟則仔細參詳各種拉麵的配搭組合。最後選了特松醬油豬骨拉麵，麵的硬度要了偏硬；湯的濃度亦選了最強的....太太相反則要了沒有那般重囗味，無論麵的硬度、囗感及湯濃度皆採取中庸之道的麵豉味拉麵....看到自己的那碗濃味拉麵，湯底面頭舖了一層厚厚的油份，質地杰撻撻至跡近起膠。驟眼睇落以為會相當的油膩，但呷落只覺豬骨湯極香濃但不容易令人有頸渴及膩的感覺，確是明符其實的超濃郁。加入了的醬油令原本的豬骨湯底添了點顏色及鹹味，但卻完全遮蓋不到豬骨湯原有的甜與鮮，絕對是起了提味錦上添花的作用....麵條方面很慶幸是掌勺的是真正講得出做得到，麵的硬韌度是相當的足夠。麵本身不粗不幼的算是中等的闊度是正合我心；咬入囗是蠻有嚼勁之餘也沒鹼水味，掛湯能力更屬一流。由

在 facebook 店舖專頁看到有新張優惠，終於在優惠完結前可以一償所願，找得着時間來試試。唔貴唔試，要食就要去盡啲，選了個最貴的拉麵來試。可以自選：麵硬度，湯濃度，油膩度(口感) ，辣唔辣(spicy).我要硬麵(Al dente),濃湯，中膩，同 spicy.麵好得，有硬度，不過帶有非常輕的皂水味，唔咀尖唔會覺嘅。湯都好掂，真的很濃鮮，喝了少量喝不了，因為真的很香濃，美味~喝了也沒口乾，也沒有別家拉麵店喝到的"豬毑除". ^_^至於 spicy...原來係加了橙色辣醬 @@ 是我見識少吧，有點中伏感 日式叉燒，說是叉燒，我還是覺的它似紅燒腩肉 薄切，但厚度剛好。看似肥得很，但一放進嘴裡，全件就即溶化在口中，實在滋味無窮，再三回味之餘，吃得感動。那只蛋，一看也知不可多得，就是看，也覺得漂亮。吃嘛，當然好嘩！至於那少量的竹荀片，因為那竹荀的怪味實在强了一點，如果這是地方特色的話也就作罷，但若不是，在竹荀的處理方面下點功夫，那便完美了。

若單談食物, 個人感覺, 肯定好過1蘭, 拉面來, 拉麵Joe揀左入門嘅醬油豬骨拉麵 ($80) 要了重油濃湯, 果然好濃, 同埋留意湯面嗰層油, 知到超EVIL都忍唔住食晒,但basic嘅拉面只比一塊薄薄嘅叉燒太孤寒, 同埋我prefer半熟蛋over鵪鶉蛋佢哋用粗麵, 即係對自己湯嘅濃度有信心, 相比1蘭,用幼麵就知唔掂, 湯亦鮮味,即準備功夫做足, 冇拉面來嗰種豬臭腥味, 層次比拉麵Joe豐富,食到尾都冇需要加蒜, 雖然選擇最濃+油,食完亦冇琼左一舊嘢喺個胃嘅感覺, 只覺好滿足仲有樣嘢, 佢個湯雖然濃, 但唔會"立"口, 好怕啲湯槳住晒個口, 呢個濃, 但滑留意面層透明嘅油...加辣葱一客($10), 嘩好大碗, 但正好中和麵嘅肥膩.明知飲湯最肥但都忍唔住清晒...完全唔需要用呢啲當我唔怕肥時一定會再來老實講, 呢度 $80 + $10 + 10% = $99, 著實唔平, 久唔久一次啦, 鬼叫香港好嘅雲吞麵, 買少見少咩...ps. 有樣嘢我極唔喜歡嘅, 就係佢哋嘅menu有陣尿"壓"味我絕對有權相信有員工懶, 用抹廁所布來抹啲餐牌, 諗起好嘔心好彩餐牌拿走後, 臭味亦消失了.

面對近幾年拉麵店在本港開完一間又一間, 作為拉麵迷的宅女, 如果問我有何感想的話, 老實說內心的確有點悲喜交集的. 喜的當然是現在不用再下下飛到日本才有拉麵吃, 某些更是有日本師傅坐陣煮給你吃; 但悲的是當中亦有不少混水摸魚之仕根基都未打好, 只務求趁著這個熱潮來撈一筆. 當然不少食客們仍是心水非常清, 所以這些店過了好一陣子後便會無聲地消失人間了. 而來到最近, 這股拉麵熱表面上看似平靜了下來, 但其實也有好幾家過江龍店進駐了港島區, 當中有這家在日本分店做得頗多的連鎖拉麵店松壱家.這家去年底才進駐銅鑼灣的松壱家來自湘南, 在日本有十多年歷史, 其實以拉麵角度來看資歷並不算深. 不過直到現在巳能擁有多達六十間分店, 但當中只有十間是直營, 其餘都是特許經營的, 聽到這裡, 看來松壱家的壯志雄心全都放在商業這個方向上呢~而香港這家就屬他們首家的海外分店, 因此開業時店方也相當重視, 創辦人高層等人紛紛來港剪綵, 首日更有半價優惠, 當時的確是成功製造了點迴響. 而聽聞店方未來目標是希望把分店增加到幾百至上千間, 能不能成事實在不敢說, 還是先來一碗拉麵嚐嚐再說吧.這家銅鑼灣的松壱家地點

星期六的第一餐竟然是下午的4時多...原本想去一家樓上cafe的, 按地址上去才發現已經轉營為賣雪茄的, 上星期在找拉麵店的時候, 記得附近是有家新開的日式拉麵店, 路程不遠, 就走過去看看...可能已經是4時多的關係, 店裡沒有客人, 店員禮貌的招待我們坐下...她把餐牌送上, 簡單的介紹了它們正在推介的拉麵種類, 分別有豬骨湯(松), 芝麻味湯(國)及味僧湯等, 枱上亦放著日本拉麵店會提供的落單紙, 供客人選擇他們吃麵的喜好, 但店員對我們說, 如果沒有特別要求麵的軟硬度, 她說不用填亦可以, 我們分別點了終極忪雞湯拉麵及特松國豬骨拉麵...點裡裝修清雅, 把對街的牆改用落地玻璃把陽光引入店內, 令人感覺室明舒暢, 枱與枱之間亦不算迫, 簡單而明亮的安排令人吃起麵來感覺很好!我們的麵分別端上來, 終極松雞湯拉麵是朋友的選擇, 他說雞湯的味道剛好, 不覺油膩, 兩片的豚肉肥肉比較多, 但味道偏淡, 不覺得有特別醃製過, 再配上半隻半生熟蛋, 及少去椰菜及葱花, 朋友向來喜歡吃半肥瘦的豬肉, 所以覺得ok, 他說麵亦很不錯, 湯底味道好, 但有點不值得$118的價錢...我點的特松國豬

冇錯. 又食拉麵. 雖然自知唔太鍾意食黃色粗拉麵, 本來猶豫應唔應該試, 但發覺有得加飯, 覺得好特別, 加上天氣凍, 好想食拉麵, 結果放工黎左. 黎到竟然唔洗等位, 仲有好多吉位, 有d日本人食緊, 仲見到恭碩良! OMG.! 裏面好光猛, d位都好闊落. 同一般拉麵舖唔同, 冇浸拉麵湯底味.打開menu發覺都算幾多款揀, 湯底有鹽味豬骨, 味噌豬骨, 醬油豬骨, 國豬骨(即加左黑芝麻油同一點辣醬), 特松豬骨, 同雞骨. 唔係款款都配糖心蛋, 有d係配鵪鶉蛋. 亦唔係款款有紫菜. 花多眼亂下揀左蔬菜國豬骨+紫菜+飯.湯底算香濃, 唔算油 (介乎博家同Ramen Jo中間). 叫蔬菜國豬骨果然係有好多菜.  估唔到除左椰菜, 仲有菠菜.亦有好多筍. 不過全部都只係普通好味. 不出我所料我唔鍾意食佢的麵. 係有蛋味但麵太粗實在唔掛湯. 蛋OK但唔特別好味, 同埋得半隻…叉燒好肥, 膏多過肉.+紫菜都幾慷慨, 有成5大塊. 跟住佢個指示先將紫菜浸湯, 然後機靈地張紫菜包住d飯, 在加d芝麻同豆瓣醬食….Oishii~! 日本米果然特別好味. 豆瓣醬好香, 加埋芝麻更加香. 結果成碗飯食

新店新店，又去趁一趁熱鬧。雖然位置離港鐵站有些距離，亦很好找的; 店舖內色調格調跟一般拉麵店很大分別，不是用木色及柔和燈光，是用光刺刺白光管，加上枱櫈款式及擺放，不看店名或服務員制服，必定以為到了港式粉麵店。一入舖內，一個日本職員已經打招呼安排座位(￣∇￣); 多款不同湯底拉麵: 醬油、味噌、鹽味，可選多菜款式，“國豬骨拉麵”幾特別，所以點來試試先喝一啖湯，Mmm...湯底好鮮濃，不稠 ，麵條粗粗的，煙煙靱靱;只有一片叉燒，入口即化，份量太少，吃了也不自覺; 蛋ok，食落細味到有點點甜味; 特別欣賞它的大葱，新鮮蔥味凸出總括來說，味道佳，麵正，份量(對我來說)頗多，差點把湯喝光，一碗不錯嘅拉麵。(吃到最後，竟然才發覺沒有放紫菜啊)

昨天食評：今日開始挑戰港島區拉麵，會周圍試以希望找到香港最佳的3店！😁尼間叫松壹家，在下來之前已經了解過一點點背景⋯就是松壹家在日本裡是多方面發展的企業，正正因為這樣，拉麵並不是他們專注的地方，在日本本土裡並沒什名氣⋯所以，來之前並沒有用期望的心態到來到達新會道時，仍然看不到壹松家⋯顯然此店較隱閉⋯進入店門時，被非常非常差勁的裝修嚇傻了⋯這裡的裝修⋯連茶餐廳也不如⋯像什麼？我想或許似車仔麵店⋯也許似醫院飯堂⋯其實裝修也不一定要甚麼樣的⋯像『隱家』的裝修已經很ok了，最重要要讓客人有日式feel吧⋯你總不能要顧客去一個醫院飯堂裡吃法國大餐吧⋯建議快速補救的方法，應在雪白的牆上掛上拉麵/歴史或拉麵介紹海報，或以多塊木牌掛上產品名稱⋯然後點單後先來的是水跟汽水⋯非常差既配置⋯水是溫水而並不是冷水或熱茶（當然最希望是貼近日本的冰水）這是很基本的⋯而汽水並非在下進食拉麵前常規點的東西⋯係因為提供的水不ok⋯然而瓶裝汽水來了⋯卻發現店裡是不提供飲管的⋯甚麼可能會這樣？？？明顯店方準備不周⋯非常不細心⋯而這裡是沒有啤酒提供的（可能是因為酒牌關係）到醬油豬骨拉麵上枱了（字眼上應用“豚”不是豬，這是自我

若香港餐飲業有進行統計的話，相信日本拉麵店會被納入為近年增長數目最高的餐廳種類。就算不太鍾情日本拉麵的朋友，相信也會留意得到，大小不同的日本拉麵店紛紛進駐香港的情況，趨勢還似有增無減。 "橫濱家系" 的松壱家屬於日本拉麵界的 "家系" 派別，亦是新進的過江龍。 松壱家燈光明亮、佈置簡潔、白檯配紅椅，倒有點像港式餐廳，日式拉麵店的味道不濃。店的後排設有一個玻璃房間，正是泡製拉麵的麵房。每張檯旁均設有小鋼架，架上放置了蒜蓉、辣醬、胡麻等調味醬料。特松醬油豬骨拉麵豎立了如圍牆般的海苔，我對海苔絕不討厭，但卻未曾見過一款拉麵配上起碼八大塊海苔之多，原來這是 "家系" 的特色。除了自行添加了椰菜外，原有的配料亦相當豐富，有菠菜、芽菜、筍乾、鵪鶉蛋、調味雞蛋、辣味白蔥及叉燒，就是集結了松壱家所有拉麵配料的大團圓版。每款配料的質量和味道也相當稱心，最愛調味雞蛋，還有嫩綠清甜的蔬菜，而叉燒的質量也相當高。調味雞蛋原隻盛上。雞蛋外層呈淺啡色，蛋白質感保持幼滑，附有甜香；一咬如潤蜜的糖心蛋黃隨即流出，蛋香豐郁怡人。叉燒肥瘦勻稱，不會感到過多脂肪或過瘦的乾枯感，因此入口非常軟滑，也不會產生膩意！若烤香更顯著

Kawai 雖然家在大西北,但事實上,我是行到邊食到邊的!早前,在銅鑼灣上班的好友,告訴我舖頭後街開了一間新的拉麵店,還會做三天的半價試業優惠,好!就來試一下吧! 老實說,我是衝著半價 + 有朋友陪我才會排隊當日3點多,都有大概十多人在排隊,門口亦有應該是日本代表幫手維持秩序,大概等了十多分鐘就安排我們入座了~ 餐廳裝修一點都沒有拉麵店的感覺,紅紅黑黑的比較像茶餐廳店員說,因為是試業,所以只有一款拉麵供應,就是「醬油豬骨拉麵」等了兩分鐘左右,就見到我的拉麵出現了這麼快,應該不是落單後才煮,而當天只有這款選擇,就是密密煮密密出菜 兩分鐘的等待時間,可以做到什麼,除了拍拍照就是八掛,身邊兩位人客說,舖頭上手都是賣拉麵的,之前經過都是冷清清的,捱了一兩年就結業,裝修都沒有大改變,應該是沿用上手留下的.....Kawai, 平常很少行過新會道找吃,所以沒留意上手是什麼 @.@ 用了兩分鐘製成的「醬油豬骨拉麵」~賣相方面,除了刀叉燒比較小之外,大致上與相片一樣~ 先喝了湯底,完全是豬骨拉麵的濃厚質感,喝下順喉,感覺不錯,紫菜亦比坊間的拉麵多,足足有三片,而且是乾身脆的~ 不過,拉麵就相對比較失色

本身想去新既inn side out,但行到盪失路都未行到，結果行左黎呢間拉麵店。見到好似幾好食就入去試下。一入到黎就簡，發現就咁睇張紙係睇唔明的…要睇menu先知有乜分別。價錢都幾貴下…我見到有個好似係辣既叉燒拉麵，就簡呢個，即係最貴…價值$125既…上到黎…最滿意就係紫菜數目！比好多間既多！好好食！勁香勁脆當然要試下湯底先。好濃！好似唔錯。要攪拌下2....唔辣既？有啲失望………之後食蛋，一共有隻半。全隻既係糖心蛋，幾好食。但隻半略嫌太多。麵質雖然無得簡軟硬度，但都幾適中，幾好食。不過湯底太溜…食到一半已勁飽…食唔曬……朋友同我一樣…只食了一半………飲品方面，得水提供，想加錢汽水都無。還是喺日本食都係咁？值得一提係都幾多日本人黎食，見到兩台都講日文，店員都識日文同廣東話。令到我都有小小感受到日本感覺。不過裝潢真係太簡單，好似係food court咁…要用$137.5(有加一)去食…真係有啲唔化算…下次唔會再來。

很不錯的国豬骨蔬菜拉麵豚骨脂香濃郁，與黑芝麻油配合得宜；厚身蛋麵幼滑有蛋香。定價不低，但可一試!Very good Tonkotsu soup with black sesame;Good, springy, egg noodles;Very nice char Siu.Worth a try! Out of the MIST:Located at where MIST used to be. The way the tables were arranged were also similar but slightly more cramped.A bit cramped with no partition between seats. This could be improved.Menu:This shop first started in Shounan Kaganawa at 1998 (next to Yokohama). They serve Yokohama style tonkotsu ramen, known as "Yoshimura-kei" ramen, wh

網上看到這家銅鑼灣新開的拉麵店新張期有半價，只做三日，每碗只售四十元，加一便是四十四，價錢上實在吸引，抱著貪便宜的心態，雖然這裏遠在銅鑼灣仍趕過來吃。銅鑼灣新會道四號這個鋪位本身極富傳奇色彩。曾經野地球上第一間奪得米芝蓮星的拉麵店MIST，到泰菜sawasdelight，然後MIST的班底回歸開了raIRONmen，延續拉麵fine-dining的傳奇，可惜幾個月前還是扺不住租金結業了。現在則成了ラーメン松壱家開拓海外市場的第一步。吃之前上網看過其他一些blog，知道這個集團在日本有六十間店，這裏是他們的第一間海外分店，他們在日本的排名亦不算高，加上是新張且做半價，便沒抱太高期望了。現在上網要找飲食資訊非常方便，至少知道第一天開業便因半價而吸引不少人排隊吃，所以來的時候已有要排隊的心理準備，不過可能因為天雨關係，排的人不算多，只有大約七八人在輪侯，我們等了不過十分鐘便能坐下。店外有一名穿西裝的日本人(我猜，因為他操流利日語)在管理人龍(或許稱不上人龍)，店內的待生似是一半以上都是日本人，流利的日語加上幾句咕嚕不清的廣東話，應該是新開張還未請到足夠本地人吧！還好仍有兩三個港人的待生。餐廳