一冰廳

營業中

休息中

平時好少嚟荔枝角，今日過開嚟做嘢，見肚餓就附近搵餐廳，之前食過土瓜灣嗰間都覺得幾好，不如試下荔枝角呢度啦，粟米通心粉，仍然都係咁好食，夠濃夠味，唔會話撈左通粉就淡哂味，我上次我係加午餐肉，今次試下加個咸牛肉落去，出奇地又好好味，又唔會太鹹 ，咁個炒蛋係有水準嘅，炒後啱啱好，唔會太老唔會太生，我夾埋個丹麥多士一齊食，我覺得係超正啊哈哈，如果下次我再嚟荔枝角做嘢，都會返來再食嘅，利申唔係打手啊，係難得食到一間樣樣都好食嘅餐廳先寫下，哈哈。

4/5/2024📍一冰廳🙆‍♀️幾鍾意飲粟米湯 特登嚟食佢嘅粟米濃湯通粉嚟食呢日掛紅雨 中午都冇咩客人留意翻餐廳只係開到下晝五點 唔做晚市㗎！我哋之前都差啲摸門釘😂⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨鮮粟米忌廉湯通粉 配蔥花炒蛋 + 丹麥多士 （$51） + 奶茶紅豆冰 （$7）粟米湯冇想像中咁甜 唔似野飲果種粟米湯咁甜 有啲失望🙂都唔係好濃粟米味 似忌廉湯加咗粟米🌽通粉嘅配料揀咗鹹牛肉 份量都唔少 同個湯都夾鹹甜咁食都幾好昩味蔥花炒蛋只係係原本嘅炒蛋加咗蔥 唔加好過加😅 但炒蛋都係好滑嘅👍🏻丹麥多士一定好食㗎啦 脆脆哋甜甜哋 入面好鬆軟 都幾重牛油味奶茶紅豆冰飲過有少少酸味 但我哋飲完都冇肚痛嘅😌✨芝士咖哩蛋包飯 配烤雞 （$61） + 生椰拿鐵 （$7）芝士汁似龍蝦伊面果種汁 偏杰身咖哩汁有少少辣 但唔食得辣嘅🙆‍♀️都覺得可以接受烤雞幾大件 幾嫩滑👍🏻蛋包飯嘅賣相都唔錯 比起其他食蛋包飯嘅餐廳平咗一大截生椰拿鐵只係普通咖啡 完全冇椰子味⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋兩個人食咗 $126 （冇加一）係幾唔錯嘅茶餐廳 平平哋食一餐都幾好 推薦指數🌟：3.5/5📍 荔枝角長

睇咗媒體介紹，被那日本粟米湯湯底吸引，就響星期六下午茶時段，諗住非繁忙時段去試吓。雖然去之前都參考過open rice上面食評既評語，已經點咗一的相，影得比較靚，並且較低技術既菜式- 招牌常餐，點知都係非常伏 ：粟米湯餐肉粒通心粉餐（影相靚）粟米湯（完全冇味，唔會好似媒體主持講咁樣，好味到一定要食曬成碗通心粉咯！超失望）餐肉粒（預制又硬又乾，勁難食，我有的懷疑係隔夜）通粉 （普通）多士（預制又凍唔熱，難食）䓤花炒蛋（得個樣，唔係好熱，冇蛋味又冇蔥味，唔好食咯）奶茶紅豆冰（+$7 係平既，但光有茶味，但唔夠厚）沙嗲牛一丁餐熱央（難飲，飲咗1/4杯，就飲唔落去）一丁麵係唯一正常發揮，上枱夠熱。沙嗲牛（就唔係太好食）多士及蔥花炒蛋（同一評語）兩個餐雖然係平，只係$109，但已經揀咗的招牌常餐，點解都煮得咁冇誠意呢！我寧願你收貴啲！新鮮做多士，炒個蛋同煎餐肉，真係咁難咩！？我都係懶自煮至去茶餐廳食啫！出品差過我自己煮，就真係接受唔到囉！Sorry， 真係冇下次！

一如既往搵早餐食，而今次的一冰廳我幾鍾意食佢既沙嗲豚肉麵。好香的沙嗲味，份量適中。好想讚佢地的服務，令客人感覺好舒服。喺普通價錢的茶記來講，佢地真係做得唔錯。值得回頭👅

晨光微露，腸仔蛋熱辣辣，奶油脆豬一件件咬落嘴唇又厚又滿足，火腿通粉香味撲鼻而來🥣。溏心蛋神采飛揚，火腿切得厚實，每啖都有著營營彭彭嘅歡樂感。尤其係湯底，滿滿嘅粟米風情，暖笠笠真係好解饞。熱杏霜對我黎講真係神來之筆，啱啱好嘅甜度，夠哂暖！仲有你以為唔夠料？腸蛋又係硬朗中帶著鬆化嘅對比，唔講唔知，啖啖正宗。飲品迎接熱辣辣嘅早晨，真係要有杯啖啖甜度啱啱好嘅熱朱古力💖。啫喱嘅口感、樣樣嘢都係咁地道，平民價格食到咁嘅手藝，真係已經幸福到彈起！我會再嚟，下次目標沙嗲肥牛麵，等我嚐嚐另一番滋味。荔枝角多咗我嘅開心早餐回憶🍲。

行過荔枝角，肚仔餓咗，就揀咗間茶記嚟填飽肚。🍜 個人推介佢地個「鮮粟米忌廉湯火腿通粉」，湯頭滑滑地，粒粒粟米咬落又甜又香，一啖火腿，咸香得嚟彈牙，順滑既通粉都吸滿咗湯汁，食落令人滿足！「奶油脆豬」真心不得了，啖啖脆皮，配埋黏牙既奶油，一啲都唔膩口，真係perfect match！至於旁邊既腸蛋，腸仔香脆，煎蛋雖然微過熟，但都係滑嫩，食落舒服。選咗杯熱朱古力，暖笠笠，咖啡香濃郁，甜度啱啱好，暖笠笠既飲品令整個早晨都暖笠笠。🍫🥐 這家茶記既地點好正，幾分鐘就行到地鐵站，環境清靜，服務又好，好啱朝早起身未開工前嚟渡過個悠閒早上。下次打算試吓沙嗲肥牛麵，聽講都係出名美食之一！总之，呢度係個記住嘅好地方，真心推薦大家嚟試試！👍

講起值得試嘅茶餐廳都會聽到呢間嘅名，主要因為佢哋嘅出品有誠意，同一般茶記唔同。👍🏻常餐A($51)（凍飲+$3）鮮粟米忌廉湯通粉🌽🥣呢個係佢哋嘅名物，粟米忌廉湯味道偏甜，帶少少奶香質地稠身，但又未去到明顯加好多麵粉做出嚟嘅稠，作為通粉湯底，我覺得係啱啱好。😙當然食耐咗會有少少膩，小編建議加少少黑椒，有多啲層次。😋至於餸我揀咗午餐肉，冇乜特別。😃招牌炒蛋🍳炒蛋原本以為冇乜特別，但反而幾有驚喜。🥹原因係炒蛋幾香蛋味，而且非常滑身，亦唔會過分油膩，調味亦都啱啱好。😁厚多士🍞原本想揀丹麥多士，可惜店家話已經冇晒。唯有叫返厚多士。🫠多士中間會有層薄薄嘅牛油，調味尚算可以。幾欣賞佢烘嘅程度啱啱好，唔會過分乾，亦唔係求其烘一烘就算。😉凍奶茶🧋味道正常。🙂

一冰廳同一般茶餐廳唔同 冇炒粉麵飯 反而添加日式元素 夠晒fusion特別 又不失香港地道風味✨.📌鮮粟米忌廉湯通粉 $48嚟到當然係食招牌常餐💖店主受日本罐頭粟米湯啟發 自創自家打成嘅新鮮粟米忌廉湯底 唔用罐頭🌽湯頭濃稠 好似平時粟米餐湯咁 清甜中又帶牛油同忌廉奶香🥛🧈掛滿喺每粒通粉上 香滑creamy💛通粉仲可以揀軟硬度 硬身更有咬口😚.1️⃣午餐肉-食得出係高質野 唔係大陸罐頭 有啲煙韌豬肉碎 煎香過 唔會好淋 味道唔過鹹 配搭湯底 鹹甜鹹甜好夾🥓2️⃣粟米-份量好多 豐富左整體粟米香甜味 仲有粒粒咬口🌽.1️⃣蔥花炒蛋-蔥同蛋真係最佳拍檔 蔥花保持到爽脆感 好香口 蛋夠滑又濃蛋香 不過就比較油🥚🌱2️⃣西煎雙蛋-太陽蛋冇overcooked 蛋黃流心 蛋白煎香微脆🍳.1️⃣厚多士-烘到脆卜卜 好厚身 唔乾 走油再加蛋 正🍞2️⃣奶油脆豬-多士+$10可以轉 烘到外脆內軟 帶點煙韌 鹹香牛油搭配香甜煉奶 呢個組合冇得輸🥛🧈🥖.跟餐凍飲+$31️⃣凍齋啡-味道好淡 微微甘苦☕️2️⃣凍好立克-奶香味好淡 但勝在唔會好甜 同埋冇結塊沉底情況🥛

難得黎到呢頭，本身求其搵餐廳🍴打算快食快走😂😂😂經過餐廳門口，見到啲廣告相好似好吸引🤩🤩🤩🤩一於入去試下先🤤🤤🤤入到去，位置比一般茶餐廳都乾淨😂😂睇完meun叫野食，叫左2個滑蛋飯🤤🤤🤤食物黎到之後，賣相十分得👍🏻👍🏻👍🏻👍🏻🤩🤩🤩🤩齋睇個樣都覺得好好味🤤🤤食落口之後，嘩🥳🥳🥳🥳好好好好好味😂😂😂啲蛋真係好滑🤤🤤🤤超級推薦👍🏻👍🏻👍🏻👍🏻價錢合理👍🏻👍🏻👍🏻🫶🏻🫶🏻一定會再黎🤩🤩

 前日(7-10-2023 Sat)晏晝,同老公行完D2食晏,我記得有呢間,於是走嚟,嚟到時,卡位滿晒,只剩返一張六人卡位,我都唔好意思坐埋去,但佢哋話可以坐,於是坐啦,點知坐低後至發覺原來對住廁所,我哋睇menu,由於有好多嘢揀,而我又唔太肚餓,,所以睇耐咗,睇到有好啲嘅位吉咗,於是調位,亞姐見到都好明白,重話俾我哋知有一張卡位吉咗,咁我哋就坐啦.研究完就要咗:1. $51.00嘅常餐C,沙爹黑豚一丁有炒蛋,轉通粉同丹麥多士.我先食沙爹黑豚通粉,沙爹內有花生,香香地辣辣地;黑豚通粉口感同味道都正常.3.16分丹麥多士烘得啱啱好,咬落去,佢係一絲絲嘅,而牛油亦落得啱啱好,唔錯.5分而炒蛋就嫩滑.3.5分 2. 跟餐嘅熱奶茶我唔落糖飲,係正常嘅茶味,但唔太澀,OK 嘅.3分3. $66.00嘅午餐B櫻花蝦明太子蛋包飯配吉列蝦有3隻吉列蝦,而原來落佢哋唔加味精嘅粟米忌廉汁,我試吓先,味道係唔會太鹹亦對版,櫻花蝦味道好出,蓋過咗明太子嘅味道,蛋係嫩滑;而飯係有茄汁炒飯,微微地嘅酸甜;吉列蝦炸得啱啱好,食到炸漿嘅淡淡香味,蝦亦爽口.4分4. 跟餐加$7.00嘅生椰latte我試吓先,唔會太甜,

近年少有遇到滿意嘅炸髀，大大隻，唔會乾淨淨。個下午茶餐仲包埋紅豆冰。一個字 掂 ！👍🏻不過，冇得配薯條。$28個餐，抵到呢。唔知邊度仲可以吃到呢個價。值得回頭再試。😎

今朝早陪老婆過去長沙灣蔬菜統營處攞水耕菜，所以，跨區過嚟荔枝角食早餐，因為佢時不時過嚟荔枝角買嘢，可以講仲熟過我，而今次試呢間「一冰廳」都喺佢主動推介我試下。晌餐廳鋪面，喺見唔到餐廳招牌，其實喺工廠區通常見到呢個現象因為好多時呢啲餐廳都喺攞食堂牌，不過，就當普通餐廳，照樣對外開放。 入到去，一室鮮橙色襯白，加埋燈光光猛，地方整潔，睇落令人幾醒神；天花更以餐廳嘅英文造成光管，左右兩邊都喺啲4人枱或卡位，而中間就喺6人枱，排得比好多茶餐廳較為鬆動。嚟嘅時候都成十點幾，所以，客人唔多，但望上去就算坐滿，起碼都唔會背貼背，有少少隙位走盞下。 講講餐牌，都有啲花臣嘢。先講講食物，呢度嘅早餐非常多元化，有簡單嘅三文治午餐，亦有扒餐、全日早餐……，甚至乎飯餐都有，而且啲選項好多彈性，定價亦唔會話好貴，絕對突出到茶記嘅精神。用水筆直接喺餐牌上的度剔，剔好就交俾店員落單，另類環保做法。 而餐具就放晒晌枱面側，仲有簡單嘅調味料同紙巾。 歐陸早餐（板燒雞扒） $47老婆話辛苦咗一輪，今早食好啲，再者，今日食得晏就諗住一餐當兩餐。份早餐內容就幾近似另一款早餐「全日早餐」，只喺少少差別，就喺多士換成牛角包，另多

位於荔枝角的一冰廳，雖然午飯時間特別多人，但試過他們的套餐後，賣相和份量十足，選擇內容也很多，跟朋友同事一齊開飯，朋友點了咖哩炸豬扒飯，賣相也不錯，份量也十足，算性價比較好。今次我自己選擇了他們比較出名的是滑蛋蔥花叉燒飯，雖然口味比較濃，但蛋跟叉燒的融合，還是產生很好的口感，但整體還是合格的，另外飲品種類也很多，我選擇了比較多人叫的凍檸茶，茶味適中，用鋼杯令到溫度保持冰凍，這方面也特別細心。整體評分：服務4分 環境3分 食物4分 價錢3分

睇到雜誌介紹呢間冰廳，粟米湯係用新鮮粟米打出嚟，並非罐頭湯，於是特登過去幫襯我哋嗌咗A餐：鮮粟米忌廉湯通粉- 粟米忌廉湯，確實係有好濃郁，同好香嘅粟米味，不過個湯其實味道偏淡- 餐肉：係切粒上，不過都夠脆，冇俾湯浸到林晒- 炒蛋：微暖，微暖嘅炒蛋已經唔合格，我哋係晏晝12:30到，唔知係咪為咗要遷就多人時段，所以啲炒蛋係整定擺喺度？- 我哋加咗$10嗌芝士火腿牛角包，成個牛角包係腍啤啤，一啲都唔脆，更加係唔熱嘅，而且唔好食- 餐飲嗌咗杯凍朱古力，居然飲落去係熱嘅，如果唔係有幾粒冰喺度，我會以為佢俾錯咗熱朱古力俾我總結，成個餐，除咗個粟米湯同餐肉係可取之外，其餘所有全部唔合格、唔好食！！

吃早餐，是我人生養成的第１個好習慣，茶餐廳早餐更是吃了Ｎ年，仍然愛！Open Rice發現荔枝角有一冰廳，坐巴士經過無數次，今次終於來吃，早上未到９點到達，生意非常好，果然人氣暢旺！是日早餐，包括以下的：#餐肉炒蛋公仔麵：雞蛋可以選(太陽蛋、熟蛋、炒蛋)；公仔麵可以揀(軟、普通、硬)，人性化茶記；午餐肉煎得剛剛好，加了芝麻，要讚１個，整碗麵唯一不足是炒蛋不夠滑，可能點煎蛋會更好！#即磨咖啡：多奶走糖，我喜歡的味道！會再來吃早餐。