影片
以上資料只供參考, 請與餐廳確認詳情
招牌菜
因為未食過雞煲，咁啱有朋友入黎探我就一齊去食啦。大埔都有幾間雞煲既選擇，但係就以一品紅較為大間同寬敞，可以放到bb車既只有呢度。因為第一次食既關係，就點了一個招牌既一品紅雞煲啦，為左就我唔食辣就要左唔辣既雞煲，賣相不錯，頭幾舊雞就唔係太入味，到後尾嗰啲先較入味，入面有好多配料，好似比雞仲要多呢，而且叫半隻雞唔知點解有兩個雞頭同兩隻翼尖。另外仲叫左雪花肥牛，豬頸肉，美國桶蠔同米線。雪花肥牛都幾細碟，切到好薄但係都幾新鮮，有肥牛味。豬頸肉賣相幾好，粉紅色薄片，不過實在太薄，如果唔夾住黎淥真係會搵唔番呀。最後就梗係要講我至愛既桶蠔啦，一送上黎就要第一時間淥黎食，可惜咬第一啖係臭既，跟住其餘4隻都係臭的，唯有叫經理黎投訴一下，經理唔知講左乜聽唔到，但都願意換過碟，再來的一碟特別加多兩隻比我地，終於成碟都冇臭，都有蠔味的，唔會講得上好有鮮味，不過由於第一碟既印象唔好，所以就算換過都覺得嘛嘛呢。埋單五百幾蚊好似俾人搵笨咁，以後都唔會再黎!!
繼續閱讀
最近有很多不同的朋友到香港, 上次帶了韓國朋友吃雞煲, 另一個吃潮洲菜, 今次美國回來探親的朋友指明要吃 "響鈴"!那就 encore 雞煲吧! 餐廳光猛, 冷氣十足, 感覺光鮮~訂了7點枱, 一行9人前後腳到逹.準時到逹, 7點入坐, 還沒有很多人.甫進餐廳就被"醬料吧"吸引了!林林總總, 由花椒油到沙嗲醬一應俱全!(吃火鍋, 鍋底固然是重點, 但撈私家醬料也是火鍋的一大樂趣呀!) 雞煲 (小辣)其實味道不錯的, 不過比它好吃的雞煲還是挺多的.偏甜, 不夠麻不夠香~ 所以有點比下去~ 醉雞鍋雞的份量挺多的, 但酒的味道不夠~ 湯底材料較豐富, 藥材味突出, 但不是人人喜歡由於叫了太多火鍋料, 以下只記錄一些有特別評語的 : 手打墨魚丸好久沒吃到真正的手打墨魚丸了!!真材實料, 沒有什麼味精~彈牙爽口, 必食推介! 響鈴炸得很鬆脆香口!就算在湯內放久了少許, 還是很脆!朋友吃得很高興, 前後吃了3碟!! 本地手切牛肉 (下)真的沒有什麼牛肉香味.. 失望 滑牛肉 (上)很淡, 認為滑牛如果醃過會好吃很多! 美國肥牛 (中)最好吃, 不過份量有點少~ 蔬菜蔬菜都很新鮮, 看上去也挺乾淨的~感覺可以放心食用~ 最後埋單每人 $225, 但其實我們多叫了, 也喝了數瓶啤酒.如果叫正常份量, 應該每人大概$200就可以了, 還是挺合理的~
繼續閱讀
今日興之致約左一班好耐冇見的粉絲開飯~難得齊人~緊係做我地都最中意的打邊邊LA!有粉絲就提議唻呢間,話之前試過一次好唔錯~所以決定再黎~!因為太即興,所以黎唔切訂枱,唯有早少少去攞位,約左7點,餐廳唔係好多人~餐廳唔算好大,10人大枱唔多~得兩張,3,4人的話可以舒服D坐卡位,我地5,6人就有小圓枱,枱同枱之間冇咩路走,好迫,坐左就最好唔好郁,因為頂好易到人地的枱~噢~~服務員安排左我地去個埋邊的圓枱,都几近廚房,我地問可唔可以坐第二張,佢就話比人訂左OK~ 坐下了~發覺冇咩空調,同服務員,佢話啱啱開,等一下就涼,OKOK人未齊~點住D小食咬住先~除左打邊爐的食物,仲有舖頭推介的麻辣小食,我地就一定全力支持LA!! 麻辣小食有木耳皮蛋牛肉片~除左係三種係唔同出品所以唔同口感之外,三款味道好一樣,好重口味~唔涼唔辣得個咸字~麻辣鷄煲 - 個煲上枱時唔似得之前食過的好大炸炸聲~而且感覺仲好水~一D''熱氣''都冇~服務員叫我地唔好搞佢,尤得佢煲下先~等左陣~終於有得食~打開蓋冇左種爆燒洋蔥的熱氣感覺~鷄切睇黎切得太細,一收左水就好似冇乜肉食,經服務員的指示亦煲得太耐~開始有少少鞋口, 因為有粉絲唔辣得~所以我地清清地點左個小辣,黎到真係小辣得好交關,唔單止唔覺得辣,仲覺得有少少甜~真係頂隱~之後如常加湯做火鍋~呢間舖真係加湯而唔係加水~越加就越咸,最後几次我地特別只係加清水就可以了~火鍋配料尚算新鮮~講好出色又唔算係,款式唔多又唔係好特別,冇乜安哥的衝動,海鮮同牛會係唔錯的選擇,但我地有粉絲唔食牛,所以我地點其他食物為主~!!但係魚皮同炸腐竹就強差人意~唔要求佢係即炸或自家出品了,佢淋晒唔脆口的感覺~有點失望真係想退左佢 V_V一邊打一邊覺得好熱,有粉絲仲要拎紙巾出黎抺汗,我覺得這就係一種對舖頭的不敬,我地同服務員提議可唔可以開大少少空調,佢地就話已開到最大~唉~早知一早就轉個張唔近廚房的枱啦~~由於真係太熱,即使飲凍野都解決唔到呢D難受,所以食完都未傾多兩句就走了,難得相聚的飯局就咁被破壞了~到我地走的時候,那聲稱比人訂左枱的枱子仲係吉吉冇人坐的啊~總括黎講..算係見識過佢的出品~可見的未來相信唔會再見,真心希望佢地他日可以有所進步
繼續閱讀
昨晚同老公都好想食雞煲，大埔墟馬會隔离個间轉左食法之後，就好似無雞煲食，之後同事就介紹左呢間俾我！我地兩個人叫左半隻雞，少辣，再叫左D餸打邊爐！我地叫左一碟牛，牛栢葉等等....我地食到咁上下加湯打邊爐，平時去食個D,加左湯之後，已经變成好淡，但呢一間就唔係，加左湯之後，D味盡好濃郁！好好味！👍我地兩個人食原本要3百幾蚊，但星期一至四都有與，所以最後都係二百幾蚊！
繼續閱讀
其實都已經去過幾次呢間食！個鸡煲同親男朋友去都嗌小辣，但已經好有味。即使加左湯都唔會覺得唔好味,應該係因為d汁較濃。手切肥牛好新鮮，幾次都係嗌呢1款！真係要推介一下呢間既炸響鈴同埋手打丸。響鈴即叫即炸. 上枱既時候熱辣辣^_^手打蝦丸都好爽好彈牙*有水準既手打丸。蔬菜品種都幾多,而且新鮮=]宜家仲推出越黎越多野,好似芋絲,峰巢豆付,付皮卷等都係我既大愛。服務員方面. 都冇咩大問題！d人好nice價錢雖然有d貴. 但係我覺得係值回票價^_^
繼續閱讀