影片
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
10/10/2024晚餐來到這餐廳，之前都食過幾次，這餐廳有多國食物。有套餐及定食選，點了二個套餐及一個定食，套餐有小食及甜品跟。菠蘿咕嚕肉配飯，酸酸甜甜，好開胃，份量足餐湯有中湯及西湯，是晚選了西湯，係忌廉湯，唔錯。芝士焗鮮茄牛肉醬千層麵，好香好滿足，焗麵，上桌時，熱辣辣，要小心。跟餐小食~小酥肉，好脆跟餐甜品~芝士餅，好彩小小一塊，個餐太大份。台式肉燥蔥油雞扒飯，都唔錯跟餐小食~什菜沙律跟餐甜品~泡芙仔另有餐茶。
繼續閱讀
平日晚上，二人晚餐，一個雞皇飯一個焗豬扒飯，味道不過不失，最少份量足夠仲有兩杯凍飲，加埋都係百多元港幣，有時真係要支持吓留港消費，但係商舖都要爭氣，如果唔係個個都走咗去，加油努力，製作合適食品！
繼續閱讀
今日和爸爸和弟弟往黄大仙一品螞蟻食下午茶,我們點了珍寶腸煎蛋拼雞扒配凍奶茶,雞肉粟米炒飯配熱檸蜜和無骨海南雞米粉配熱奶茶,珍寶腸煎蛋拼雞扒賣相吸引,珍寶腸大大條,食落香脆彈牙,雞扒肉質香脆鮮嫩,食落啖啖肉,太陽蛋食落有蛋香,黑椒汁辣度適中,粟米粒味道香甜,白飯軟綿,白飯拌上粟米粒,黑椒汁和太陽蛋口感一流,整份珍寶腸煎蛋拼雞扒賣相吸引,份量十足,口感一流,凍奶茶茶味香濃,奶味香滑,餐廳座位舒適,食物美味,份量十足,我們食了一頓豐富大份下午茶
繼續閱讀
慢煮豬軟骨米線叫左麻辣湯底*小辣碗麵黎到紅卜卜已經好覺得伏食啖麵麵質真係好似杯麵連湯底都有陣so味？！算 當打麻辣湯底邊爐但愈食愈….豬軟骨似五香肉丁 真係好似似得個3小舊？！份量好小加杯熱奶茶無奶味又茶味 好難飲呢d水準如何做到？
繼續閱讀
呢間一品螞蟻都好嘢，叫碗豬軟骨飯，竟然連膠袋都比埋你食，同職員講，佢地竟然唔出聲想攞返碗飯算數！連唔好意思都唔主動講，跟住我就話連膠袋都加堆落去，即算點，佢先話咁我同你地取消！難道會有人繼續食！叫佢叫個經理出嚟，又話經理行開咗。我個碗麵就無特別問題，之後我朋友再叫咗其他嘢食，個經理先冒出嚟話唔好意思，係個廚司煮埋落去跟住就走咗。講真，有問題，態度係最重要，見佢地做餐飲飲食，做到咁，真係好懷疑點解可以仲係到，基本顧客服務知識，應對應有嘅禮貌都無，又明白點解留唔到啲客。有問題係要有誠意解決，不是當無事發生，得罪顧客！食膠袋可大可少！希望其他人幫襯都要小心！
繼續閱讀