一品雞煲火鍋

營業中

休息中

一品既雞煲，真係一流味濃，野味，夠香黎到，真係可以食兩煲，唔洗叫其他野都得🤣一一一不過講笑姐，都叫左啲邊爐料，就無多影，因為普通野黎，但都要推介下依碟牛，大size百零蚊都好有牛味，又唔鞋，唔錯一一一

雞煲系列有好多款式，但全部都有半隻同一隻之分。麻辣秘製雞煲﹑原隻鮑魚雞煲﹑牛什雞煲﹑金蠔雞煲﹑鴛鴦雞煲(秘製雞煲加新鮮田雞)﹑花膠雞煲﹑花膠海參雞煲﹑三寶雞煲(花膠﹑海參﹑鮑魚)可自行選擇口味(不辣﹑微辣﹑小辣﹑中辣﹑大辣﹑勁辣﹑不麻﹑小麻﹑多麻)關鍵在於麻辣的香料，多達十幾種，一齊炒既要麻也要辣，讓麻辣的味道成為雞煲的主角，反而雞已經成為配角。美國雪花肥牛﹑雲吞併韮菜餃﹑鮮淮山﹑莧菜﹑全部都很新鮮！

以前係呢頭返工成日收工都會食一品今日咁岩經過就去左食兩個人叫左一隻雞（太耐無食想食多啲）秘製雞煲$290我地叫左小辣都有啲貴 記得以前食260咁上下份量一般 有啲位無左但個味道就仲係果隻味道！！一品個醬真係好好送飯因為叫左一隻所以無叫到牛叫左份脆骨腩 午餐肉 再叫多左份芫茜脆骨腩份量太少 仲要比晒中間粗骨位可以食既其實只有4-5舊$100只食到4-5舊的確有啲失望最黎當然有點招牌大大杯既大檸茶啦咁大杯唔洗就住似真係好開心總括黎講雖然貴左 但味道無變既只不過係口痕想食回憶既選擇

相信荃灣嘅朋友仔都一定有試過 系荃新有3間分店既雞煲🍲都真系名不虛傳👍🏻平時食開都係嗌普通嘅雞煲 今日就試吓佢嘅牛雜雞煲🍲我哋嗌既系小辣 牛雜入面 我最中意既都系金錢肚🐮其他我就吾太好 另外再嗌左2個小食🤤分別系招牌小炒王同蜆介鯪魚球 佢哋既小炒王都好足料 有好多吾同既配菜 我最中意既就系腰果🫢所以每次去呢度都系必嗌 炸鯪魚球外皮夠香口 又吾會好油 味道都吾錯👍🏻食雞煲🍲最重要真系個汁‼️撈多幾碗飯都仲得🤤之後打邊爐我哋仲嗌咗手切肥牛🐮白膳片🐟花枝片🦑響鈴 鵪鶉蛋🥚枝竹同九菜餃🥟鵪鶉蛋🥚我哋比較早就擺落去炆🫢一口咬落去流沙嘅蛋黃真系好正😋不過膽固醇比較高所以都唔敢食太多 九菜餃🥟皮都夠薄 真系食多幾次都吾會厭🫢另外嗌左2杯野飲 青檸水🍋同野山葡萄籽🍇味道就無乜特別 不過不失

食雞煲一直都食開一品，貪佢個醬汁調教得岩岩好，就算同唔食辣既朋友一齊都食得自從疫情後又有限堂食再加埋聚令，一直都無機會食一品，又擔心外賣雞煲會無堂食咁好味，但實在係太掛住一品既味道，最後試下外賣。我既擔心係多餘，就算外賣都一樣咁好食，d 汁又多，雞一樣嫩滑，本來最驚無得加辣汁佢都一樣做埋外賣俾你，可以做到同堂食既味道一模一樣，唔出街都食到一品暫時未搵到一間可以媲美一品既雞煲，佢地既醬汁真係會令人食上癮

星期日，一定要約埋三五知己聚一聚！經過辛勞的一週後，要食返個雞煲補補🌹雞煲首選，必是一品雞煲，認識雞煲都只因一品，由土瓜灣，旺角，再食到荃灣！！雞煲有辣有唔辣，剛好我們一行8人，一半辣一半唔辣。平時我在譚仔食中-小辣，點了一品的中辣，並不算辣偏淡，食辣之人可參考。同行的人都讚雞煲醬汁超正，雞肉又嫩口，還要加飯配汁🤣🤣🤣好多人食完雞煲會加湯打邊爐，但我在加湯前，反而把索味的食物先煮，先令到食材吸曬雞汁更好味，包括蜂巢豆腐，芋絲，釀豆卜等等，其次再加少少湯，再食魚皮，響玲。打邊爐湯一定唔可以多，因為會無味，岩岩好蓋過食材面就可以。 配埋一品特色大檸茶，簡單無得彈❤️每份食材剛好都是8件，所以我地可以點唔同種類食，埋單每人都係$200，其實比任食仲平，人多食雞煲，一定要選一品。

原先早啲打去訂外賣雞煲，接電話姐姐話：外賣好快，唔洗訂，嚟到先order。6:30pm去到買，其實都要等20-25分鐘。講番雞煲，叫咗少辣，外賣返到屋企都仲好熱，一開即食，初初食真係唔辣，只係有少少麻，味道適中，肉質好滑，叫咗一隻雞，兩個人食但食唔哂，所以留到第二日再食，翻煲啲雞竟然仍然好食，肉唔會嚡，自己加咗生菜，簡直一流，因為個汁好好味，亦配埋白飯😋，可能翻煲關係，啲辣味出晒嚟，但只係比起第一日食嘅辣辣咗少少，若果食得辣，至少要由中辣起。

第一次吃雞煲體驗，友人們帶我來吃這間吃雞煲。點了半隻秘製雞煲(不麻不辣)待應會幫忙留意雞煲烹調時間，熟左時候會通知我們一聲可以食了，味道好濃，偏重味一些，有少少咸，但味道可以接受到。食光雞煲後就可以開始食周邊菜，當中最大隻就是美國桶蠔，又大又肥美，熟左好好美，另外必點的響鈴超級好味道。味道不錯，不過個人覺得價格偏貴。

今晚去食一品雞煲, 毋須等位, 到埗直入, 有限用餐時間麻辣秘製雞煲, 實物與相片相符, 絕無取巧雞煲個汁真係冇得頂, 味道非常濃, 不加湯情況下完全是掛食(濃汁沾滿食物外層)😅 當開煲蓋時, 第一時間係食...... 紫洋蔥&芫茜 😬😬 又淋又入味, 好好味😋 食完大半煲, 再叫其他配料我哋主要叫配菜&麵類, 因為我哋要善用個濃汁😬😬 encore紫洋蔥, 牛肚, 烏冬&伊麵與濃汁非常絕配, 平時多數叫烏冬, 今次第一次叫伊麵, 估不到效果更好, 反而草菇就格格不入😕每次食完一品雞煲, 心靈&肚皮都非常滿足😋😋😜

趕客賣單……我兩個人食，只係食左一個鐘左右，我太太去埋個洗手間就會賣單，有個亞姐問我係咪賣單，我已經同佢講等陣先等我太太去完洗手間就賣單……然後轉頭個亞姐攞張單過黎話夠鐘要埋單……如果係有限時，我入座點解唔講？何況我當時又未夠……唔知以為自己食緊放題，呢間野無下次！

一直以黎都幫襯左佢大大話話六七年，食左咁耐都無試過比人催埋單，未試過食一餐飯食到背脊骨落...本身同朋友食得好好地，咁雞煲再加打邊爐都要時間食同等，食左1個鐘左右就有staff好無禮貌咁叫我地要埋單同催我地快d走，既然咁趕客既話，早少少通知有時間限制，我地直頭唔入黎食，入門口個時收銀又又無同我地講依家有限食時間，仲有成枱野未食就催我地走，最嬲既係佢地仲有一半既吉枱唔開，寧願趕d熟客走，根本就完全唔合理，真心吾會再幫襯。另外真係想問下個無禮既staff，D野食係生既，我都要時間等佢熟，請問點快，難道我要生食? 如果大家唔想比錢買難受就自己識做啦..

真係無失望過既一間雞煲😋最近幾乎有出嚟都係食雞煲😋但味道最難忘嘅都係一品。店內抽風系統唔錯，但地下就因為油膩而爭啲跣腳🙈去拎調味料既時候都行得好小心。我哋兩個女仔，叫咗半隻秘製雞煲，傾咗陣偈，主角終於黎喇😋店員一放低雞煲，隨即香氣撲鼻期待已久既辣雞煲，終於食到喇！每一件雞塊都俾醬汁蚊煮過，辣椒🌶️、花椒、八角、紫洋蔥🧅釋出既香味都令人垂涎欲滴🤤急不及待要食一件，醬汁充滿香辣味，雞肉入口嫩滑，真係會令人食到停唔到手

今日特登出嚟荃灣食雞煲，好耐冇食，甘就約埋幾個出嚟食，因為都係有d擔心，所以我哋6:00pm就食，不過一品都好好，要量左體溫先可以入去食，甘就放心啲，因為疫症關係，所以環境都幾寧靜，味道真係唔錯

一路食，一路發現有曱甴，仲要一隻又一隻， 總共五隻。職員隨手整死，當冇發生過，仲要氣定神閑, 都未試過食到咁多曱甴，到底係有幾污糟？！冇下次好心冇乜生意就做好啲清潔，恐怖過去大排檔食飯

自從朋友帶咗我食一品 就愛上咗食雞煲而食過咁多間雞煲 都係一品最好食 雖然可能比起其他同行佢價錢係比較高 不過絕對係值得一試！ 而且營業時間到凌晨 係收工之後嘅宵夜好去處重口味 好濃郁 啲雞好入味又唔榎 真係好好食！通常叫小辣 少少麻 又唔會辣到流鼻涕蟲 岩岩好 加埋大檸檬茶真係冇得輸隨後嘅火鍋配料都唔講咁多啦 款式都唔少 不過佢就唔係任食 逐碟叫 如果少人可能試得兩三樣配料 多人食會抵好多 岩晒一大班人傾下計慢慢食。食飯時間好多人 佢係大枱先有得訂位 所以預咗要等位。