一品雞煲火鍋

營業中

休息中

小菜味道難食，份量細，價格卻不低，性價比低，一入去就催人落單，侍應服務態度奇差，叫佢地落單同斟水等時，侍應表現極不耐煩，亦見有一女性侍應把跌落地上Order單拾回至將要上菜的菜籃。明明說用餐時間兩小時，時間未到卻不斷有侍應催促離開。有雷，有伏，慎去！

其實我個人極為討厭食雞後嗰陣臭雞味，所以其實對食雞煲非常揀擇。基本上好多雞煲店都已在我黑名單中，其中我會不斷返食既只有一品雞煲。今日同朋友二人去食，7:30都等到8:00先入座，每次必點烏東娃娃菜加竹庶茅根，今日點多個炸魚皮同雜菌...仲有主菜半隻雞🤤🤤🤤半隻雞我地揀左少辣，非常惹味，肉嫩味濃，仲有當洋蔥入哂味後真係不得了！口會有少少麻，伴啤酒一流...但我地為養生，揀飲竹庶茅根🤦🏽‍♀️扣分位係今日野飲係暖暖地...同雞煲唔太夾...第一次點既魚皮！超 好 食！ 我地仲要係未加湯前就點黎食，好似薯片點醬緊，大推，我應該以後去都會點黎食！仲有必食烏東都唔洗講，好味爆...食完後再一次經歷臭雞味🤦🏽‍♀️但一品真係好值得。不過我地兩個女仔點既野太多，唔係好食得哂，我估減走雜菌就岩岩好。總結而言，真係好好食🤤🤤🤤

好耐無食雞煲，以前荃灣有常滿同一品揀，常滿質素係幾好不過貴，依家仲執埋，所以個天都要我去食一品三個男人梗係嗌一隻雞，半隻邊夠我哋食？！雞依然咁好味，少少辣，雖然唔係新鮮雞，但都一樣咁好食。少量配菜例如肥牛，午餐肉，響鈴都係必食，仲有大大杯嘅嘢飲！

來了香港這麼多年，吃過各種雞煲，最喜歡的還是一品雞煲了。雖然一品相比其他的有點貴，但是真的好好吃！三個人點了一隻整雞，麻辣小辣很入味很好吃！不會特別的辣，花椒的麻也恰到好處。感覺就這雞煲的醬料湯底可以吃下三碗白米飯！雞肉非常嫩，會有店員不斷關注妳的鍋，防治粘鍋或者煮過了。吃完雞之後就可以加湯煮火鍋了，一鍋多吃真的很好！肥牛有點小貴，但是肉質非常好！肉片也很厚，肥瘦相間非常適合涮火鍋。芝士球和響鈴卷也是每次必點！每一樣都好好吃。飲料也超級大杯！要說唯一的不足可能就是這裡的火鍋沒有沾醬，吃到最後可能會有一點寡淡。

最好味的雞煲開始轉季，又想食雞煲又想打邊爐，諗起一品雞煲。叫左個中辣小麻半隻雞，半隻份量也很多，辣味十分入味👍👍吃完雞煲再加湯打邊爐，湯底十分濃郁，仍有雞和辣味。叫左牛肉，菜，和手打墨魚滑。美味

叫左個麻辣雞煲啲汁好正雞肉吸晒味雞肉嫩滑不過份量略為小左啲已經叫全隻每人分到既份量都唔算多另外點左啲啲火鍋料響鈴就必叫㗎啦😂安格斯牛肉👍🏻👍🏻👍🏻脂肪紋好靚好重肉味🐷肚好爽羊肉夠騷最後加多個粉絲吸晒啲湯汁不得了😮

今次點了原味麻辣雞煲，148蚊有半隻雞，另外和朋友點了其他火鍋配料，雞煲加火鍋，一次過滿足兩個願望。雞煲十分惹味~麻辣越淆越香，雞翼入味，原來半份的份量不算太多，若想大吃雞煲的朋友 可以考慮點一份。火鍋配料方面，私心推介手切肥牛，十分軟淋，牛味香濃。而響鈴吸收了湯底醬汁，超級好味，比起外間購買預先包裝的響鈴，更為新鮮，也沒有一點油膩的感覺。吃了這麼多肉類，當然少不了蔬菜，推薦唐生菜，能吸收湯底精華。

今日同朋友喺荃灣一品雞煲火鍋食飯，因為有朋友住荃灣，又要早D食完返家睇住D小朋友，所以我地就就下佢去左大鴻輝（荃灣）中心分店。今天我們六人，不用等位。話明一品雞堡火鍋，梗係要叫返個雞煲! 一送上抬就覺得好香，食落仲好惹味👍👍火鍋配料新鮮，六位共1670元

朋友介紹話哩間雞煲好味，難得一班人去食野，當然跟大隊啦！我收工做完運動買左支水飲左一半拎住去見店內無乜人得三四枱客抱住跟大隊心態等食啦。。。點知點緊菜時個阿姐走黎同我講話叫我唔拎得支水入黎飲（P.S. 我放左半支水係枱面無飲過）我回應阿姐我無飲過喎！佢叫我收埋佢。。。我又無拎袋，基於土地問題我真係除左放枱唔知仲可以放邊。。。之後上菜大家當然照食，我就背脊骨落囉。。。煎餅又油，雞煲又油又燶！唔好問我味道啦，可能對健康人士黎講真係唔岩食，咁唯有好又一餐，唔好又一餐啦！

見天氣開始有啲涼，又好耐冇食過雞煲，所以約咗朋友去食我去嘅時候大概係六點鐘，可能因為太早所以唔使等位。Order左半隻雞，小辣，同啲肥牛。都唔使等好耐就尼到，隻雞真係好入味，啲汁真係好好味。但係美中不足嘅就係啲雞有啲鞋。我記得以前嘅雞煲啲雞真係好juicy 架！ 我諗遲啲再凍啲會去多次，但係希望今次只不過係失準啦

一直都好鐘意食雞煲，都試過唔少餐廳。但係尋尋覓覓最後都係回到最初，始終都係覺得最多分店最常見既一品係最好食。其實我係為左食雞先食雞煲，雞加入好多配菜例如莞茜洋蔥辣椒等等炒過，D香味出哂黎，麻辣咸香，超級惹味。一家人叫一隻都有d唔夠食，始終好多頭頭尾尾腳呀頸呀無人要。家中兩老就覺得咸左少少，但我同家姐重口味開，就覺得好正。當然食完雞一定要加水打邊爐。仲叫左脆鯇魚，粉腸，菇，牛柏葉，唐萵。除左粉腸太多食到膩左，同埋d菇超級索油之外，其他都幾正。間中就會想食雞煲，質素幾穩定想食既時候都會再黎。

一去到，明明個場就得小貓3幾隻，但要人等位，都唔知等乜一坐低，就問要咩雞煲，睇都未睇，點嗌！d呀姐串過馬頭咕哩！嗌遲1分鐘好似會阻佢收工咁最後嗌咗個鮑魚雞煲, 鮑魚得記得就算數啦， 雞嘅份量都係咁少！個汁得個咸字，嗌碟肥牛，百蚊得幾塊，真係得幾塊，d蝦滑同墨魚滑又係唔知想點，無味既岩岩食完個煲！講都唔講就執哂人地d野，要人走，明明成個場好多位，又唔係紅日！個人食八百幾蚊，食完都唔知食乜！永遠blacklist呢間垃圾之中既垃圾p.s 打咁多字既原因，就係要劣評

吃喝玩樂無一不精， 深明飲食之道在乎嘗試畢竟，每家都有最好最屬於自己的特色食物。是次到訪「一品雞煲火鍋」，細佬一直推介，見10月1號國慶放假就帶埋屋企兩老出嚟試一試第一次嚟到俾我感覺就係呢間餐廳座位好寬鬆，卡位闊到我地一行6人擺埋野都夠，坐得我好舒服😆有別以往食開的雞煲餐廳雞煲少辣(一隻)@食落雞的份量就唔太似足一隻，不過勝在真係好好味手切肥牛(大)@邊爐料主角當然係呢碟手切肥牛啦~~食起嚟相當濃牛肉味，而且口感相當豐富油脂分佈又夠平均，肉質鮮嫩，食落啖啖肉，牛魔王必叫之選鱔片@我是無魚不歡嘅人，而鱔片就是我最愛的魚類火鍋料，呢度嘅鱔片切得比其他火煱店大塊，又夠薄，啖啖肉，有口感呀!正!!蟹籽墨魚滑@呢個堅好食，墨魚滑食落新鮮又滑又夠彈牙，再去食都會再叫午餐肉@以前覺得打邊爐食好搞笑但食過一次之後就次次都要叫鯇魚骨腩@很新鮮，魚肉很滑

想食咗好耐，好掛住辣雞煲嘅味道。放假要去食雞煲，重要去返我覺得試過最好食嘅雞煲店，因為之前試過紅磡嗰間，但始終都唔夠荃灣的好食。今次兩個人叫一隻雞，再加多兩碟菜及一杯嘢飲，埋單$416。好食，但都係要儲吓錢先可以再食。

2個人就梗係叫半隻雞少辣啦⋯⋯雞好滑，荃灣呢頭而家都無乜邊間好味，所以每次想叫雞⋯煲都一定係食返一品。今次因爲得2個女仔，多次既經驗⋯真係唔敢叫得多⋯⋯食完雞，就落牛⋯手切牛👍🏻跟住就再加多少少湯，但又唔可以太多，好驚佢無味😂跟住食自家製响鈴，好似無上一次食咁大舊⋯⋯之後就再加湯食薯仔、菇、韮菜餃韮菜餃同手切牛都係一品必點美食，真係好好味👍🏻