一寿司 (已結業)

上網見到有人話一壽司做到2月3號就結業了，雖然唔係成日食，但同過唔少朋友來過，所以決定結業之前食最後一次。雖然天氣好凍，但都仍有好多人前來食，我地6點半到達都要排隊排到轉角位，不過大概等左15分鐘就可以入去啦，可能因為太多人太忙，所以未入已經講明只可以落單一次，於是我同朋友都點左好多野食。如果講到一壽司，每次黎到都好想食清酒煮蜆（$36），雖然無半價，但份量都好多，而且都好有味道食完蜆又等左一陣先上壽司，掛住食有幾碟都唔記得影相😋。當然仲有軟殼蟹手卷食到最後幾碟其實已經好飽，因為怕無得再加而唔夠，結果叫得太多，兩個人勉強食晒～加一係半價前價錢，所以服務費都偏貴，食完差唔多8點我地都好快埋單走了，因為出面已經排隊排得好誇張。整體而言今次食得好滿足，但如果唔早啲到或者太多人，排隊真係需要等一段時間，同埋上食物速度有啲慢，但晚餐時段同因爲太多客太忙都明白的，算係同一壽司的一個完美句號

以黑夜壽司出名嘅"一寿司" 將於2月3日結業了很多年前就好鍾意食, 一收到消息便嗱嗱聲搵齊腳作最後集體回憶.而家黑夜壽司唔會咁夜, 18點就黑夜壽司(半價優惠). 我地19:30 到唯一一間一寿司, 已經大排長龍, 龍尾根本見唔到一寿司門口, 一直排到近大門口人龍又轉彎入後樓梯, 足足排咗2個鐘先到門口.21:30終於排到大門口, 入坐前聲明無得加單, 只有一次機會, 我地一於盡地一煲, 又叫到成枱都係, 其實我睇最近期嘅食評, 好多人都講質數下降, 服務好差, 但我今次去到還可以呀! 只係要企都腰都斷先入到去啫.  而我最愛嘅海膽都好甜, 成個軍艦裝滿滿, 牡丹蝦好鬼鮮味, 又有膏, 連蝦頭都食埋, 但全晚最貴就係佢, 雖然減價後HK$24/隻, 但相比其他款式, 牡丹蝦係最貴嘅.要集體回憶就好快快過去喇.

黑夜壽司將於2月3日光榮結業，為了懷念一下，所以相約朋友來吃。距離上一次來吃應該有好幾年吧，因為不斷有新的餐廳開張，所以已經有好早一陣子沒有來了。我們點了10多碟的壽司，有一些已經賣完了，可能因為我們快10點才進去的關係吧，另外也點了3杯飲料。壽司一般般吧，飲料算不錯喝，如果不是因為快結業，應該不會來光顧吧。

得知就黎結業，帶媽咪再黎幫襯下！未夠6點已大大排長龍，好彩我早左黎拎位先，第一輪已經安排入座。首先梗係拎張order 紙喪剔半價壽司，手卷先啦！由於媽咪最愛日本野，見到成枱都係食物，滿心歡喜！再食到津津有味，望見都覺得開心！食完一輪又再叫多輪，半價正價係咁叫，真係好正！其實d野食都算係咁啦，最愛食玉子燒，每次食都係一樣既味道，又俾佢keep到喎！

兩星期前得知一壽司最後一間分店將於二月頭結束營業，曾經盛行一時既一壽司終於要告別我地，於是就約左朋友去懷念一下以前成日排隊食黑夜壽司既味道。六點半已經好多人排隊，等左大約一個鐘，七點半就可以入座~同朋友喪點左好多壽司🍣卷物同刺身😂玉子燒一如既往的好食，卷物普通冇乜特別。特別推介'龍蝦沙律花之戀'，龍蝦沙律同三文魚係完美既配搭👍🏻不過食一件就好滯了。。刺身叫左: 三文魚，牡丹蝦，甜蝦，帆立貝，三文魚甜蝦尚算新鮮鮮甜，但帆立貝就冇乜味😅另外叫左長鰻魚壽司，呢個真係不得了，放入口係凍凍地既😥咬唔開的鰻魚，不能接受總括而言，食物質素OK，但唔好點鰻魚類既食物😅

今日老公接完放工後，諗左好耐食咩好由荃灣諗到荔枝角，都係覺得唔啱食繼而決定去旺角食。去到旺角，老公叮一聲話不如食一壽司有壽司半價優惠排左一陣就已經被安排入座食90分鐘同最低消費係$90。上菜時間還好，不快不慢。好大碗嘅味噌湯！十分抵飲！內有豆腐粒！十分驚喜芝士玉子壽司，略嫌乾身花之戀值得推介嘅黑蜘蛛壽司另一好食推介係露荀金菇肥牛卷！老公話呢個玉子燒好食過東京築地嗰間好出名嘅玉子燒整體而言，壽司ok, 反而係小食充滿驚喜！

元旦晚上響旺角，經過雅蘭，諗住食幾件壽司醫肚。結果稍一不慎入左一壽司。記得10年前初試黑夜壽司，好有驚喜。今晚8點半左右一到，見居然唔駛排隊，就滿心歡喜試下。原來宜家黑夜壽司由6點開始……一入內見大把位，可惜大位都要你搭檯。點了最貴價的壽司: 吞拿魚腩，鵝肝，大帆立貝。炸蠔。蟹腳。等了又等，等左20分鐘，同我地同時間落order既鄰檯已經埋單，但我地一碟都未到。最後決定取消order徹退，點知個supervisor 即刻走黎話仲有order。話火炙壽司要炙所以要好耐，吞拿魚壽司要切所以要等。呢啲係咩理由!?我諗佢漏單。但結果佢唔駛一分鐘由廚房拎埋啲壽司出黎。唔通佢地整定晒?一食件火炙，少少微溫都冇。9成肯定係整定……或者你會話:有半價唔好奢望咁多食物質素。ok。咁至少我有俾加一，漏單遲上都會講句sorry。俾錢時都會講句多謝卦?食物質素一般，0服務，又唔係特別平。結論係絕對唔值得去+等執。

成日見佢好多人排隊 諗住唔會差點知真係勁難食 唔會再去🤮一入到去 已經叫野食 叫左七八碟左右但都等左成個鐘以上先到齊每食一碟又要等十分鐘先有下一碟啲壽司真係除左原條鰻魚 係魚大過舊飯 其他都係飯大舊過魚魚生又薄又無味 點左豉油就淨係得豉油味吞拿魚佢整到魚蓉咁既樣 但食落似薯蓉 都係無味🤬叫左軟殼蟹手卷 但得一條腳 成條田雞腳咁紫菜仲要係淋 似食緊紙米卷多啲囉🙄又要等又要難食 但又要過最低消費 要夾硬食到夠先得大時大節去 最低消費又要每人120真係貼錢買難受😩可一不可再我真係寧願食爭鮮 如果佢唔係半價 我諗真係無人會去食

話說引起想食黑夜壽司然後阿 10點50分左右黎到呢間一壽司 有位部長叫我地門口等等 ok無問題！等到11點入座 剔紙 中間完全無人提過需要一次過落單 所以就慢慢揀 嗌左大約200蚊 好啦 落完單 有個短髮女部長放低單同我地講一陣對下齊唔齊 係咩落哂 到食得7788 11點26分 佢再隊張單話埋單 但係我地就未夠既 所以再剔諗住加單 寫完諗住比佢 佢話頭先last Oder 左 我打左個問號❓ 佢: 同事講左一次過落單 我: 姐係一入黎就last Oder ? 你同事乜都無講過就帶位 然後走開咁姐係點？ 佢: 姐係無得加單！乜都無講 放低單又唔提無得加單 一入座就last Oder 下次？ 不了不了！

六點開始就已經半價的黑夜壽司，好快已經大排長龍，好彩等左唔是太耐就可以入座其實價錢方面，減半先比元氣板長平少少，但小數怕長計，食得多又真係平多d既。因為太肚餓，只為部分食物影了一張遺照，軟殼蟹手卷唔是太脆，無咩肉，不過勝在平。其他壽司都唔錯，對得住本身的價錢，食材都新鮮，魚類貝類唔會腥。最滿意係帆立貝，價錢便宜都幾多，但食落都同連鎖壽司店差不多。可能因為食客太多，好多時候都叫天不應，所以最好都係一次叫晒食物，唔洗再等

食日放工就去食半價嘅黑夜壽司，本身都出名好好食，好耐之前黎過，咁耐之前水準依然冇變！首先要講嘅就係花之戀，今次食曬香芒同普通版 一樣咁好食特別要推介嘅係黃金魷魚海膽軍艦，真係起好食架！海膽味好夠半價最抵食就係牡丹蝦😋 仲想介紹嘅就係雞軟骨💓

第一次劣評就俾左呢間野😒今日同朋友兩人去食黑夜壽司，第一次叫左九碟壽司，淨係黎左七碟🍣。等左四個字左右就我地就催單喇，點知原來無落另外個兩碟😕 ok 唔緊要😑 咁我地再叫多兩碟喇，其中一碟係火灸既 又等左四五個字左右，同個推收碟車既姐姐講加左兩碟壽司好耐都未到，佢話：「係要等咁耐架喇」 下？兩碟壽司都要等咁耐？😳 我地隔一陣再問另一個職員 佢話:「火灸係要耐啲 同埋多單要等一等」🙄 但成個場係未坐滿既😒😒😒 未爆場都要人等咁耐 咁如果坐滿晒 點算?👿同埋原來頭先個職員除左火灸個碟 佢無落到另一碟👿 如果我地唔催單 係咪呢世都唔知原來無落到呢？🤔仲有，呢間野最底消費每人$90 如果我地落埋個兩碟係過最底消費既 但另一碟無貨而無通知我地 搞到我地唔可以賣單 要焗住加多碟小食😤最搞笑係 最後加個個小食仲快過個火灸壽司😂去到呢度已經坐左兩小時十五分鐘😑前前後後都唔知等左幾多次🙂 我地同個侍應講 唔等個碟火灸喇 要賣單 佢個陣先話依加入廚房拎俾我地🙃真係唔該晒🙂🙃🙂🙃🙂🙃🙂

今次係第一次去食一壽司，同朋友慶祝生日，因為知道佢黑夜壽司好早開始，所以就去試下食😆😆其實都幾意外架，本身諗住每人最低消費90蚊一定食到啦，畢竟係食日本野喎，點知冇諗過佢黑夜壽司都包左好多野食，基本上係咩都有半價咁濟，除左小食、飲品、同埋拉麵，所以如果淨係食半價items的話要食夠每人90蚊都幾難。我地叫左一碗拉麵、兩個手卷同埋好多壽司，都只係220蚊左右，都算係幾抵。食物質素方面就一般啦，冇話好好食，但係呢個價錢有呢個質素都算係唔錯架啦🙈

記得上一次食一壽司大約兩年前，味道賣相都很滿意。早兩天到旺角，巧合地知道旺角分店在下午六時已有半價壽司，就決定去大食一餐。我哋七點半到達，不出奇地都是要排隊，但等候時間亦很快，大約10至15分鐘。我哋order左12款食物，包括壽司，刺身， 卷物同手卷。每款食物價錢介乎$10- $25左右。比較滿意就是蒲燒鰻魚壽司同北海道帆立貝壽司，較高質素。而三文魚手卷，三文魚刺身和卷物都不過不失吧。頗為失望是火炙鹽燒海膽壽司，賣相和味道差極，最後都沒有進食。總括，我們亦很失望地離開，亦沒有在短時間再光臨的理由吧！順帶一題，進食時間為1.5 小時，每人消費最少＄90

昨天因要遲吃晚飯，太概晚上9:00，所以選了旺角的一壽司，已經太久沒有去，原來黑夜壽司時段已經提早了晚上6:00已開始。不須等很久已經可以入座，很快點了些食物，等了廿多分鐘都才開始上菜，但食物就像飛碟一樣，降落在隔離枱的邊緣，之後每一碟都沒有放到我們四人的中間，除了飲品外。第一碟來的是帆立貝壽司，帆立貝是沒有味道的，而那舊飯的飯粒口感怪怪的，飯粒面是糊的，內裡是實的，而味道亦是很淡淡的，之後每件壽司上的肉都是淡而無味，那件極品吞拿魚極品得像一片西瓜放在一件壽司飯上，某個程度，我覺得爭鮮的味道還更好。招呼和食物質素都嚴重下降，像是一間苟延殘存的店，老本應該食不了很久吧。