一幻拉麵

營業中

休息中

亞洲人吃麵的歷史可謂源遠流長，亦是新年習俗之一，象徵長壽好運，非常建議大家吃一碗「開運」！來自北海道札幌、以足料濃郁蝦湯稱霸業界的「一幻拉麵」於2009年由總店長林直樹先生 (Mr Naoki Hayashi) 創立，深深俘虜全日本國民及各國旅客的心。去年12月香港再有新店開張，並選址九龍區新蒲崗Mikiki，以後無須再走訪油尖旺或港島都能吃到暖胃暖心的高質拉麵！環境：✨餐廳室內裝潢設計以具品牌代表性的紅橙色和木色為主調，貫徹鮮明醒目的形象，綴以燈籠元素，更添日系風情。服務：✨午市人流極多，職員態度友善有禮，上菜速度很快。食物：🍜 特濃蝦汁叉燒拌麵 ($88)✨特濃蝦汁味道確實濃郁惹味，搭配軟腍的叉燒粒、蔥粒、糖心蛋等豐富材料，攪拌後同吃，美味又不會顯得油膩。🍜 原味鹽味蝦湯拉麵 ($88)✨店家每天利用鮮蝦頭精選熬製，色澤鮮艷，鮮香帶平衡感，不會喧賓奪主，筆者建議點選粗麵，更易掛湯。🥟 餃子 ($35/ 5隻)✨餃皮煎至金黃，厚度適中，豬肉餡料味道中規中矩。🍙 龍蝦沙律伴紫菜 ($28)✨口味輕怡清新，也能增加果腹感。🍡 抹茶蕨餅 ($22)✨甜蜜的黑糖醬搭配軟糯的抹茶蕨餅，微微回甘

經過新蒲崗，諗住同個friend入去試吓香港一幻，行到門口諗住入去，同佢講2位，個女waitress一句好惡咁講：冇位，喺出邊等。啲語氣好冇禮貌，唔講以為我得罪佢全家。平時我就走咗，但係個friend想食，就算。入到去，比QR code我哋，掉低就走咗去。講返味道，我個蝦麵味道，比日本淡咗啲，同個湯可以再熱啲。個friend要咗牛乳蝦麵，佢話麻麻哋。埋單走嘅時候，黑口黑面，多謝都冇句，真係好黐線。香港搞日本嘢，咪搞臭自己間鋪個名。依家啲服務業咁晦氣，就唔好做啦。下次去日本食算。咁嘅態度，免費我都唔食，食完頂住頂住落唔到格。完

鍾意食拉麵嘅我哋，知道一幻拉麵喺Mikiki開咗新分店，梗係唔執輸去食返餐啦🍜新店設計以紅橙色和木色為主調，貫徹一向一幻店嘅元素，充滿日系風情🇯🇵嚟到一幻，一定要食香港店限定嘅蝦湯拉麵啦，湯底味濃，滿滿嘅蝦味🦐仲有得揀麵條粗幼，同埋大大塊叉燒同溏心蛋🥚真係超級滿足。芷娸今次就食叉燒飯，細細碗飯上佈滿叉燒同醬汁，唔怪得佢食到咀舐舐😋我最欣賞佢嘅係餃子，皮薄多汁，上面仲有一層脆脆嘅櫻花蝦，感覺新鮮🥟另外仲有幾款日本直送嘅果汁梳打飲品，真係好好味🤤

今日去Air side睇最近大熱嘅港產片為締造票房歷史紀錄出一分力。入場之前趁有時間就去Mikiki搵D嘢食，竟然見到新開咗間「一幻拉麵」😍😍我叫咗碗招牌蝦湯拉麵+餃子，等餐途中感覺到冇其他拉麵店咁有壓迫感，坐得好舒服。熱辣辣嘅拉麵同餃子終於嚟到，赤紅湯頭蝦嘅香味好突出，急不及待要飲啖湯先😆😆 蝦嘅鮮味好突出，覺得比之前曾食過嘅其他拉麵店嘅蝦湯更勝一籌，俾到我一個更高層次嘅感覺。蝦湯同埋配料都完美配合，搞到我食完碗麵先記得仲有餃子未食，餃子餡料有肉汁及煎得好脆好好食。整體環境同服務都好好，再加埋呢碗蝦湯拉麵帶給我驚喜，之後仲睇咗一場好戲，感覺雙重滿足！