一月冰室

營業中

休息中

去咗一月冰室食lunch，叫咗個秘汁手撕雞絲飯加即磨咖啡套餐，六十二蚊咋，真係幾抵食！雞絲飯方面，啲雞肉手撕得幾好，秘汁入味，配埋白飯就啱啱好。不過要提大家，啲雞肉有連埋小小肥，唔食得雞肥嘅朋友要留意下。最令我驚喜嘅係佢嘅即磨咖啡，香濃順滑，完全無苦味，真係超出預期！講真，六十幾蚊食到咁多嘢，喺而家嘅物價嚟講都真係幾抵食。想搵個地方食個抵食午餐，呢度都算係個唔錯嘅選擇啦！推介指數：價錢：💰💰💰💰味道：😋😋😋😋環境：🏠🏠🏠總結：抵食、夠味，值得一試！

專登早起身黎試佢嘅早餐，上次試咗午餐今次試早餐啦，份量真係大又好食，佢連埋凍飲都係$52，有幾款野可以揀，我選咗吉列豬扒、黑松露炒蛋、煙肉、漢堡扒、迷你牛角包，（沙律是指定有的），凍飲+$3，淨係個餐就$49，呢個價錢真係抵食，佢嘅吉列朱豬係厚肉果啲，仲要咁大塊，不過個牛角包就脆過龍了，下次都係選蒜茸牛油多士會好啲，坐得舒服架呢間野，冷氣適中，食完埋單佢仲會送張減$3嘅優惠券比你下次使用，值得再黎

呢間早餐真係無得輸！吉列魚柳一隻手掌咁長，炸皮好香脆。跟餐重有雜果沙律同可以選配3種配料，煙肉，黑松露炒蛋同漢堡扒都係唔錯選擇（$49）招牌蕃茄湯通粉好足料，可以選配2種配料，我特別鐘意配肥牛同仿鮑絲（$43）粉麵方面。我試咗惹醬牛肉公仔面，醬料好香牛肉好稔（$41）每個餐都可選配一種面包，餐包同蒜香多士都好好味飲品我一定選即磨咖啡，佢地用咖啡機即磨咖啡豆。好好飲員工都好有禮貌價錢好公道，食完一次更可以留起單據下次減3蚊。依家每個禮拜都會去食幾次

朝頭早嚟食早餐，食完成身油煙味，一路食一路以為自己坐喺個抽油煙機排氣口人手唔夠，出餐好耐，等外賣仲耐，建議趕時間嘅諗一諗食物份量夠多，味道唔錯埋單留住張單，下次幫襯減$3，但應該好難有下次

今日終於試吓佢，見上網啲人講佢份量大唔錯，咁就去試下今次我中午去到，入到去店員問會唔會坐入啲，因為門口會較熱，有點貼心，地方好光猛感覺都好乾淨我選咗個鐵板雜扒餐配意粉黑椒汁（$69），加杯凍檸茶（+$3），包紅湯一碗紅湯過份濃，似飲緊番茄汁，如果稀返啲會好啲杯凍檸茶我幾鐘意，沖得唔錯，茶底飲落去係清唔係苦澀果啲，而且夠哂凍個雜扒都幾多，有火腿、煙肉、雞扒、豬扒、薄牛扒、腸仔（各一），再配咗幾舊西蘭花同雜豆，佢可以配飯/意粉/薯菜，黑椒汁都幾濃味，意粉都幾多，佢不足之處鐵板唔夠熱無炸炸聲，$69咁多其實真係好抵食下次會想試埋佢個歐陸早餐