一樂冰室

營業中

休息中

食咗下午茶焗豬扒飯配熱檸水，豬扒厚身足料，有少少燶邊，比某啲連鎖餐廳嘅焗豬好食好多，有水準侍應們服務同態度都好好，有禮貌。餐廳裝潢明亮整潔，寬敞，坐得好舒服。期待下次再嚟食過。

在平台叫外賣，點咗兩個餐，只係嚟咗一個餐，打電話去問，店員都承認自己落少咗，但態度好惡劣，勁冇禮貌問我咁你想點呀！我問佢既然送少咗，咁你哋應該點處理，我都未問完個問題，竟然比店員直接cut線，完全冇答我補救方案。最後要我搵平台投訴，係平台幫我處理，退返一份餐嘅錢。另外，楊州炒飯完全淡而無味，炸雞翼亦都好淡，好油膩，第一次食咁難食嘅楊州炒飯及雞翼，送到嚟嘅飲品，沒有蓋好杯蓋，倒瀉晒，明知道外賣，做嘢可以咁求其

初開張的時候很好 食物質素越嚟越差 星洲炒米 又凍又難食 焗肉醬意粉牛肉又有騷味 今天去食叫個魚柳餐套餐 煎荷包蛋變咗煎熟蛋 次次order都說煎荷包蛋 但次次都出錯 除了一個達哥先至懂得什麼叫做煎蛋什麼叫做煎熟蛋才沒有出錯 而今天炸魚柳變水浸濕魚柳 整塊魚柳又濕又梅爛 投訴後還沒有人理會我 仲要同男樓面主任嗌交 太態度極度差 大聲呼喝又沒有禮貌 不質疑廚房 反質而我 叫佢跟肥哥哥主管學下嘢 廚房啲人仲走出嚟眼悄悄 點解咁多人返大陸消費

這間茶餐廳一直未試過，今日特別叫了一個下午茶試吓，瑞士汁乾炒牛河 $48，外賣要加兩蚊。味道可以，但牛肉咬唔開，好韌！瑞士汁乾炒牛河份量較少，攞起個外賣袋都覺得輕飄飄，如果整體價錢$50嘅話就唔係好值。如果一個男仕來說，估計需要吃至少三盒，才可以說飽肚。另外，杯奶茶是失敗之作，茶味不足，太多花奶。茶餐廳杯奶茶最緊要，完全做唔到茶餐廳風味，杯奶茶很淡味道，茶味不足。我應該唔會再幫襯了。而且份量太少食唔飽，就唔會再幫襯了

首次光顧，睇到裝修企理整齊，就入去一試。睇睇餐牌，見到種類跟一般茶餐廳相似，也覺得可以選擇食開的東西。可惜，飲品一到，發現杯的外面，佈滿污漬，好似未洗杯，就拿來裝另一個客人的飲品咁。真係有啲嘔心🤮食物，如同無味道，要用好幾包胡椒粉來提味；牛扒就好似橡筋，未食嘢，就要大大力切落去，真係做足運動，先可以吞落肚。設有自助熱水區，只是，附近的地面濕滑，需要改善一下，否則有人滑倒就大件事。

今日來吃了一個下午茶，雪菜雞絲米粉有驚喜👍🏻，味道唔會太鹹，米粉很幼細，如果冇估錯應該係新竹米粉，最緊要用雞絲不是豬肉（因我不吃豬的），所以很啱我食！茶餐還包括一片丹麥酥，加上少量牛油很香但稍為薄了一點，奶茶夠濃夠滑，$37吃得飽飽又好食，唔錯👍🏻👍🏻

忙到遲了吃午餐！新開今次第一次外賣！見到餐廳算大，坐位又多算舒適！食品有驚喜！💓😉煎蛋免治牛肉飯✅肉質鮮美！蛋汁滲入飯內，味道令人回味！熱檸茶✅茶味香濃，檸檬有4片甘多！

我們有一次星期六去食下午茶，我見餐飲人多食，所以去試一下，我們下單叫了一份西多士和薯條魚柳餐，結果西多士等了45分鐘，薯條魚柳等了大半小時，雖然人多我可以諒解，但問題是廚房等單，結果到出時連續多碟一齊出，結果遲來的很快有得食，早來的就要等，這種陋習應該改善一下，所以這方面我對餐廳失去信心。